ரூ.15,000-க்கும் மேல் சேமிப்பு.. பஜாஜ் பல்சர் ஹாட்ரிக் ஆஃபர்.. முழு தள்ளுபடி விவரம் இதோ
பஜாஜ் ஆட்டோ தனது பிரபலமான பல்சர் ஹாட்ரிக் ஆஃபரை மீண்டும் நாடு முழுவதும் நீட்டித்துள்ளது. இந்த சலுகையின் கீழ், வாடிக்கையாளர்கள் GST குறைப்பு, பூஜ்ஜிய செயலாக்கக் கட்டணம், காப்பீட்டு தள்ளுபடி என பல நன்மைகளைப் பெறுகிறார்கள்.
பஜாஜ் பல்சர் ஹாட்ரிக் ஆஃபர்
வருட முடிவை முன்னிட்டு இருசக்கர வாகன தயாரிப்பாளரான பஜாஜ் ஆட்டோ, தனது பிரபலமானது பல்சர் ஹாட்ரிக் ஆஃபரை மீண்டும் தெரிவித்துள்ளது. தீபாவளிக்கு வாடிக்கையாளர்களின் தேவை குறையவில்லை என்பதால், இந்த சலுகை நாடு முழுவதும் மீண்டும் நீட்டிக்கப்பட்டுள்ளது. குறிப்பாக, குறைந்த முதலீட்டில் பைக் வாங்க விரும்புபவர்களுக்கு இது ஒரு பெரிய வாய்ப்பு என்று நிறுவனம் கூறுகிறது.
ஹாட்ரிக் பேக்கேஜ்
இந்த ஆஃபரில் பஜாஜ் மூன்று வகையான நன்மைகளை ஒன்றாக வழங்குகிறது. அதனால் இதை ஹாட்ரிக் பேக்கேஜ் என்று அறியலாம். அரசு குறைத்த GST-யின் முழு பயனையும் நிறுவனம் நேரடியாக வாடிக்கையாளர் கணக்கில் காட்டுகிறது. இதனால் பைக் விலை தானாகவே குறைகிறது. பைக் வாங்கும்போது நிடெ நிறுவனங்கள் எடுக்கும் ப்ராசஸ்சிங் கட்டணத்தை பஜாஜ் முழுமையாக நீக்கியுள்ளது. காப்பீடு செலவிலும் தள்ளுபடி வழங்கப்பட்டுள்ளது, ஆரம்ப செலவுகள் மேலும் குறைகிறது.
பஜாஜ் பல்சர் சலுகை
டெல்லியில் கிடைத்த கணக்கு தகவல்களின் அடிப்படையில், ஒவ்வொரு பஜாஜ் மாடலுக்கும் கிடைக்கும் தள்ளுபடி அளவு வேறுபட்டு உள்ளது. பல்சர் 125 CF வாங்குபவர்களுக்கு அதிகபட்சம் ரூ.10,911 வரை சேமிப்பு வாய்ப்பு கிடைக்கிறது. இதில் ரூ.8,011 GST குறைப்பு எனும் நன்மையும், ரூ.2,900 செயல்முறை கட்டணம் மற்றும் காப்பீடு சலுகையும் சேர்க்கப்பட்டுள்ளன. அதேபோல பல்சர் NS125 ABS மாடலில் ரூ.12,206 வரை சேமிப்பு கிடைக்கிறது.
பைக் விலை குறைப்பு
இதில் ரூ.9,006 GST நிவாரணமும் ரூ.3,200 பிற தள்ளுபடிகளும் அடங்கும். இதற்கெல்லாம் மேலாக, பல்சர் N160 USD மாடல் அதிக நன்மை தரும் மாடலாக உள்ளது. மொத்தம் ரூ.15,759 சேமிப்பு, இதில் ரூ.11,559 GST குறைப்பு மற்றும் ரூ.4,200 மதிப்பிலான கூடுதல் சலுகையும் அடங்கி உள்ளது. குடும்ப வாடிக்கையாளர்களுக்குப் பிரபலமான பிளாட்டினா 110 மாடலும் பின்தங்காமல் ரூ.8,641 வரை தள்ளுபடி வழங்கி வாடிக்கையாளர்களின் கவனத்தை ஈர்த்து வருகிறது.
