கிரெட்டா, செல்டோஸ் ரசிகர்கள் கவனத்திற்கு.. 3 வருட இடைவெளிக்கு பிறகு டஸ்டர் கம்பேக்
மூன்று ஆண்டுகளுக்குப் பிறகு, புதிய ரெனால்ட் டஸ்டர் 2026-ல் இந்தியாவிற்கு மீண்டும் வருகிறது. முற்றிலும் புதிய வடிவமைப்பு, பிரீமியம் இன்டீரியர், டர்போ பெட்ரோல் இன்ஜின் மற்றும் ADAS போன்ற மேம்பட்ட அம்சங்களுடன் அறிமுகமாகிறது.
புதிய ரெனால்ட் டஸ்டர்
மூன்று ஆண்டுகளுக்குப் பிறகு ரெனால்ட் டஸ்டர் இந்திய சந்தைக்கு மீண்டும் திரும்பியுள்ளது. 2022ல் உற்பத்தி நிறுத்தப்பட்ட இந்த எஸ்யூவி, தற்போது மூன்றாம் தலைமுறை மாடலாக 2026 மார்ச் மாதம் அதிகாரப்பூர்வ அறிமுகத்திற்கு முன்பே கவனம் ஈர்த்துள்ளது. ரூ.21,000 டோக்கன் தொகையுடன் முன்பதிவுகள் தொடங்கியுள்ளதால், பழைய டஸ்டர் ரசிகர்கள் மத்தியில் பெரும் எதிர்பார்ப்பு உருவாகியுள்ளது. புதிய டஸ்டர், முந்தைய மாடலை விட வடிவமைப்பிலும் அம்சங்களிலும் முற்றிலும் வேறுபட்டதாக உள்ளது.
வெளிப்புற வடிவமைப்பு
ஐரோப்பாவில் விற்கப்படும் டேசியா டஸ்டரை அடிப்படையில் உருவாக்கப்பட்டாலும், இந்திய சந்தைக்கு ஏற்ற வகையில் இந்த மாடல் டியூன் செய்யப்பட்டுள்ளது. CMF-B பிளாட்ஃபார்மில் உருவான இந்த எஸ்யூவி, பாக்ஸி மற்றும் மஸ்குலர் தோற்றத்தை தக்க வைத்துள்ளது. புதிய கிரில், ஒய்-ஷேப் LED DRL-கள், புதிதாக ஹெட்லெம்ப்கள், பிக்சல் ஸ்டைல் ஃபாக் லேம்ப்கள் மற்றும் ஸ்போர்ட்டி பம்பர் ஆகியவை முன்பக்கத்தை பிரம்மாண்டமாக பெற்றுள்ளன. காட்டுகின்றன.
டஸ்டர் அம்சங்கள்
பக்கவாட்டில் தெளிவான கிரீஸ்கள், பெரிய கருப்பு கில்லாடிங், அலாய் வீல்கள், ரூஃப் ரெயில்கள் ஆகியவை ஆஃப்-ரோட் SUV உணர்வை தருகின்றன. பின்புறத்தில் இணைக்கப்பட்ட LED டெயில்லேம்ப்கள், சில்வர் டச் கொண்ட பம்பர், ரூஃப்-மவுண்டட் ஸ்பாய்லர், ரியர் வைப்பர் போன்றவை சேர்ந்து ஒரு பிரீமியம் தோற்றத்தை உருவாக்குகின்றன.
முழு அப்கிரேடு
புதிய டஸ்டரின் இன்டீரியர் முந்தைய மாடலை விட பல மடங்கு மேம்பட்டுள்ளது. சாஃப்ட்-டச் மெட்டீரியல்கள், டூயல் ஸ்கிரீன் செட்அப், முழு டிஜிட்டல் இன்ஸ்ட்ரூமென்ட் கிளஸ்டர், வயர்லெஸ் சார்ஜர், டூயல்-ஜோன் கிளைமேட் கன்ட்ரோல், பனோரமிக் சன்ரூஃப், 360 டிகிரி கேமரா, வென்டிலேட்டட் மற்றும் பவர்டு முன் இருக்கைகள் போன்ற அம்சங்கள் இடம்பெற்றுள்ளன.
விலை எதிர்பார்ப்பு
2026 ரெனால்ட் டஸ்டர் டர்போ பெட்ரோல் இன்ஜின் விருப்பங்களுடன் வரும். 1.3 லிட்டர் டர்போ பெட்ரோல் (163 PS) மற்றும் 1.0 லிட்டர் டர்போ பெட்ரோல் (100 PS) என இரண்டு ஆப்ஷன்கள் வழங்கப்படுகின்றன. கூடுதலாக ஹைப்ரிட் வேரியண்டும் எதிர்பார்க்கப்படுகிறது. 6 ஏர்பேக்குகள், லெவல்-2 ADAS, டிஸ்க் பிரேக்குகள் போன்ற பாதுகாப்பு அம்சங்களுடன், இந்த எஸ்யூவி ரூ.10–11 லட்சம் முதல் ரூ.20 லட்சம் வரை (எக்ஸ்-ஷோரூம்) விலையில் அறிமுகமாகும் என கணிக்கப்படுகிறது.
