Cheapest Bikes: ரூ.80,000 பட்ஜெட்டில் 70 கி.மீ மைலேஜ்! நடுத்தர குடும்பங்களின் கனவை நனவாக்கும் டாப் 5 சூப்பர் பைக்குகள்!

Best Mileage Bikes: இந்தியாவில் ரூ.80 ஆயிரத்திற்கும் குறைவான விலையில் கிடைக்கும் சிறந்த 5 பட்ஜெட் பைக்குகள் இந்தப் பட்டியலில் உள்ளன. ஹீரோ HF 100, பஜாஜ் பிளாட்டினா 100 போன்ற பைக்குகளின் விலை, மைலேஜ் மற்றும் முக்கிய அம்சங்கள் குறித்து பார்க்கலாம்.

Image Credit : Asianet News

இந்தியாவின் 5 சிறந்த பட்ஜெட் பைக்குகள்

தொடர்ந்து உயர்ந்து வரும் பெட்ரோல் விலைக்கு நடுவே, நடுத்தர மக்களின் முதல் தேர்வு 'அதிக மைலேஜ் மற்றும் குறைந்த விலை' கொண்ட பைக்குகள்தான். அந்த வகையில், கிராமம் மற்றும் நகரம் என இரு தரப்பினருக்கும் ஏற்ற, ரூ.80 ஆயிரத்திற்குள் அடங்கும் இந்தியாவின் 5 சிறந்த பட்ஜெட் பைக்குகளின் விவரங்கள் குறித்து பார்ப்போம்.

Image Credit : HERO

ஹீரோ HF 100

உங்கள் பட்ஜெட் மிகவும் குறைவாக இருந்து, பல்லாண்டு காலம் உழைக்கும் ஒரு பைக் வேண்டுமானால், ஹீரோ HF 100 உங்களுக்கானது. லக்னோவில் இதன் ஆன்-ரோடு விலை சுமார் ரூ.69,024. எக்ஸ்-ஷோரூம் விலை ரூ.59,840. ஒரு லிட்டர் பெட்ரோலில் 70 கி.மீ. வரை செல்லும் என நிறுவனம் கூறுகிறது. இதன் 9.1 லிட்டர் டேங்கை ஃபுல் செய்தால், 600 கி.மீ. வரை பயணிக்கலாம். இதில் கிக்-ஸ்டார்ட் வசதி உள்ளது. செலவைக் குறைக்க செல்ஃப்-ஸ்டார்ட் கொடுக்கப்படவில்லை. ஆனால், பாதுகாப்புக்குக் குறைவில்லை. வண்டி கீழே விழுந்தால் இன்ஜின் தானாகவே நின்றுவிடும் (Engine Cut-off) வசதி இதில் உள்ளது.

Image Credit : hero

ஹீரோவின் HF டீலக்ஸ்

ஹீரோவின் HF டீலக்ஸ், கிராமம் மற்றும் நகரம் இரண்டிலும் அதிகம் விற்பனையாகும் பைக். இதன் கிளாசிக் லுக் மற்றும் சிறந்த பெர்ஃபாமன்ஸ்தான் இந்த பிரபலத்திற்குக் காரணம். லக்னோவில் இதன் ஆன்-ரோடு விலை, ஆல்-பிளாக் வேரியண்ட்டுக்கு ₹68,080-லிருந்து தொடங்குகிறது. செல்ஃப்-ஸ்டார்ட் வேரியன்ட்களும் ₹80,000 பட்ஜெட்டில் அடங்கும். இந்த பைக் லிட்டருக்கு சுமார் 68 முதல் 70 கி.மீ. வரை மைலேஜ் தருகிறது. ஹீரோவின் பிரத்யேக i3S டெக்னாலஜி இதில் உள்ளது. இது டிராஃபிக்கில் வண்டி நிற்கும்போது இன்ஜினை ஆஃப் செய்து, கிளட்சை பிடித்தவுடன் ஸ்டார்ட் செய்துவிடும். இதனால் பெட்ரோல் மிச்சமாகும்.

Image Credit : bajaj

ஜாஜ் பிளாட்டினா 100

மைலேஜ் மற்றும் குறைந்த பராமரிப்புதான் உங்கள் முதல் தேர்வு என்றால், பஜாஜ் பிளாட்டினா 100 இன்றும் மக்களின் முதல் சாய்ஸ். லக்னோவில் இதன் ஆன்-ரோடு விலை சுமார் ₹75,121. இது லிட்டருக்கு 70 கி.மீ. வரை மைலேஜ் தரும். இதன் நீளமான, மென்மையான சீட் மோசமான சாலைகளிலும் சொகுசான பயணத்தை உறுதி செய்கிறது. 99.59cc DTS-i இன்ஜின், 4-ஸ்பீடு கியர்பாக்ஸ், 90kmph டாப் ஸ்பீடு, எலக்ட்ரிக் ஸ்டார்ட் மற்றும் ஆன்டி-ஸ்கிட் பிரேக்கிங் சிஸ்டம் போன்ற அம்சங்கள் இதில் உள்ளன.பொறுப்புத் துறப்பு: இந்தக் கட்டுரையில் குறிப்பிடப்பட்டுள்ள பைக்குகளின் விலை, மைலேஜ் மற்றும் அம்சங்கள் நகரம், டீலர்ஷிப், வேரியண்ட் மற்றும் நேரத்தைப் பொறுத்து மாறக்கூடும். ஆன்-ரோடு விலையில் RTO, இன்சூரன்ஸ் மற்றும் பிற கட்டணங்கள் அடங்கும். பைக் வாங்குவதற்கு முன், உங்கள் அருகிலுள்ள ஷோரூம் அல்லது அதிகாரப்பூர்வ இணையதளத்தில் சமீபத்திய தகவல்களைச் சரிபார்க்கவும்.

Image Credit : HONDA

ஹோண்டா ஷைன் 100

ஹோண்டா வண்டிகள் அதன் ஸ்மூத்தான, அதிர்வுகளற்ற இன்ஜினுக்குப் பெயர் பெற்றவை. பைக் ஓட்டும்போது அதிர்வுகளே இருக்கக் கூடாது என நினைத்தால், ஷைன் 100 ஒரு சிறந்த தேர்வு. லக்னோவில் இதன் ஆன்-ரோடு விலை சுமார் ₹69,468. இது லிட்டருக்கு 65-68 கி.மீ. மைலேஜ் தருகிறது. பார்க்க ஸ்டைலாகவும், நீண்ட நேரம் ஓட்டினாலும் அலுப்புத் தராத வசதியான சீட் அமைப்பையும் கொண்டுள்ளது.

Image Credit : bajaj auto

பஜாஜின் CT 110X

நீங்கள் வசிக்கும் பகுதியில் சாலைகள் மோசமாக உள்ளதா? அல்லது அதிக லோடு ஏற்றிச் செல்ல வேண்டுமா? பஜாஜின் CT 110X உங்களுக்கான ரஃப் அண்ட் டஃப் பைக். லக்னோவில் இதன் ஆன்-ரோடு விலை சுமார் ₹73,676, எக்ஸ்-ஷோரூம் விலை ₹67,284. இதில் சற்று பெரிய 115.45cc இன்ஜின் உள்ளது. இது மேடான மற்றும் கரடுமுரடான சாலைகளில் சிறந்த கிரிப் மற்றும் பவரைத் தருகிறது. இதன் ஸ்போர்ட்டி மற்றும் ஆஃப்-ரோடு லுக் இளைஞர்களை அதிகம் கவர்கிறது.