ஒரு கிமீக்கு 47 பைசா மட்டுமே செலவு.. ஹ்யூண்டாய் Prime Taxi கார்கள் அறிமுகம்

இந்தியாவில் டாக்சி ஓட்டுநர்களுக்காக ஹூண்டாய் நிறுவனம் தனது பிரைம் டாக்சி வரிசையை அறிமுகப்படுத்தியுள்ளது. குறைந்த பராமரிப்பு செலவு, அதிக மைலேஜ் மற்றும் நவீன அம்சங்களுடன் வருகிறது. இதன் விலை, அம்சங்களை பார்க்கலாம்.

Image Credit : Google

ஹ்யூண்டாய் டாக்சி கார்

இந்தியாவில் டாக்சி ஓட்டுநர்களுக்கு மகிழ்ச்சியான செய்தியாக, Hyundai Motor India நிறுவனம் தனது Prime Taxi வரிசையின் கீழ் இரண்டு புதிய கார்களை அறிமுகப்படுத்தியுள்ளது. இதன் மூலம் ஹூண்டாய் அதிகாரப்பூர்வமாக கமர்ஷியல் மொபிலிட்டி பிரிவில் காலடி எடுத்து வைத்துள்ளது. இந்த புதிய வரிசையில், Prime HB (Grand i10 Nios அடிப்படையிலான ஹேட்ச்பேக்) மற்றும் Prime SD (Aura அடிப்படை செடான்) ஆகிய இரண்டு மாடல்கள் இடம் பெற்றுள்ளன. குறைந்த பராமரிப்பு செலவு, அதிக பயன் மற்றும் தினசரி பயன்பாட்டிற்கு ஏற்ற வகையில் இவை இருப்பதாக நிறுவனம் தெரிவித்துள்ளது.

விலை விவரங்களைப் பார்க்கும்போது, ​​Prime HB மாடல் ரூ.5,99,900 என்றும், Prime SD மாடல் ரூ.6,89,900 என்றும் (எக்ஸ்-ஷோரூம்) நிர்ணயிக்கப்பட்டுள்ளது. Prime Taxi வரிசைக்கான புக்கிங் நாடு முழுவதும் ரூ.5,000 முன்பணம் செலுத்த தொடங்கப்பட்டுள்ளது. மேலும், 72 மாதங்கள் வரை எளிதான தவணை வசதிகளும் வழங்கப்படுகின்றன. டாக்சி ஓட்டுநர்களின் தேவைகளை கருத்தில் கொண்டு, இந்த வாகனங்கள் குறைந்த செலவில் அதிக வருமானம் தரும் வகையில் உருவாக்கப்பட்டுள்ளதாக ஹ்யூண்டாய் கூறுகிறது.

Image Credit : Google

குறைந்த செலவு டாக்சி

என்ஜின் மற்றும் மைலேஜ் பற்றி பார்க்கையில், இரண்டு மாடல்களும் 1.2 லிட்டர் பெட்ரோல் என்ஜினுடன், தொழிற்சாலையில் பொருத்தப்பட்ட CNG அமைப்புடன் வருகின்றன. பிரைம் எஸ்டி மாடல் 28.40 கிமீ/கிலோ சிஎன்ஜி மைலேஜையும், பிரைம் எச்பி மாடல் 27.32 கிமீ/கிலோ மைலேஜையும் வழங்கும் என தெரிவிக்கப்பட்டுள்ளது. ஓட்டச் செலவு ஒரு கிலோமீட்டருக்கு 47 பைசா வரை குறையலாம் என ஹூண்டாய் தெரிவித்தார். கூடுதலாக, 4 மற்றும் 5வது ஆண்டுகளுக்கு அல்லது 1.8 லட்சம் கிமீ வரை விரிவான வாரண்டியும் வழங்கப்படுகிறது.

அம்சங்களைப் பார்க்கும்போது, ​​ஆறு ஏர்பேக்குகள், ரியர் ஈசி வென்ட்ஸ், ஸ்ரைரிங் வீல் கட்டுப்பாடுகள், டைப்-சி யுஎஸ்பி சார்ஜர், முன் மற்றும் பின் பவர் விண்டோக்கள், ரியர் பார்கிங் சென்சார்கள் போன்ற பாதுகாப்பு மற்றும் வசதிகள் வழங்கப்படுகின்றன. விருப்பமாக 9-இஞ்ச் டச் ஸ்கிரீன், வயர்லெஸ் Apple CarPlay, Android Auto, ரியர் கேமரா, வாகன கண்காணிப்பு சாதனம் போன்ற வசதிகள் கிடைக்கின்றன.