பெட்ரோல்/ டீசல் "ஆட்டோ கட்" தெரியுமா?! இனிமேல் மீறாதீர்கள்! பெரிய ஆபத்து ஏற்படும்!
காரில் டேங்க் ஃபுல் செய்வதால் எரிபொருள் வழிந்து விபத்து ஏற்பட வாய்ப்புள்ளது. டேங்கில் காற்றுக்கு இடம் இல்லாமல் நிரப்பினால், எரிபொருள் அழுத்தம் ஏற்பட்டு வெளியே கொட்டும். இது காரின் பாகங்களைப் பாதிப்பதுடன், தீ விபத்துக்கும் வழிவகுக்கும்.
எரிபொருள் சிக்கனம் தேவை இக்கனம்
காரில் ஊருக்கு கிளம்பினால் டேங் புல் செய்வது பெரும்பாலானோரின் வாடிக்கை. அப்படி செய்வதால் எரிபொருள் வழிந்து பெரிய விபத்து ஏற்படும் நிலை உருவாகும். வழியில் பெட்ரோல் கிடைக்காவிட்டால் என்ன செய்வது என்ற குழப்பமே அதற்கு காரணம். ஆனால் பெரும்பாலான ஆட்டோமோபைல் நிறுவனங்களும், கார் தயாரிப்பு நிறுவனங்களும் இதை ரெக்கமண்ட் பண்ணவே மாட்டார்கள்.
ஆட்டோ கட்டை மீறினால் ஆபத்து
நீங்கள் எரிபொருள் நிரப்பும்போது, அந்த நாஸில் (நிரப்பும் கண்ணில்) உள்ள சென்சார் ஒரு கட்டத்தில் “ஆட்டோ கட்” ஆகும். அதாவது எரிபொருள் போதுமான அளவு டேங்கில் சென்றுவிட்டது, இனிமேல் நிரப்ப வேண்டாம் என்று அது சத்தம் சொல்லும். அதனை நாம் கண்டு கொள்ளாமல் மேலும் எரிபொருளை நிரப்புவோம். அதவாது தளும்ப தளும்ப. இதுதான் பெரிய அபாயத்தை உருவாக்கும்
ஏன் ஆட்டோ கட் முக்கியம்?
உள்ளே காற்றுக்கு இடம் இருக்க வேண்டும். எரிபொருள் வெப்பத்தால் விரிவடையும். அந்த இடம் இல்லாமல் நிரப்பினால், எரிபொருள் அழுத்தம் ஏற்பட்டு வெளியே கொட்டும். இதுவே Spillage என்பார்கள்.
என்ன பிரச்சனை வரும்?
- காரின் பின்புறம் அல்லது பக்கங்களில் பெட்ரோல்/டீசல் வழியும்.
- காரின் paint மேல் விழுந்தால், அது துரு, கலர் குணம் குறைபாடு, பிளாஸ்டிக் பாகங்கள் பழுதடைதல் போன்ற பாதிப்பை தரும்.
- எரிபொருள் வெளியே சிந்துவது தீ விபத்துக்கு வாய்ப்பு அதிகப்படுத்தும். சிறு தீப்பிடிப்பே பெரிய அபாயமாக மாறும்.
- சில நிறுவனங்கள் இதனால் ஏற்படும் (body warranty) பிரச்சினைகளை கவனிக்கவே மாட்டார்கள்.
நிரப்பும் போது எப்படி கவனிக்க வேண்டும்?
- எப்போதும் நாஸில் ஆட்டோமேட்டிக் கட் ஆனதும் நிறுத்திவிடுங்கள்.
- “பிரிம் வரை” நிரப்பவேண்டாம்.
- நிரப்பிய பிறகு பைபரால் கழுவிவிட்டு, எரிபொருள் தடங்கள் இருக்கிறதா பாருங்கள்.
- சிலரது பழக்கப்படி தளும்ப தளும்ப நிரப்புவது தவிருங்கள்.
வாடகை கார் நிறுவனங்கள் ஏன் கடுமையாக இதை பின்பற்றுகிறார்கள்?
ஏனெனில் அவர்களுக்கு காரின் நிலை, பாதுகாப்பு, காப்பீட்டு நிபந்தனைகள் அனைத்தும் முக்கியம். அதேபோல, உங்கள் காரையும் நீண்ட நாள் பராமரிக்க, இதே நடைமுறை தான் சரியானது.
சிறந்த முறை என்ன?
எப்போதும் டேங்க் 90% வரை நிரப்பியதும் நாஸில் ஆட்டோமேட்டிக் கட் ஆனதும் நிறுத்திவிடுங்கள். எரிபொருள் வெப்பத்தில் விரிவடையும்போது அந்த காலி இடம் பாதுகாப்பை உறுதி செய்கிறது. சில நிமிடங்களின் கவனம் உங்கள் காரையும், உங்கள் உயிரையும் பாதுகாக்கும். அடுத்த முறையிலிருந்து, “இன்னும் கொஞ்சம் நிரப்புங்க” என்று பம்ப் ஊழியரிடம் சொல்லாமல் ஆட்டோ கட் ஆனதும் நிறுத்தி விடுங்கள்.உங்கள் காரின் ஆரோக்கியத்திற்கு இதை மறக்காமல் பின்பற்றுங்கள்!