- Home
- Auto
- Maruti Ethanol Car: 1 கிமீக்கு ரூ.4 செலவு மட்டுமே.. மாருதி எத்தனால் கார் ஜூன் 5-ல் அறிமுகம்.. அம்சங்கள் இதோ!
Maruti Ethanol Car: 1 கிமீக்கு ரூ.4 செலவு மட்டுமே.. மாருதி எத்தனால் கார் ஜூன் 5-ல் அறிமுகம்.. அம்சங்கள் இதோ!
Maruti Ethanol Car: கிலோமீட்டருக்கு ரூ.4 வரை மட்டுமே செலவாகும் என கூறப்படும் மாருதியின் எத்தனால் கார் ஜூன் 5-ல் அறிமுகமாக உள்ளது. குறைந்த செலவு மற்றும் மாற்று எரிபொருள் தொழில்நுட்பம் காரணமாக இந்த கார் பெரும் கவனம் ஈர்த்துள்ளது.
மாருதி எத்தனால் கார்
இந்திய வாகன உலகில் புதிய மாற்றத்திற்கான கதவு திறக்கப்படுகிறதா என்ற கேள்வியை எழுப்பும் வகையில், மாருதி சுசூகி தனது எத்தனால் அடிப்படையிலான காரை ஜூன் 5-ம் தேதி அறிமுகப்படுத்த தயாராக உள்ளது. பல ஆண்டுகளாக உயர்ந்து வரும் பெட்ரோல் விலை மற்றும் மாற்று எரிபொருள் தேவை அதிகரித்துள்ள சூழலில், இந்த முக்கிய கவனத்தை ஈர்த்துள்ளது. உலக சுற்றுச்சூழல் நாளை முன்னிட்டு இந்த கார் அறிமுகமாகும்.
எத்தனால் எரிபொருள் கார்
வெளிநாடுகளில் ஏற்கனவே பயன்படுத்தப்பட்ட இந்த முறை, இந்திய சாலைகள் மற்றும் எரிபொருள் சூழலுக்கு ஏற்ப மாற்றியமைக்கப்பட்டதாக தகவல்கள் தெரிவிக்கின்றன. இறக்குமதி எரிபொருளின் மீது உள்ள சார்பை குறைப்பது இதன் முக்கிய நோக்கமாக பார்க்கப்படுகிறது. பொதுவாக தற்போது பயன்படுத்தப்படும் பெட்ரோலில் ஒரு குறிப்பிட்ட அளவு எத்தனால் கலக்கப்படுகிறது. ஆனால் இந்த புதிய கார் அதிக அளவு எத்தனால் வளைந்து கொடுக்கும் எரிபொருள் இயந்திரத்துடன் வரலாம். எத்தனால் கிடைக்காத இடங்களில் பெட்ரோலையும் பயன்படுத்தும் வசதி இருக்கலாம் என கூறப்படுகிறது.
மாருதி புதிய கார்
இதனால் பயனாளர்களுக்கு பயன்பாட்டு சுதந்திரமும் கிடைக்கும். இந்த காரின் பயணச் செலவு குறைவாக இருக்கும் என்பதே அதிக எதிர்பார்ப்பை உருவாக்கியுள்ளது. ஒரு கிலோமீட்டருக்கு ரூ.3.5 முதல் ரூ.4 வரை மட்டுமே செலவாகும் என மதிப்பிடப்படுகிறது. மைலேஜ் மற்றும் இயக்கச் செலவில் கிடைக்கும் இந்த முன்னிலை, பொதுமக்கள் மத்தியில் புதிய ஆர்வத்தை ஏற்படுத்தியுள்ளது.
மாருதி ஜூன் 5 வெளியீடு
இந்த முயற்சி வாகனத் துறையைக் கடந்து விவசாயத்திற்கும் தாக்கத்தை ஏற்படுத்தக்கூடும். கரும்பு, சோளம் உள்ளிட்ட வேளாண் பொருட்களில் இருந்து தயாரிக்கப்படும் எத்தனால் பயன்படுத்தினால், விவசாயிகளுக்கு கூடுதல் வருமானம் கிடைக்கும். அதே நேரத்தில் காற்று மாசுபாடு மற்றும் கார்பன் வெளியீட்டைக் குறைக்கும் முயற்சிக்கும் இது துணை நிற்கும் என்பதால், இந்தியாவின் எரிசக்தி எதிர்காலத்தில் இந்த கார் ஒரு முக்கிய திருப்பமாக மாறுமா என்ற எதிர்பார்ப்பு அதிகரித்துள்ளது.
