நட்சத்திரத்தை மாற்றும் சூரிய பகவான்: மே 11 வரை பொற்காலம்! சூரிய பகவானின் அருளால் ஜாக்பாட் அடிக்கும் ராசிகள் இதோ!

சூரிய பகவான் பரணி நட்சத்திரத்திற்குப் பெயர்ச்சியாவதால் மேஷம், சிம்மம், துலாம் மற்றும் கும்பம் ராசிகளுக்குப் பொற்காலம் தொடங்குகிறது. மே 11 வரை இவர்களுக்குக் கிடைக்கப்போகும் பண வரவு மற்றும் அதிர்ஷ்ட பலன்கள்.

Image Credit : Asianet News

Sun Transit in Bharani Nakshatra 2026 - நட்சத்திரத்தை மாற்றும் சூரிய பகவான்

வாக்கியப் பஞ்சாங்கத்தின்படி, சூரியன் மேஷ ராசியில் சஞ்சரிக்கும் போது அஸ்வினி நட்சத்திரத்தில் இருந்து விலகி, பரணி நட்சத்திரத்திற்கு ஏப்ரல் 27ஆம் தேதி (நாளை) திங்கள்கிழமை மாலை 5.42 மணிக்கு பெயர்ச்சியாகும். சூரியனின் இந்த நட்சத்திர மாற்றமானது ஏப்ரல் 27ஆம் தேதி முதல் மே 11ஆம் தேதி வரையில் இருக்கும். அதாவது சூரிய பகவான் ஒரு நட்சத்திரத்தில் சுமார் 13 முதல் 14 நாட்கள் வரை சஞ்சரிப்பார். இதனடிப்படையில் சூரிய பகவான் வரும் மே 11 ஆம் தேதி வரையில் பரணி நட்சத்திரத்தில் இருப்பார்.

Image Credit : Getty

பரணி நட்சத்திரத்தில் சூரியன், Sun in Bharani Nakshatra effects

பரணி நட்சத்திரத்தின் அதிபதி சுக்கிரன் என்பதால், இந்த காலகட்டத்தில் சூரிய பகவான் சுக்கிரனின் ஆதிக்கத்தில் இருப்பார். சூரியன் (அதிகாரம்) மற்றும் சுக்கிரன் (சுகபோகம்) தொடர்பு ஏற்படுவதால், கலைத்துறை மற்றும் ஆபரணத் துறையில் இருப்பவர்களுக்கு நல்ல முன்னேற்றம் இருக்கும். தமிழகத்தில் இந்த காலகட்டம் கோடையின் உச்சமான கத்திரி வெயில் என்று சொல்லப்படும் அக்னி நட்சத்திரம் தொடங்குவதற்கு முந்தைய காலகட்டமாகும்.

Image Credit : AI

மேஷ ராசி - சூரியன் பரணி நட்சத்திர பெயர்ச்சி 2026

மேஷ ராசியினருக்கு இது ஒரு பொற்காலம்! நீண்ட நாள் கனவான சொந்த வீடு அல்லது கார் வாங்கும் யோகம் இப்போது கைகூடி வரும். கழுத்தை நெரித்த பழைய கடன்கள் தீர்ந்து, நிதி நிலைமையில் புதிய வெளிச்சம் பிறக்கும். சமூகத்தில் உங்கள் அந்தஸ்து உயர்வதுடன், புதிய தொழில் தொடங்கும் முயற்சிகளும் வெற்றியைத் தரும். குடும்பத்தில் நிலவி வந்த குழப்பங்கள் நீங்கி, மனநிம்மதி மீண்டும் குடிகொள்ளும்.

Image Credit : AI

சிம்ம ராசி - பரணி நட்சத்திர சூரியப் பெயர்ச்சி தேதி 2026

சிம்ம ராசியின் அதிபதியே சூரியன் என்பதால், இந்த நட்சத்திரப் பெயர்ச்சி உங்களுக்கு இரட்டிப்பு நற்பலன்களை வாரி வழங்கும். இழுபறியில் இருந்த காரியங்கள் அனைத்தும் உங்கள் திட்டமிட்டபடி தடையின்றி நிறைவேறும். நீண்ட நாள் பயணக் கனவுகள் நனவாகும் வேளையில், தொழிலதிபர்களுக்குப் பொருளாதார ரீதியாகப் பொற்காலம் என்றே சொல்லலாம். குடும்பத்தின் ஒவ்வொரு தேவையையும் நிறைவேற்றும் வல்லமை கிடைக்கும்; அதோடு, பெற்றோர்கள் மற்றும் குழந்தைகளின் ஆரோக்கியம் சீராகி மனமகிழ்ச்சியைத் தரும்.

Image Credit : our own

துலாம் ராசி சூரியன் நட்சத்திர பெயர்ச்சி 2026

துலாம் ராசியின் அதிபதி சுக்கிரன் என்பதாலும், இந்த ராசி சிவபெருமானின் பேரருள் பெற்றது என்பதாலும், இக்காலகட்டத்தில் உங்களுக்கு அபூர்வமான பலன்கள் காத்திருக்கின்றன. ஈசனின் அருளால் ஆடம்பரமான வாழ்க்கை வசதிகள் தேடி வரும். செல்வச் செழிப்புடன் சேர்த்து, உங்கள் முகத்திலும் உடலிலும் ஒரு புதிய பொலிவும் வசீகரமும் உண்டாகும். வரும் 15 நாட்கள் உங்கள் வாழ்வின் ஒவ்வொரு அங்கத்திலும் செழிப்பை வாரி வழங்கும் பொற்காலமாக அமையும்.

Image Credit : istock

கும்ப ராசி - பரணி நட்சத்திரத்தில் சூரியன்

கும்ப ராசியினரே, உங்களைச் சூழ்ந்திருந்த இன்னல்கள் விலகி, நிம்மதிப் பெருமூச்சு விடும் காலம் பிறந்துவிட்டது! மே 11-க்குள் வேலை தேடும் முயற்சியில் இருப்பவர்களுக்கு ஒரு கனவு வாய்ப்பு தேடி வரும். குடும்ப உறவுகளில் நிலவும் கசப்புகளைப் பேசித் தீர்க்க இதுவே உகந்த தருணம். தேவையற்ற சிறு விஷயங்களில் உங்கள் ஆற்றலை வீணடிக்காமல், பெரிய இலக்குகளை நோக்கிப் பயணிக்கத் தொடங்குங்கள். நண்பர்களுடன் மனம் விட்டுப் பேசுவது உங்களுக்குப் புதிய உற்சாகத்தையும், தெளிவையும் வழங்கும்.