ரூ.5 லட்சத்துக்குள் 360° கேமரா...டாடா காரில் எல்இடி லைட் முதல் 6 ஏர்பேக் வரை செம அப்டேட்!
புதிய டாடா டியாகோ 2026 மாடல் டிசைன், பாதுகாப்பு மற்றும் தொழில்நுட்ப அம்சங்களில் பல மாற்றங்களுடன் அறிமுகமாகியுள்ளது. குறிப்பாக 360° கேமரா மற்றும் புதிய கேபின் வசதிகள் வாடிக்கையாளர்களின் கவனத்தை ஈர்த்துள்ளன.
ரூ.5 லட்சத்துக்குள் புதிய டாடா கார்
இந்திய ஹேட்ச்பேக் சந்தையில் வலுவான இடத்தைப் பிடித்திருக்கும் டாடா டியாகோ, 2026 மாடலாக புதிய தோற்றத்துடன் அறிமுகமாகியுள்ளது. பாதுகாப்பு, தொழில்நுட்பம் மற்றும் தினசரி பயன்பாட்டை மையமாகக் கொண்டு இந்த கார், இளம் வாடிக்கையாளர்கள் முதல் பயனாளிகள் வரை பலரின் கவனத்தை ஈர்க்கும் வகையில் மேம்படுத்தப்பட்டுள்ளது.
டாடா டியாகோ
புதிய டியாகோவின் வெளிப்புற வடிவமைப்பில் குறிப்பிடத்தக்க மாற்றங்கள் செய்யப்பட்டுள்ளன. முன்பக்கத்தில் புதிய எல்இடி ஹெட்லெம்ப்கள் மற்றும் டே டைம் ரன்னிங் லைட்கள் இடம்பெற்றுள்ளன. கருப்பு நிற கிரில் மற்றும் ஸ்போர்ட்டியான பம்பர் காருக்கு பிரீமியம் தோற்றத்தை வழங்குகின்றன. பின்புறத்தில் கனெக்டட் டெயில்லெம்ப் வடிவமைக்கப்பட்டுள்ளது, டியாகோ இப்போது மேலும் நவீனமாக காட்சியளிக்கிறது.
டியாகோ அம்சங்கள்
கேபின் பகுதியும் புதிய தொழில்நுட்ப வசதிகளுடன் மேம்படுத்தப்பட்டுள்ளது. பெரிய ஃப்ளோட்டிங் டச்ஸ்கிரீன் இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் கிளஸ்டர் மற்றும் தரமான டேஷ்போர்டு மெட்டீரியல்கள், காருக்குள் ஒரு உயர்தர அனுபவத்தை வழங்குகின்றன. வயர்லெஸ் சார்ஜிங், பின்புற ஏசி வென்ட்கள் மற்றும் யுஎஸ்பி இதில் டைப்-சி ஃபாஸ்ட் சார்ஜிங் போன்ற வசதிகளும் இடம்பெற்றுள்ளன.
360 கேமரா கார்
பாதுகாப்பு அம்சங்களில் டாடா மீண்டும் கவனம் செலுத்தியுள்ளது. 360 டிகிரி கேமரா, ஆறு ஏர்பேக்குகள், ஏபிஎஸ், ஈஎஸ்பி, டிராக்ஷன் கண்ட்ரோல் மற்றும் ஹில் ஹோல்ட் அசிஸ்ட் போன்ற வசதிகள் வழங்கப்பட்டுள்ளன. நெரிசலான நகரப் போக்குவரத்தில் பார்க்கிங் மற்றும் டிரைவிங் அனுபவத்தை எளிதாக்கும் அம்சங்கள் இதன் பலமாக பார்க்கப்படுகின்றன.
டாடா கார் டியாகோ விலை
1.2 லிட்டர் பெட்ரோல் மற்றும் சிஎன்ஜி இன்ஜின் தேர்வுகளுடன் வரும் புதிய டியாகோ, மேனுவல் மற்றும் ஏஎம்டி கியர்பாக்ஸ் விருப்பங்களிலும் கிடைக்கிறது. ரூ.4.69 லட்சம் முதல் ரூ.8.54 லட்சம் வரை விலை நிர்ணயிக்கப்படலாம் என எதிர்பார்க்கப்படும் இந்த கார், மாருதி ஸ்விஃப்ட் மற்றும் ஹூண்டாய் கிராண்ட் i10 நியோஸ் போன்ற மாடல்களுடன் நேரடி போட்டியில் களமிறங்குகிறது.
