டஸ்டர் முதல் டைகன் வரை.. பட்ஜெட் விலையில் மிரட்டலான அப்டேட்டுடன் களமிறங்கும் டாப் 4 SUV லிஸ்ட்!

இந்தியாவின் நடுத்தர எஸ்யூவி கார்களுக்கு பெரும் வரவேற்பு அதிகரித்து வருகிறது. இந்த செய்தியில் பட்ஜெட் விலையில் வெளியாகும் SUV கார்களின் பட்டியல் குறித்து விரிவாக பார்க்கலாம்.

Image Credit : Getty

இந்திய சந்தையில் SUV கார்களின் வளர்ச்சி

இந்தியாவில் சிறிய கார்களை விட பெரிய மற்றும் குடும்பங்களுக்கு ஏற்ற வாகனங்கள் பிரபலமாகி வருகின்றன. இந்திய சந்தையில் வேகமாக வளர்ந்து வரும் பிரிவுகளில் நடுத்தர எஸ்யூவி பிரிவும் ஒன்றாகும்.

 2026-ல் இந்த பிரிவில் ரெனால்ட், ஸ்கோடா ஆட்டோ, ஃபோக்ஸ்வேகன், நிசான் போன்ற நிறுவனங்கள் புதிய மாடல்கள் மற்றும் புதுப்பிக்கப்பட்ட பதிப்புகளை வெளியிட உள்ளன.

Image Credit : Pixabay

புதிய மாடல்கள்

தொழில்துறை தரவுகளின்படி, இந்தியாவின் மொத்த எஸ்யூவி விற்பனை 2025-ல் 25 லட்சம் யூனிட்களாக 7.85% வளர்ச்சி அடையும். நடுத்தர எஸ்யூவி விற்பனை 6 லட்சம் யூனிட்களாக 6.37% வளரும் என்று கூறப்பட்டுள்ளது. 

ஹூண்டாய் கிரெட்டா, கியா செல்டோஸ், மாருதி கிராண்ட் விட்டாரா, டாடா சியரா, ஹோண்டா எலிவேட், ஸ்கோடா குஷாக், எம்ஜி ஆஸ்டர் போன்ற பல பிரபலமான கார்கள் இருப்பதால் இந்த பிரிவு மிகவும் போட்டி நிறைந்ததாக மாறி விட்டது. அப்டேட்டுடன் வெளியாக உள்ள SUV லிஸ்ட் குறித்து பார்க்கலாம்.

Image Credit : X/Parth_Go

ரெனால்ட் டஸ்டர்

புதிய தலைமுறை டஸ்டருடன் ரெனால்ட் நடுத்தர எஸ்யூவி பிரிவுக்கு திரும்புகிறது. இதற்கான முன்பதிவு துவங்கியுள்ளது. அடுத்த மாதம் விலை அறிவிக்கப்படும். பட்ஜெட் விலையில் இது வெளியாகும் என எதிர்பார்க்கப்படுகிறது. 2012-ல் டஸ்டர் இந்த பிரிவை இந்தியாவில் அறிமுகப்படுத்தியது குறிப்பிடத்தக்கது.

Image Credit : our own

ஸ்கோடா குஷாக்

ஸ்கோடா நிறுவனம் ஜனவரியில் புதுப்பிக்கப்பட்ட (ஃபேஸ்லிஃப்ட்) குஷாக் மாடலை அறிமுகப்படுத்தியது. புதிய எஸ்யூவிக்கான முன்பதிவு ஏற்கனவே தொடங்கிவிட்டது. மார்ச் இறுதியில் டெலிவரிகள் தொடங்கும். இதன் விலையும் பட்ஜெட் தரத்தில் இருக்கும்.

Image Credit : Google

ஃபோக்ஸ்வேகன் டைகுன்

2026-ன் இரண்டாம் காலாண்டில் டைகுனின் புதுப்பிக்கப்பட்ட பதிப்பை ஃபோக்ஸ்வேகன் இந்தியா அறிமுகப்படுத்த உள்ளது. குஷாக் மற்றும் டைகுன் இரண்டும் MQB-A0-IN பிளாட்ஃபார்மில் உருவாக்கப்பட்டுள்ளன. 

Image Credit : Google

நிசான் டெக்டான்

நிசானின் இந்தியாவிற்கான புதிய தயாரிப்பு திட்டத்தின் ஒரு பகுதி டெக்டான். இந்த திட்டத்தின் கீழ், நிறுவனம் மூன்று மாடல்களை வெளியிடும். 2026-ன் மத்தியில் டெக்டான் இந்தியாவில் அறிமுகமாகும். இந்த மாடல்களின் விலை, சிறப்பங்கள் விரைவில் வெளியாக உள்ளன.