- Home
- Auto
- 7 Seater : ரூ.5.20 லட்சம் விலை.. 14 லட்சம் பேர் வாங்கிய இந்த 7 சீட்டர் கார் ஏன் இவ்வளவு பிரபலம்?
7 Seater : ரூ.5.20 லட்சம் விலை.. 14 லட்சம் பேர் வாங்கிய இந்த 7 சீட்டர் கார் ஏன் இவ்வளவு பிரபலம்?
7 Seater : ரூ.5 லட்சம் விலை, 14 லட்சம் விற்பனை... எஸ்யூவி காலத்திலும் இந்த 7 சீட்டர் வேன் மீது மக்கள் நம்பிக்கை ஏன் குறையவில்லை? மாருதியின் இந்த காரின் வெற்றிக்குப் பின்னால் இருக்கும் காரணங்கள் கவனம் ஈர்க்கின்றன.
அதிக மக்கள் வாங்கும் 7 சீட்டர்
இந்திய கார் சந்தையில் எஸ்யூவி மற்றும் பிரீமியம் மாடல்கள் அதிகம் பேசப்பட்டாலும், அமைதியாக தனது ஆதிக்கத்தை தொடரும் ஒரு வாகனம் இன்னும் இருக்கிறது. அது மாருதி சுசுகி ஈகோ. குடும்பப் பயன்பாடு முதல் சிறு வியாபாரத் தேவைகள் வரை பல தரப்பினரின் நம்பிக்கையைப் பெற்ற இந்த 7 சீட்டர் வேன், இந்திய வேன் சந்தையில் தனி இடத்தை பிடித்துள்ளது.
14 லட்சம் பேர் வாங்கிய கார்
2010-ல் இந்திய சந்தையில் அறிமுகமான மாருதி ஈகோ, கடந்த பல ஆண்டுகளாக விற்பனையில் தொடர்ந்து வளர்ச்சி கண்டு வருகிறது. இன்று வரை 14 லட்சத்திற்கும் அதிகமான யூனிட்கள் விற்பனையாகி, நாட்டின் வேன் பிரிவில் சுமார் 90 சதவீத சந்தைப் பங்கைக் கைப்பற்றியுள்ளது. இதனால், இந்தியாவில் அதிகம் விற்பனையான வேன்களில் ஒன்றாக ஈகோ மாறியுள்ளது.
மாருதி ஈகோ வசதிகள்
இந்த வாகனத்தின் வெற்றிக்கு முக்கிய காரணம் அதன் பயன்பாட்டு தன்மை. எளிமையான பாக்ஸி வடிவமைப்பு, உயரமான கூரை, ஸ்லைடிங் கதவுகள் மற்றும் விசாலமான கேபின் இடவசதி ஆகியவை குடும்பங்களுக்கும் சிறு தொழில் நிறுவனங்களுக்கும் ஏற்றதாக அமைந்துள்ளன. பள்ளி வேன், சரக்கு பயன்பாடு மற்றும் குடும்ப பயணம் என பல தேவைகளுக்கு இது பயன்படுத்தப்படுகிறது.
மாருதி ஈகோ அம்சங்கள்
மாருதி ஈகோவில் 1.2 லிட்டர் பெட்ரோல் என்ஜின் வழங்கப்பட்டுள்ளது. இது சுமார் 80 பிஎச்பி சக்தி மற்றும் 104.4 நியூட்டன் மீட்டர் டார்க் உற்பத்தி செய்கிறது. சிஎன்ஜி மாதலும் கிடைக்கிறது. பெட்ரோல் மாடல் லிட்டருக்கு சுமார் 19.7 கி.மீ மைலேஜ் வழங்கும் நிலையில், சிஎன்ஜி மாடல் 26.8 கி.மீ வரை மைலேஜ் தரும் என நிறுவனம் தெரிவிக்கிறது. பவர் ஸ்டீரிங், ஏர் கண்டிஷனர், ரிவர்ஸ் பார்க்கிங் சென்சார், ஏபிஎஸ் மற்றும் ஆறு ஏர்பேக்குகள் போன்ற அம்சங்களும் இதில் இடம்பெற்றுள்ளன.
மாருதி ஈகோ விலை
ரூ.5.20 லட்சம் முதல் தொடங்கும் விலை, குறைந்த பராமரிப்பு செலவு மற்றும் நல்ல மைலேஜ் ஆகியவை இந்த வேனை மக்களின் விருப்பமாக வைத்திருக்கின்றன. இருப்பினும், முந்தைய பாதுகாப்பு மதிப்பீடுகளில் குறைந்த ரேட்டிங் கிடைத்தது குறித்து சிலர் கேள்வி எழுப்புகின்றனர். அதற்கு பதிலாக, புதிய மாடல்களில் பாதுகாப்பு அம்சங்கள் அதிகரிக்கப்பட்டுள்ளன.
