Hybrid SUVs: 7 சீட்டர் கார் மார்க்கெட்டில் களமிறங்கும் 4 புதிய ஹைப்ரிட் SUV-கள்! முழு விவரம்

இந்தியாவில் விரைவில் அறிமுகமாக உள்ள 4 புதிய 7-சீட்டர் ஹைப்ரிட் SUV-கள் பற்றியும், அவற்றின் இன்ஜின், விலை, மற்றும் அறிமுகத் தேதி குறித்த விவரங்கள் பற்றியும் இந்த தொகுப்பில் பார்க்கலாம்.

Image Credit : Google

New hybrid SUVs in India

7 சீட்டர் SUV-ன்னாலே நம்மில் பலருக்கும் டீசல் கார்கள்தான் நினைவுக்கு வரும். ஆனால், இனிமேல் அந்த நிலைமை மாறப்போகிறது. ஸ்ட்ராங் ஹைப்ரிட் இன்ஜின்களுடன் பல 7-சீட்டர் SUV-கள் இந்திய சந்தைக்கு வரவிருக்கின்றன. அப்படி வரவிருக்கும் நான்கு முக்கிய மாடல்கள் பற்றி விரிவாகப் பார்க்கலாம்.

Image Credit : RushLane, Google

JSW Jetour T2 ப்ளக்-இன் ஹைப்ரிட்

இந்த லிஸ்ட்டில் முதலில் இருப்பது JSW குழுமத்தின் Jetour T2 ப்ளக்-இன் ஹைப்ரிட் SUV. JSW குழுமத்தின் சொந்த ஆட்டோமொபைல் நிறுவனமான JSW மோட்டார்ஸ் இதை அறிமுகப்படுத்த உள்ளது. இந்த ஆண்டு தீபாவளி பண்டிகைக் காலத்தில் JSW Jetour T2 அறிமுகமாகும் என எதிர்பார்க்கப்படுகிறது. இந்த கார், வெளிநாடுகளில் இருந்து பாகங்களாக இறக்குமதி செய்யப்பட்டு இந்தியாவில் அசெம்பிள் செய்யப்படும்.

சர்வதேச சந்தைகளில் இது 7-சீட்டர் மாடலாக விற்கப்பட்டாலும், இந்தியாவில் முதலில் 5-சீட்டர் வேரியன்ட் மட்டுமே கிடைக்கும். பின்னர் 7-சீட்டர் வேரியன்ட்டும் அறிமுகப்படுத்தப்படும். இதில் 1.5 லிட்டர் பெட்ரோல் இன்ஜின், இரண்டு எலக்ட்ரிக் மோட்டார்கள் மற்றும் 26.7 kWh பேட்டரி பேக் பொருத்தப்பட்டிருக்கும். இந்த பவர்டிரெய்ன் 375 bhp பவரையும், 610 Nm டார்க்கையும் உருவாக்கும். முழுவதுமாக எலக்ட்ரிக் மோடில் 139 கி.மீ வரை பயணிக்க முடியும். Jetour T2 ப்ளக்-இன் ஹைப்ரிட் SUV-யின் விலை சுமார் ரூ.20 லட்சம் முதல் ரூ.30 லட்சம் வரை இருக்கலாம்.

Image Credit : Toyota

டொயோட்டா அர்பன் குரூஸர் ஹைரைடர் 7-சீட்டர்

டொயோட்டாவின் இந்த புதிய SUV-யின் சோதனை ஓட்ட மாதிரி சமீபத்தில் தென்பட்டது. இதை வைத்துப் பார்க்கும்போது, இந்த ஆண்டு இறுதிக்குள் இது சந்தைக்கு வர வாய்ப்புள்ளது. சோதனையில் காணப்பட்ட மாடலில், நீளமான ஓவர்ஹேங்குகள் மற்றும் அகலமான பக்கவாட்டுத் தோற்றம் இருந்தது. 7-சீட்டர் அர்பன் குரூஸர் ஹைரைடரில், தற்போதைய மாடலில் உள்ள அதே 1.5 லிட்டர் பெட்ரோல் இன்ஜின் மற்றும் எலக்ட்ரிக் மோட்டார் தான் இருக்கும். இது 116 bhp பவரை உருவாக்கும். இதில் ஆல்-வீல் டிரைவ் (AWD) சிஸ்டமும் இடம்பெறலாம் என நம்பப்படுகிறது. டொயோட்டா அர்பன் குரூஸர் ஹைரைடர் 7-சீட்டர் மாடலின் விலை சுமார் ரூ.18 லட்சம் முதல் ரூ.22 லட்சம் வரை இருக்கலாம்.

Image Credit : Google

ரெனால்ட் போரியல் (Renault Boreal)

ரெனால்ட் போரியல் இந்த ஆண்டு இறுதிக்குள் அறிமுகமாகும் என எதிர்பார்க்கப்படுகிறது. சமீபத்தில் அறிமுகமான புதிய தலைமுறை டஸ்டரின் 7-சீட்டர் வெர்ஷனாக இது இருக்கும். இந்த SUV-யில் 1.8 லிட்டர் பெட்ரோல் இன்ஜின், இரண்டு எலக்ட்ரிக் மோட்டார்கள் மற்றும் 1.4-kWh பேட்டரி பேக் ஆகியவை இணைக்கப்பட்டிருக்கும். இந்த இன்ஜின் சுமார் 160 bhp பவரையும், 172 Nm டார்க்கையும் உருவாக்கும். ரெனால்ட் போரியல் 7-சீட்டர் ஹைப்ரிட் மாடலின் விலை சுமார் ரூ.18 லட்சம் முதல் ரூ.25 லட்சம் வரை இருக்கலாம். இது ஹூண்டாய் அல்கஸார், மஹிந்திரா XUV700, மற்றும் டாடா சஃபாரி போன்ற கார்களுக்குப் போட்டியாக அமையும்.

Image Credit : Google

நிசான் டெக்டன் 7-சீட்டர்

நிசான் டெக்டன் அடிப்படையில் உருவாக்கப்படும் இந்த 7-சீட்டர் SUV-யிலும், ரெனால்ட் டஸ்டர், போரியல் மற்றும் டெக்டன் ஆகியவற்றில் உள்ள அதே ஸ்ட்ராங் ஹைப்ரிட் இன்ஜின் பயன்படுத்தப்படும். இதிலும் 1.8 லிட்டர் ஹைப்ரிட் இன்ஜின் தான் இருக்கும். இந்த மாடலும் இந்த ஆண்டு இறுதிக்குள் சந்தைக்கு வரும் என எதிர்பார்க்கப்படுகிறது. ஸ்டைலிங் மற்றும் டிசைனில் மட்டுமே முக்கிய வேறுபாடு இருக்கும். இதன் விலை ரூ.18 லட்சம் முதல் ரூ.25 லட்சம் வரை நிர்ணயிக்கப்படலாம்.