ஒருமுறை சார்ஜ் செய்தால் 622 கிமீ.. மலிவு விலையில் டாடா கார் இப்போ கிடைக்குது..
டாடா மோட்டார்ஸ், ஹாரியர் EV-யில் புதிய Fearless+ QWD வேரியண்டை அறிமுகப்படுத்தியுள்ளது, இது ஆல்-வீல் டிரைவ் மாடலை முன்பை விட மலிவாக்குகிறது. 622 கிமீ ரேஞ்ச் உடன் இந்த கார் வருகிறது. இதன் விலை, சிறப்பு அம்சங்களை பார்க்கலாம்.
டாடா ஹாரியர் எலக்ட்ரிக் கார்
டாடா மோட்டார்ஸ், ஹாரியர் எலக்ட்ரிக் கார் மாடலில் புதிய Fearless+ QWD வேரியண்டை அறிமுகப்படுத்தியுள்ளது. இதன் ஆரம்ப விலை ரூ.26.49 லட்சம் (எக்ஸ்-ஷோரூம்) ஆக நிர்ணயிக்கப்பட்டுள்ளது. இதனால், ஆல்-வீல் டிரைவ் (AWD) கொண்ட மாடல் முன்பைவிட குறைந்த விலையில் கிடைக்கிறது. மேம்பட்ட பேட்டரி மற்றும் சக்திவாய்ந்த செயல்திறனுடன் இந்த மாடல் கவனம் ஈர்க்கிறது.
புதிய வேரியண்ட் அறிமுகம்
இந்த புதிய வேரியண்ட் அறிமுகம் மூலம் QWD மாடலின் ஆரம்ப விலை சுமார் ரூ.2.50 லட்சம் குறைக்கப்பட்டுள்ளது. இதற்கு முன்பு டாப் மாடலான Empowered QWD 75 விலை ரூ.28.99 லட்சம் இருந்தது. இப்போது டூயல் மோட்டார் செட்டப்பில் இரண்டு வேரியண்ட்கள் கிடைப்பதால், எஸ்யூவி மார்க்கெட்டில் போட்டி மேலும் அதிகரித்துள்ளது.
ஹாரியர் எலக்ட்ரிக் கார்
ஹாரியர் எலக்ட்ரிக் கார் மொத்தமாக ஏழு வேரியண்ட்களில் கிடைக்கிறது. அடிப்படை அட்வென்ச்சர் 65 மாடல் ரூ.21.49 லட்சத்தில் தொடங்கி, டாப் மாடல் ரூ.28.99 லட்சம் வரை செல்கிறது. புதிய Fearless+ 65 (ரூ.23.99 லட்சம்), Fearless+ 75 (ரூ.24.99 லட்சம்) மற்றும் Fearless+ QWD 75 (ரூ.26.49 லட்சம்) ஆகியவை அடங்கும். வீட்டிற்கான ஏசி சார்ஜர் ரூ.49,000க்கு கிடைக்கிறது.
ஒருமுறை சார்ஜ் செய்தால் 622 கிமீ
பவர்ட்ரெயின் பார்ப்பதற்கு, 75 kWh பேட்டரியுடன் வரும் QWD சிஸ்டம் முன்புறத்தில் இன்டக்ஷன் மோட்டரும், பின்னால் பெர்மனென்ட் மேக்னெட் மோட்டரும் உள்ளது. இவை சேர்த்து 313 ஹார்ஸ்பவர் மற்றும் 504 Nm டார்க் வழங்குகிறது. ஒருமுறை சார்ஜ் செய்தால் 622 கிமீ வரை செல்லும் என நிறுவனம் கூறுகிறது. மேலும் 0 முதல் 100 கிமீ வேகம் சுமார் 6.3 விநாடிகளில் அடையும்.
ஹாரியர் வசதிகள்
புதிய Fearless+ QWD 75 வேரியண்டில் 540° கேமரா, டிஜிட்டல் IRVM டாஷ்கேம், ஆட்டோ பார்க் அசிஸ்ட், Dolby Atmos ஆடியோ, பிளைண்ட் ஸ்பாட் மானிட்டரிங் போன்ற அம்சங்கள் உள்ளன. அனைத்து மாடல்களிலும் 7 ஏர்பேக், ESP, TPMS போன்ற பாதுகாப்பு வசதிகள் வழங்கப்பட்டுள்ளன. புதிய கடற்பாசி பச்சை நிறம் சேர்க்கப்பட்டுள்ளது. மற்ற மெக்கானிக்கல் மாற்றங்கள் எதுவும் செய்யப்படவில்லை.
