- Home
- Auto
- July 2026 Sales: மெகா விற்பனை செய்த மாருதி சுசுகி.. எந்த மாடல்களுக்கு அதிக டிமாண்ட் தெரியுமா?
July 2026 Sales: மெகா விற்பனை செய்த மாருதி சுசுகி.. எந்த மாடல்களுக்கு அதிக டிமாண்ட் தெரியுமா?
July 2026 Sales: மாருதி சுசுகி இந்தியா நிறுவனம், ஜூலை 2026 இல் தனது வரலாற்றிலேயே அதிகபட்ச உள்நாட்டு விற்பனையைப் பதிவு செய்துள்ளது. கடந்த ஆண்டின் இதே மாதத்துடன் ஒப்பிடும்போது இது சுமார் 34% வளர்ச்சியை குறிக்கிறது.
மாருதி சுசுகி ஜூலை 2026 விற்பனை
மாருதி சுசுகி இந்தியா நிறுவனம், ஜூலை 2026-ல் இந்திய சந்தையில் தனது வரலாற்றிலேயே அதிகபட்ச மாதாந்திர விற்பனையை பதிவு செய்துள்ளது. நிறுவனத்தின் அதிகாரப்பூர்வ விற்பனை விவரங்களின்படி, இந்தியாவில் மட்டும் 2,00,123 வாகனங்கள் விற்பனையாகியுள்ளன. இது நிறுவனத்தின் இதுவரை இல்லாத சிறந்த உள்நாட்டு விற்பனை சாதனையாகும்.
அதிகரித்த விற்பனை
உள்நாட்டு விற்பனை, பிற வாகன உற்பத்தியாளர்களுக்கு (OEM) வழங்கப்பட்ட வாகனங்கள் மற்றும் ஏற்றுமதி ஆகியவற்றைச் சேர்த்து, ஜூலை மாதத்தில் மொத்தம் 2,41,421 வாகனங்கள் விற்பனையாகியுள்ளன. கடந்த ஆண்டு ஜூலை மாதத்தில் இந்த எண்ணிக்கை 1,80,526 யூனிட்களாக இருந்தது. இதனால், நிறுவனத்தின் மொத்த விற்பனை சுமார் 34% உயர்ந்துள்ளது.
வெறும் 30 ரூபாயில் 187 கிமீ! ஹீரோவின் புதிய எலக்ட்ரிக் ஸ்கூட்டர் மாஸ் காட்டுது!
எஸ்யூவி பிரிவில் அமோக வளர்ச்சி
Brezza, Fronx, Grand Vitara, Jimny, XL6, Ertiga, Invicto மற்றும் e Vitara உள்ளிட்ட எஸ்யூவி மற்றும் MPV மாடல்களின் விற்பனை அதிகமாக உள்ளது. இந்த பிரிவில் மட்டும் 78,851 வாகனங்கள் விற்பனையாகியுள்ளன. கடந்த ஆண்டு இதே மாதத்தில் இது 52,773 யூனிட்களாக இருந்தது.
சிறிய கார் பிரிவிலும் நல்ல வரவேற்பு
Alto, S-Presso, WagonR, Swift, Baleno, Dzire, Celerio, Ignis மற்றும் Ciaz உள்ளிட்ட பயணிகள் கார் மாடல்களின் விற்பனையும் உயர்ந்துள்ளது. இந்த மாடல்கள் இணைந்து 1,03,456 யூனிட்கள் விற்பனையாகியுள்ளன. இது கடந்த ஆண்டு 72,662 யூனிட்களுடன் ஒப்பிடும்போது குறிப்பிடத்தக்க வளர்ச்சியாகும்.
Eeco, Super Carry மற்றும் ஏற்றுமதியிலும் வளர்ச்சி
மாருதியின் Eeco வேன் விற்பனை 13,896 யூனிட்களாக உயர்ந்துள்ளது. Super Carry இலகுரக வணிக வாகனத்தின் விற்பனை 3,920 யூனிட்கள் ஆக பதிவாகியுள்ளது. மேலும், ஜூலை மாத நிறுவனம் 30,056 வாகனங்களை வெளிநாடுகளுக்கு ஏற்றுமதி செய்துள்ளது.
ஏப்ரல் முதல் ஜூலை வரை
2026-27 நிதியாண்டின் முதல் நான்கு மாதங்களில் மாருதி சுசுகியின் மொத்த விற்பனை 9,24,145 யூனிட்களாக உயர்ந்துள்ளது. இது கடந்த ஆண்டின் இதே காலகட்டத்தை விட குறிப்பிடத்தக்க வளர்ச்சியை வெளிப்படுத்துகிறது. எஸ்யூவி, சிறிய கார்கள் மற்றும் ஏற்றுமதி தொடரும் வலுவான தேவை, நிறுவனத்தின் வளர்ச்சிக்கு முக்கிய காரணமாக உள்ளது.
