- Home
- Astrology
- Astrology: இந்த 3 ராசியினர் பணத்தை தண்ணியா செலவு செய்வாங்களாம்.! சேமிப்பே இருக்காதாம்.! உங்க ராசி இருக்கா?
Astrology: இந்த 3 ராசியினர் பணத்தை தண்ணியா செலவு செய்வாங்களாம்.! சேமிப்பே இருக்காதாம்.! உங்க ராசி இருக்கா?
3 zodiac signs who waste money: ஜோதிடத்தின்படி சில ராசிக்காரர்கள் பணத்தை தாராளமாக செலவு செய்யும் குணம் கொண்டவர்களாக விளங்குவார்களாம். அந்த ராசிகள் குறித்து இந்த பதிவில் விரிவாகப் பார்க்கலாம்.
பணத்தை தண்ணியாக செலவு செய்யும் ராசிகள்
ஜோதிடத்தின்படி ஒவ்வொரு ராசிக்காரர்களுக்கும் தனித்துவமான குணாதிசயங்கள் உண்டு. சில ராசிக்காரர்கள் பணத்தை சேமிப்பதில் அதிக ஆர்வம் காட்டுவார்கள். ஆனால் சில ராசிக்காரர்கள் இயற்கையாகவே ஆடம்பரத்தை விரும்புவார்களாகவும், தங்களின் தேவைகளை நிறைவேற்றிக் கொள்வதற்காகவும், மற்றவர்களை மகிழ்விப்பதற்காகவும் தாராளமாக செலவு செய்வார்களாம். அந்த ராசிகள் குறித்து இந்த பதிவில் பார்க்கலாம்.
சிம்மம்
சிம்ம ராசிக்காரர்கள் இயற்கையாகவே ஆடம்பரத்தையும், கவன ஈர்ப்பையும் விரும்புபவர்கள். அவர்கள் ஒரு ராஜாவைப் போன்ற ஆடம்பரமான வாழ்க்கையை வாழ விரும்புகிறார்கள். இவர்கள் தரமான மற்றும் பிரம்மாண்டமான பொருளை வாங்க வேண்டும் என்கிற ஆர்வம் கொண்டிருப்பார்கள். தங்களுக்கு கௌரவம் அளிக்கும் என்பதற்காக விலை அதிகமான பொருளையும் வாங்குவதற்கு தயங்கமாட்டார்கள்.
தங்களுக்கு பிடித்தவர்களுக்கும், நண்பர்களுக்கும் விலையுயர்ந்த பரிசை வழங்கி அவர்களை மகிழ்ச்சிப்படுத்த விரும்புவார்கள். வீட்டில் நடக்கும் நிகழ்ச்சிகள் அல்லது விருந்துகள் போன்றவற்றிற்கு தாராளமாக செலவு செய்வார்கள். அனைவரின் பாராட்டையும் பெற வேண்டும் என்பதற்காக அதிகமாக செலவு செய்வார்கள். இவர்களுக்கு சேமிப்பு என்பதை விட வாழ்க்கையை அனுபவிக்க வேண்டும் என்பதே முக்கிய இலக்காக இருக்கும்.
துலாம்
துலாம் ராசிக்காரர்கள் அழகு, சமநிலை மற்றும் இணக்கத்தை விரும்புவார்கள். அவர்கள் தங்கள் சுற்றுப்புறத்தையும் தங்களை சுற்றி இருப்பவர்களையும் மகிழ்ச்சியாக வைத்திருக்க வேண்டும் என்று நினைப்பார்கள். ஆடைகள், நகைகள், வீட்டு அலங்காரப் பொருட்கள், கலைப்பொருட்கள் போன்ற அழகு சார்ந்த விஷயங்களுக்கு இவர்கள் அதிகமாக செலவு செய்வார்கள்.
மற்றவர்களுடன் இணைந்து பழகுவதற்கும் மற்றவர்களின் மத்தியில் நல்ல பெயர் எடுப்பதற்கும் இவர்கள் பணத்தை தண்ணி போல செலவு செய்வார்கள். ஒரு ஆடம்பர பொருளை வாங்க வேண்டும் என்று இவர்கள் முடிவெடுத்து விட்டால் பணத்தைப் பற்றி கவலைப்படாமல் வாங்கி விடுவார்கள். நல்ல விஷயங்கள் எப்போதுமே விலை உயர்ந்தவை என்கிற எண்ணம் இவர்களிடத்தில் உண்டு. எனவே தரமான பொருட்களை வாங்குவதற்காக அதிக பணத்தை செலவிடுவார்கள்.
தனுசு
தனுசு ராசிக்காரர்கள் சாகச மனப்பான்மை கொண்டவர்கள். சுதந்திரத்தை விரும்புபவர்கள். புதிய அனுபவங்களை தேடி பயணிப்பவர்கள். இவர்கள் தங்கள் உற்சாகத்திற்காக பணத்தைப் பற்றி கவலைப்படாமல் செலவழிப்பார்கள். புதிய இடங்களுக்கு செல்வது, புதிய அனுபவங்களை கற்றுக் கொள்வது, தரமான நேரத்தை செலவிடுவதற்காக எவ்வளவு வேண்டுமானாலும் செலவிடுவார்கள்.
எதிர்காலத்தைப் பற்றி அதிகம் சிந்திக்காமல் அந்த தருணத்தில் தனக்கு தேவையான சந்தோஷத்தை கொடுக்கும் விஷயங்களை உடனடியாக செய்து முடிக்க விரும்புவார்கள். இவர்கள் பணத்தை தங்களுக்கு அனுபவங்களை வாங்கி கொடுக்கும் ஒரு கருவியாக மட்டுமே பார்ப்பார்கள்.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
