Best Selling Car: நெக்சான், கிரெட்டாவை பின்னுக்கு தள்ளி மீண்டும் நம்பர் 1 ஆன கார்!

Best Selling Car: டாடா, ஹூண்டாய், மஹிந்திரா போன்ற நிறுவனங்களின் பிரபல மாடல்கள் போட்டியிட்ட நிலையில், விற்பனை பட்டியலில் யார் வென்றனர் என்பது ஆட்டோ ரசிகர்களின் கவனத்தை ஈர்த்துள்ளது.

Image Credit : Maruti Suzuki

இந்திய கார் சந்தையில் வேகமான வளர்ச்சி

இந்திய ஆட்டோமொபைல் துறை மே 2026 இல் குறிப்பிடத்தக்க வளர்ச்சியை பதிவு செய்துள்ளது. பயணியர் கார்கள் மற்றும் எஸ்யூவி ரக வாகனங்களின் விற்பனை மிகவும் உயர்ந்துள்ளது. கடந்த ஆண்டு இதே காலகட்டத்துடன் ஒப்பிடுகையில், முன்னணி 10 கார் மாடல்களின் விற்பனை 30 சதவீதத்திற்கும் அதிகமாக உயர்ந்துள்ளது. இது இந்திய கார் சந்தையில் வாடிக்கையாளர்களின் நம்பிக்கை தொடர்ந்து அதிகரித்து வருவதைக் காட்டுகிறது.

Image Credit : stockPhoto

மீண்டும் முதலிடம் பிடித்த மாருதி டிசையர்

மே 2026 மாதத்தில் இந்தியாவின் அதிகம் விற்பனையான காராக மாருதி சுசூகி டிசையர் உருவெடுத்துள்ளது. 24,546 வாகனங்கள் விற்பனையாகி, கடந்த ஆண்டைவிட கனிசமான வளர்ச்சிக்கு பதிவு செய்யப்பட்டுள்ளது. இதன் மூலம் டிசையர் மீண்டும் ஒரு முறை இந்திய வாடிக்கையாளர்களின் விருப்பமான காராக தன்னை நிரூபித்துள்ளது.

Image Credit : X@AarizRizvibasedauto

டாடா மற்றும் ஹூண்டாய்க்கும் நல்ல வரவேற்பு

டாடா மோட்டார்ஸின் பஞ்ச் மற்றும் நெக்சான் மாடல்கள் விற்பனையில் வலுவான வளர்ச்சியை பதிவு செய்துள்ளது. குறிப்பாக நெக்சான் மற்றும் அதன் மின்சார பதிப்பிற்கு தொடர்ந்து நல்ல வரவேற்பு கிடைத்துள்ளது. மேலும் ஹூண்டாய் கிரெட்டாவும் முன்னணி விற்பனை பட்டியலில் தனது இடத்தை தக்க வைத்துள்ளது.

Image Credit : maruti suzuki

எஸ்யூவி சந்தையில் ஃப்ராங்க்ஸ் ஆதிக்கம்

எஸ்யூவி பிரிவில் மாருதி ஃப்ராங்க்ஸ் முதலிடத்தை பிடித்துள்ளது. 20 ஆயிரத்திற்கும் அதிகமான விற்பனையுடன் இந்த மாடல் சந்தையில் வலுவான இடத்தைப் பெற்றுள்ளது. டாடா பஞ்ச், நெக்சான், மஹிந்திரா ஸ்கார்பியோ மற்றும் ஹூண்டாய் கிரெட்டா போன்ற மாடல்களும் தொடர்ந்து வாடிக்கையாளர்களை கவர்ந்து வருகின்றன.

Image Credit : Google

சில மாடல்களுக்கு சரிவு

சந்தை வளர்ச்சி முழுவதும் இருந்தபோதிலும், மாருதி பிரெஸ்ஸா மாடல் மட்டும் விற்பனையில் சரிவை சந்தித்துள்ளது. புதிய முகப்புத்தோற்ற மாடலுக்காக வாடிக்கையாளர்கள் காத்திருப்பதே இதற்குக் காரணமாக இருக்கலாம் என வல்லுநர்கள் கருதுகின்றனர். இருப்பினும், இந்திய கார் சந்தை தற்போது வலுவான வளர்ச்சி பாதையில் பயணித்து வருவதாக மே 2026 விற்பனை புள்ளிவிவரங்கள் காட்டுகின்றன.