- Home
- Auto
- EV Sales: அதிகம் பேர் வாங்குற ஸ்கூட்டர் இதுதான்.. ஜூன் மாதத்தில் இமாலய சாதனையை படைத்த மாடல் எது?
EV Sales: அதிகம் பேர் வாங்குற ஸ்கூட்டர் இதுதான்.. ஜூன் மாதத்தில் இமாலய சாதனையை படைத்த மாடல் எது?
EV Sales: பெங்களூருவைச் சேர்ந்த மின்சார வாகன ஸ்டார்ட்அப் ரிவர் மொபிலிட்டியின் ரிவர் இண்டி எலக்ட்ரிக் ஸ்கூட்டர், ஜூன் 2026 மாதத்தில் இதுவரை இல்லாத அளவுக்கு அதிக விற்பனையைப் பதிவு செய்து புதிய மைல்கல்லை எட்டியுள்ளது.
அதிகம் விற்பனையான ஸ்கூட்டர்
பெங்களூருவைச் சேர்ந்த மின்சார வாகன தயாரிப்பு நிறுவனமான ரிவர் மொபிலிட்டி, தனது ரிவர் இண்டி எலக்ட்ரிக் ஸ்கூட்டரின் விற்பனையில் புதிய மைல்கல்லை எட்டியுள்ளது. 2026 ஜூன் மாதத்தில் மட்டும் 4,436 யூனிட்கள் விற்பனையாகி, இதுவரை இல்லாத உயர்ந்த மாதாந்திர விற்பனை சாதனையை நிறுவனம் பதிவு செய்துள்ளது. இதற்கு முன்பு, 2026 மார்ச் மாதத்தில் 4,273 யூனிட்கள் விற்பனையானதே அதிகபட்சமாக இருந்தது. ஜூன் மாதத்தின் இந்த விற்பனை, ரிவர் இண்டிக்கு சந்தையில் அதிகரித்து வரும் வரவேற்பை வெளிப்படுத்துகிறது.
ரிவர் இண்டி எலக்ட்ரிக் ஸ்கூட்டர்
2026 ஆம் ஆண்டில் ரிவர் மொபிலிட்டியின் வளர்ச்சி குறிப்பிடத்தக்க அளவில் அதிகரித்துள்ளது. 2025 முழுவதும் நிறுவனம் 17,020 ரிவர் இண்டி ஸ்கூட்டர்களை விற்பனை செய்த நிலையில், 2026 முதல் ஆறு மாதங்களிலேயே அதைவிட அதிகமான விற்பனையைப் பதிவு செய்தது. ஜனவரி முதல் மார்ச் வரை நடைபெற்ற முதல் காலாண்டில் 9,607 யூனிட்களும், ஏப்ரல் முதல் ஜூன் வரை நடைபெற்ற இரண்டாவது காலாண்டில் 11,776 யூனிட்களும் விற்பனையாகியுள்ளன. இதன்மூலம், 2026-ஆம் ஆண்டு முதல் அரையாண்டில் மட்டும் மொத்தம் 23,722 யூனிட்கள் விற்பனையாகியுள்ளன.
புதிய ராயல் என்ஃபீல்டு கிளாசிக் 350 அறிமுகம்.. இந்த 2 அப்டேட்கள் ரைடிங்கை மாற்றும்
ஜூன் விற்பனை நிலவரம்
அக்டோபர் 2023-ல் அறிமுகமான ரிவர் இண்டி, குறுகிய காலத்திலேயே வாடிக்கையாளர்களிடம் நல்ல வரவேற்பைப் பெற்றுள்ளது. ஜூன் 2026 இறுதிக்குள் இந்த ஸ்கூட்டரின் மொத்த விற்பனை 43,805 யூனிட்களை எட்டியுள்ளது. நகர்ப்புறப் பயணங்களுக்கான நடைமுறை அம்சங்கள், அதிக ஸ்டோரேஜ் வசதி மற்றும் தினசரி பயன்பாட்டிற்கு ஏற்ற வடிவமைப்பு ஆகியவை இந்த மாதலின் வளர்ச்சிக்கு முக்கிய காரணங்களாகக் கருதப்படுகின்றன.
ஸ்கூட்டர் விலை
ரிவர் இண்டியின் பெங்களூரு எக்ஸ்-ஷோரூம் விலை ரூ.1.55 லட்சம் ஆகும். 43 லிட்டர் கொள்ளளவு கொண்ட அண்டர்-சீட் ஸ்டோரேஜ், விசாலமான இருக்கை, ஆப் மையமாகக் கொண்ட வடிவமைப்பு உள்ளிட்ட அம்சங்கள் இதன் முக்கிய சிறப்புகளாகும். இந்த விலை பிரிவில், டிவிஎஸ் ஐகியூப்,பஜாஜ் சேடக் ஏத்தர் ரிஸ்டா போன்ற மின்சார ஸ்கூட்டர்களுக்கு ரிவர் இண்டி நேரடி போட்டியாக உள்ளது.
