ரூ.21,000 மட்டும் போதும்.. XUV 7XO புக்கிங் ஓபன்… மஹிந்திராவின் புதிய SUV ரெடி!
மஹிந்திரா நிறுவனம் தனது புதிய XUV 7XO எஸ்யூவியை விரைவில் அறிமுகப்படுத்துகிறது, இது XUV700-ன் மேம்படுத்தப்பட்ட பதிப்பாகும். புதிய டிசைன் மற்றும் நவீன அம்சங்களுடன் வரும் இந்த காருக்கான முன்பதிவு தொடங்கியுள்ளது.
மஹிந்திரா XUV 7XO
மஹிந்திரா & மஹிந்திரா நிறுவனம் தனது புதிய எஸ்யூவி Mahindra XUV 7XO-வை இந்திய சந்தையில் விரைவில் அறிமுகப்படுத்தி வருகிறது. அதிகாரப்பூர்வ வெளியீட்டுக்கு முன்பே இந்த காருக்கான முன்பதிவு தொடங்கியிருப்பது வாடிக்கையாளர்களிடையே பெரும் எதிர்பார்ப்பை உருவாக்கியுள்ளது. XUV700-n மேம்படுத்தப்பட்ட மற்றும் ரீபிராண்டட் பதிப்பாக உருவாக்கப்பட்டுள்ளது XUV 7XO, புதிய பெயர், மேம்பட்ட டிசைன் மற்றும் நவீன தொழில்நுட்ப அம்சங்களுடன் வர உள்ளது. XUV700 பெற்ற வெற்றியைத் தொடர்ந்து, இந்த மாடல் மூலம் மஹிந்திரா தனது எஸ்யூவி சந்தை பிடிப்பை மேலும் வலுப்படுத்த திட்டமிட்டுள்ளது. இந்த காரின் அதிகாரபூர்வ விலை ஜனவரி 5 அன்று அறிவிக்கப்படும்.
XUV 7XO-விற்கான முன்பதிவு ரூ.21,000 டோக்கன் தொகையில் தொடங்கப்பட்டுள்ளது. ஆர்வமுள்ளவர்கள் மஹிந்திரா அங்கீகரிக்கப்பட்ட டீலர்ஷிப் அல்லது நிறுவனத்தின் ஆன்லைன் போர்டல் மூலம் முன்பதிவு செய்யலாம். முன்பதிவின்போது டீலர்ஷிப் தேர்வு, எரிபொருள் வகை (பெட்ரோல் அல்லது டீசல்) மற்றும் டிரான்ஸ்மிஷன் (மேனுவல் அல்லது ஆட்டோமேட்டிக்) ஆகியவற்றை தேர்ந்தெடுக்கும் வசதி வழங்கப்பட்டுள்ளது. ஜனவரி 5 அன்று கார் அறிமுகம் நடைபெறுவதுடன், அதே நாளில் அனைத்து வேரியண்ட்களின் விலைகளும் அறிவிக்கப்பட உள்ளன.
XUV 7XO முன்பதிவு
வெளிப்புற வடிவமைப்பில் XUV 7XO-க்கு குறிப்பிடத்தக்க மாற்றங்கள் செய்யப்பட்டுள்ளன. டீசர் தகவல்களின் அடிப்படையில், புதிய டூயல்-பேட் LED ஹெட்லெம்ப்கள், தலைகீழ் L-வடிவ LED DRL-கள், பிளாக்-அவுட் கிரில் மற்றும் புதிய அலாய் வீல்கள் வழங்கப்படும். பின்புறத்தில் புதுப்பிக்கப்பட்ட LED டெயில்லேம்ப்கள் இடம் பெறுகின்றன. இந்த டிசைன், XUV700-ஐ விட அதிகமாக மாடர்ன் தோற்றத்தை வழங்கும் வகையில் உள்ளது.
உட்புறத்தில், XUV 7XO ஒரு பிரீமியம் அப்டேட்டை பெறுகிறது. புதிய டாஷ்போர்டு, XEV 9S-ஐ ஒத்த டிரிபிள் ஸ்கிரீன் செட்டப், சாஃப்ட்-டச் மெட்டீரியல்கள் மற்றும் புதுப்பிக்கப்பட்ட ஈசி வென்ட்கள் வழங்கப்பட உள்ளன. இன்ஜின் மற்றும் டிரான்ஸ்மிஷன் விருப்பங்களில் பெட்ரோல், டீசல் என இரு எரிபொருள் தேர்வுகளுடன், மேனுவல் மற்றும் ஆட்டோமேட்டிக் கியர்பாக்ஸ் கிடைக்கும். சக்தி, வசதி மற்றும் தொழில்நுட்பம் ஆகியவற்றில் இந்த எஸ்யூவி தனது பிரிவில் கடும் போட்டியை வழங்கும் என எதிர்பார்க்கப்படுகிறது.
