ஹோண்டா ஆக்டிவா vs டிவிஎஸ் ஜூபிடர்: பெட்ரோல் செலவு முதல் எஞ்சின் பவர் வரை; எது பெஸ்ட் சாய்ஸ்?

ஹோண்டா ஆக்டிவா vs டிவிஎஸ் ஜூபிடரின் விலை, 33L இடவசதி, என்ஜின் மற்றும் ஸ்மார்ட் அம்சங்களில் சிறந்த குடும்ப ஸ்கூட்டர் எது? என்பதை பற்றி பார்போம்.

Image Credit : X

சிறந்த எலக்ட்ரிக் அல்லாத குடும்ப ஸ்கூட்டர்கள்

இந்தியாவின் குடும்ப ஸ்கூட்டர் சந்தையில் எப்போதுமே முதலிடத்தில் இருக்கும் 2 மாடல்களான ஹோண்டா ஆக்டிவா (Honda Activa) மற்றும் டிவிஎஸ் ஜூபிடர் (TVS Jupiter) இடையே கடுமையான போட்டி நிலவி வருகிறது. இந்த இரு ஸ்கூட்டர்களில் எதைத் தேர்ந்தெடுப்பது என்று குழப்பத்தில் இருக்கும் வாடிக்கையாளர்களுக்கு உதவும் வகையில், விலை, இடவசதி, என்ஜின் செயல்திறன் மற்றும் நவீன அம்சங்கள் குறித்த விரிவான ஒப்பீட்டைப் பற்றி பார்ப்போம்.

Image Credit : X

இரு ஸ்கூட்டர்களின் விலை விபரம்

குடும்பத்துக்காக ஒரு ஸ்கூட்டர் வாங்கத் திட்டமிடும்போது விலை மிக முக்கியப் பங்கு வகிக்கிறது. ஹோண்டா ஆக்டிவாவின் ஆரம்ப விலை ரூ. 81,045-ஆக உள்ள நிலையில், டிவிஎஸ் ஜூபிடரின் தொடக்க விலை ரூ. 80,961-ஆக நிர்ணயிக்கப்பட்டுள்ளது. இரண்டுக்கும் இடையே வெறும் 84 ரூபாய் மட்டுமே வித்தியாசம் உள்ளது. இருப்பினும், ஜூபிடரின் உயர் ரக மாறுதல்களின் (Higher variants) விலையும் ஆக்டிவாவை விடக் குறைவாகவே உள்ளது, இது பட்ஜெட் வாடிக்கையாளர்களை அதிகம் ஈர்க்கும் வகையில் அமைந்துள்ளது.

Image Credit : X

இடவசதி 18 லிட்டரா அல்லது 33 லிட்டரா?

தினசரி ஷாப்பிங் பொருட்கள், ஹெல்மெட்டுகள் மற்றும் இதர அத்தியாவசியப் பொருட்களை எடுத்துச் செல்வதற்கு ஸ்கூட்டரின் இடவசதி மிகவும் அவசியமானது. அந்த வகையில், டிவிஎஸ் ஜூபிடர் இந்த விஷயத்தில் மிகப்பெரிய வெற்றியைப் பெற்றுள்ளது. இது இருக்கைக்கு அடியில் 33 லிட்டர் கொள்ளளவும், முன்பூட்டுப் பகுதியில் 2 லிட்டர் இடவசதியையும் வழங்குகிறது. மாறாக, ஹோண்டா ஆக்டிவா இருக்கைக்கு அடியில் 18 லிட்டர் சேமிப்பு இடத்தையே கொண்டுள்ளது. இந்த 15 லிட்டர் வித்தியாசம் குடும்பத்துடன் பயணிப்பவர்களின் வாங்கும் முடிவை மாற்றக்கூடும்.

Image Credit : X

என்ஜின் செயல் திறன் மற்றும் வேகம்

2 ஸ்கூட்டர்களும் 7.9 பிஎஸ் (PS) சக்தியை வெளிப்படுத்தினாலும், அவற்றின் என்ஜின்களில் சில சுவாரசியமான வேறுபாடுகள் உள்ளன. ஹோண்டா ஆக்டிவா 9.05 என்எம் டார்க் திறனை வழங்கும் 110சிசி என்ஜினைப் பயன்படுத்துகிறது. மறுபுறம், டிவிஎஸ் ஜூபிடர் 9.2 என்எம் டார்க் திறனுள்ள 113.3சிசி என்ஜினைப் பெற்றுள்ளது. இதில் உள்ள 'ஐகோ அசிஸ்ட்' (iGo Assist) தொழில்நுட்பம் மூலம் ஜூபிடரின் டார்க் திறன் 9.8 என்எம் வரை உயர்ந்து, முடுகும்போது (Acceleration) கூடுதல் உத்வேகத்தைத் தருகிறது.

Image Credit : X

நவீன அம்சங்களின் மோதல்

நவீன தொழில்நுட்பங்களை விரும்பும் வாடிக்கையாளர்களைக் கவர இந்த ஸ்கூட்டர்கள் பல்வேறு சிறப்பம்சங்களைக் கொண்டுள்ளன. ஹோண்டா ஆக்டிவாவின் டாப் வேரியண்டில் 4.5 இன்ச் டிஎஃப்சி (TFT) டிஸ்ப்ளே, ஸ்மார்ட்போன் இணைப்பு, நேவிகேஷன் மற்றும் கீலெஸ் இக்னிஷன் (Keyless Ignition) போன்ற நவீன வசதிகள் வழங்கப்பட்டுள்ளன.

மறுபுறம், டிவிஎஸ் ஜூபிடர் இருபுறமும் 12 இன்ச் அலாய் வீல்கள், சில வேரியண்ட்களில் கனெக்டெட் ஃபீச்சர்கள் மற்றும் விருப்பத்தேர்வாக (Optional) முன் Disc பிரேக் போன்றவற்றை வழங்குகிறது. ஆக்டிவா வழக்கமான டிரம் பிரேக்குகளுடன் மட்டுமே வரும் நிலையில், ஜூபிடர் பிரேக்கிங் முறையில் கூடுதல் தேர்வுகளை அளிக்கிறது.

Image Credit : X

வாடிக்கையாளர்களின் குழப்பமும் சரியான தேர்வும்

உங்களுக்குப் பரிச்சயமான வடிவமைப்பு, பாரம்பரியமான ஓட்டுநர் அனுபவம் மற்றும் டாப்-வேரியண்ட் ஸ்மார்ட் அம்சங்கள் தேவையென்றால் ஹோண்டா ஆக்டிவா சிறந்த தேர்வாக இருக்கும். மாறாக, அதிக இடவசதி, சற்று குறைந்த விலை, பெரிய பின் சக்கரங்கள் மற்றும் ஐகோ அசிஸ்ட் தொழில்நுட்பம் ஆகியவை உங்களுக்குத் தேவையா? அப்படியானால் டிவிஎஸ் ஜூபிடர் உங்களை ஈர்க்கும்.

2 ஸ்கூட்டர்களுமே டெலஸ்கோபிக் முன் சஸ்பென்ஷன் மற்றும் பின்புற மோனோஷாக் வசதியைக் கொண்டுள்ளதால், ஷோரூமுக்குச் சென்று ஒருமுறை டெஸ்ட் டிரைவ் (Test Drive) செய்து பார்ப்பது உங்கள் முடிவை எளிதாக்கும்.