- Home
- Astrology
- World Top 10 Hindu Temples: உலகின் டாப் 10 பிரம்மாண்ட இந்து கோயில்கள்! ஆனால் முதலிடத்தில் இருக்கும் கோயில் இந்தியாவில் இல்லை!
World Top 10 Hindu Temples: உலகின் டாப் 10 பிரம்மாண்ட இந்து கோயில்கள்! ஆனால் முதலிடத்தில் இருக்கும் கோயில் இந்தியாவில் இல்லை!
Hindu Temples: உலகின் மிகப்பெரிய இந்து கோயில் இந்தியாவில் என்ற அதிர்ச்சி தகவல் வெளியாகியுள்ளது. இந்நிலையில் டாப் 10 பிரம்மாண்டமான இந்து கோயில்கள் பற்றி இங்கே பார்க்கலாம்.
உலகின் டாப் 10 ஆன்மீகத் தலங்கள்
இந்து மதத்தில் கோயில் என்பது வெறும் வழிபாட்டுத் தலம் மட்டுமல்ல; அது இறைவனின் இருப்பிடமாகவும், மனிதனின் ஆன்மீக மற்றும் லௌகீக வாழ்க்கையை நெறிப்படுத்தும் உன்னத மையமாகவும் கருதப்படுகிறது. கோயில் என்ற சொல்லைப் பிரித்துப் பார்த்தால் கோ + இல் என வரும். 'கோ' என்றால் அரசன் அல்லது இறைவன், 'இல்' என்றால் இல்லம் அல்லது வீடு. அதாவது, "இறைவனின் இல்லம்" என்று பொருள். நம் நாட்டில் மட்டுமல்ல உலகம் முழுவதும் பிரமிக்க வைக்கும் பல கோயில்கள் உள்ளன. இந்து கட்டிடக்கலை, ஆன்மீகத் தத்துவம் மற்றும் கலைநயத்தின் உச்சமாகத் திகழும் உலகின் டாப் 10 ஆன்மீகத் தலங்களை பற்றி இங்கே பார்க்கலாம். ஆனால் முதல் இடத்தில் இருக்கும் கோயில் இந்தியாவில் இல்லை என்பது அதிர்ச்சி தரும் உண்மையாகும்.
பசுபதீநாத் கோயில், காத்மாண்டு (நேபாளம்)
நேபாளத் தலைநகர் காத்மாண்டுவில், புனித பாக்மதி ஆற்றங்கரையில் அமைந்துள்ள பழமையான தலம். சுமார் 24.60 லட்சம் சதுர மீட்டர் பரந்து விரிந்த வளாகத்தில் 518 சிறு கோயில்கள் உள்ளன. நேபாள பகோடா கட்டிடக்கலை பாணியில் அமைந்த இக்கோயிலின் மூலவர் 'பசுபதீநாத்' (சிவன்) ஆவார். இங்கு பாரம்பரியமாக இந்தியாவைச் சேர்ந்தவர்களே அர்ச்சகர்களாகப் பணியாற்றி வருவது குறிப்பிடத்தக்கது.
அங்கோர் வாட், கம்போடியா
பரப்பளவின் அடிப்படையில் உலகின் மிகப்பாரிய மத வழிபாட்டுத் தலமாக இது உலகப் புகழ்பெற்றது. 402 ஏக்கர் பரப்பளவைக் கொண்ட இந்த யுனெஸ்கோ (UNESCO) உலக பாரம்பரிய சின்னம், முதலில் விஷ்ணு ஆலயமாகக் கட்டப்பட்டு, பின்னர் பௌத்த தலமாக மாறியது. இதன் 65 மீட்டர் உயர கோபுரமும், சுவர்களில் செதுக்கப்பட்டுள்ள ராமாயண, மகாபாரத காவியச் சிற்பங்களும் காண்போரை மெய்சிலிர்க்க வைக்கும்.
ஸ்ரீரங்கம்
தற்போது வழிபாட்டில் உள்ள உலகின் மிகப்பெரிய இந்து கோயில் வளாகங்களில் ஒன்றாகத் தமிழகத்தின் ஸ்ரீரங்கம் திகழ்கிறது. காவிரியின் நடுவே 156 ஏக்கர் பரப்பில் அமைந்துள்ள இக்கோயிலில் 21 கோபுரங்கள் மற்றும் 81 சன்னதிகள் உள்ளன. இதன் 236 அடி உயர 'ராஜகோபுரம்' ஆசியாவின் இரண்டாவது மிக உயரமான கோபுரமாகும்.
அக்சர்தாம், டெல்லி
நவீன இந்தியாவின் கட்டிடக்கலை அதிசயங்களில் ஒன்றான இதனை, யமுனை ஆற்றங்கரையில் BAPS அமைப்பு நிறுவியுள்ளது. 100 ஏக்கர் பரப்பில் அமைந்துள்ள இக்கோயில் 2005-ல் திறக்கப்பட்டது. இந்த முழு மாளிகையும் கான்கிரீட் அல்லது இரும்பு கம்பிகள் ஏதுமின்றி, ராஜஸ்தான் இளஞ்சிவப்பு மணற்கல் மற்றும் இத்தாலிய மார்பிள் கற்களைக் கொண்டு மட்டுமே கட்டப்பட்டுள்ளது. இதில் 234 கலைநயமிக்க தூண்களும், 9 பிரம்மாண்ட குவிமாடங்களும் உள்ளன.
ஏகாம்பரேஸ்வரர் கோயில், காஞ்சிபுரம்
பேலூர் மடம், ஹவுரா (இந்தியா)
கொல்கத்தாவில் ஹூக்ளி ஆற்றங்கரையில் சுவாமி விவேகானந்தரால் நிறுவப்பட்ட ராமகிருஷ்ணா மிஷனின் உலகளாவிய தலைமையகம் இதுவாகும். 40 ஏக்கர் பரப்பளவு. மத நல்லிணக்கத்தின் உலகளாவிய அடையாளமாகத் திகழும் இக்கட்டிடம், நீங்கள் பார்க்கும் கோணத்தைப் பொறுத்துக் கோயில், சர்ச், மசூதி என மூன்று வடிவங்களிலும் தோற்றமளிக்கும் விசித்திரமான அமைப்பைக் கொண்டது.
ஏகாம்பரேஸ்வரர் கோயில், காஞ்சிபுரம்
தமிழகத்தின் வரலாற்றுச் சிறப்புமிக்க பஞ்சபூத தலங்களில் இது 'பிருத்வி' (நிலம்) தலம் ஆகும். 23 ஏக்கர் பரப்பளவில் அமைந்துள்ள இக்கோயிலின் ராஜகோபுரம் 59 மீட்டர் உயரம் கொண்டது. இங்குள்ள 'ஆயிரம் கால் மண்டபம்' மற்றும் கோயிலுக்கு அடியில் ஒரு ரகசிய நதி ஓடுவதாக நிலவும் ஆன்மீக நம்பிக்கை இதன் சிறப்பைக் கூட்டுகிறது.
அண்ணாமலையார் கோயில் திருவண்ணாமலை
பஞ்சபூத ஸ்தலங்களில் 'அக்னி' தலம் என்று போற்றப்படும் மிக உன்னதமான தலம். 10 ஹெக்டேர் பரப்பளவில் அமைந்துள்ள இந்தத் தலம், சிவபெருமான் அக்னி வடிவாக வீற்றிருக்கும் மலையின் அடிவாரத்தில் உள்ளது. விஜயநகரப் பேரரசர் கிருஷ்ணதேவராயரால் கட்டப்பட்ட 1000 கால் மண்டபமும், கம்பீரமாக வானுயர்ந்து நிற்கும் 217 அடி உயர கோபுரமும் இதன் அடையாளங்கள்.
பிரம்பனான் கோயில் ஜாவா (இந்தோனேசியா)
இந்தோனேசிய நாட்டின் மிகப்பெரிய மற்றும் பழமையான இந்து ஆன்மீகத் தலம் இதுவாகும். 8-ஆம் நூற்றாண்டில் கட்டப்பட்ட இந்த யுனெஸ்கோ தலம் மும்மூர்த்திகளான பிரம்மா, விஷ்ணு, சிவனுக்காக அர்ப்பணிக்கப்பட்டது. பண்டைய காலத்தில் இங்கு 240 சிறிய கோயில்கள் இருந்தன. தென்கிழக்கு ஆசியாவில் இந்து சிற்பக்கலையின் பிரம்மாண்டத்திற்குச் சான்றாக இன்றும் இது நிமிர்ந்து நிற்கிறது.
தட்சிணேசுவர் காளி கோயில், கொல்கத்தா (இந்தியா)
ராணி ராஷ்மோனி என்பவரால் 19-ஆம் நூற்றாண்டில் கட்டப்பட்ட புகழ்பெற்ற காளி கோயில். 20 ஏக்கர் பரப்பளவைக் கொண்ட இத்தலத்தில் அன்னை 'பவதாரிணி' என்ற திருநாமத்தோடு அருள் பாலிக்கிறார். ஆன்மீக ஞானி ராமகிருஷ்ண பரமஹம்சர் இங்குதான் அன்னை காளியைத் தரிசித்து ஆன்மீக வாழ்வைத் தொடங்கினார். வங்காள பாணியில் கட்டப்பட்ட 12 சிவன் கோயில்கள் ஒரே வரிசையில் அமைந்திருப்பது இதன் கூடுதல் சிறப்பு.
பிர்லா மந்திர் (லட்சுமி நாராயணன் கோயில்) டெல்லி
டெல்லியின் கன்னாட் பிளேஸ் அருகே பிர்லா குடும்பத்தினரால் 7.5 ஏக்கரில் கட்டப்பட்ட அழகிய தலம். 1939-ஆம் ஆண்டு இக்கோயிலை மகாத்மா காந்தி திறந்து வைத்தார். சாதி, மத பேதமின்றி அனைத்து மனிதர்களும் எவ்வித தடையுமின்றி உள்ளே வர அனுமதிக்கப்பட வேண்டும்" என்ற வரலாற்றுச் சிறப்புமிக்க காந்திஜியின் நிபந்தனையின் பேரிலேயே இக்கோயில் திறக்கப்பட்டது குறிப்பிடத்தக்கது.
