- Home
- Astrology
- 2026-ல் உருவாகும் கொடிய விஷபோதக யோகம்.! நிலைகுலையப்போகும் 3 ராசிகள்.! இந்த ராசிகளுக்கு சோதனை காலம் ஆரம்பம்.!
2026-ல் உருவாகும் கொடிய விஷபோதக யோகம்.! நிலைகுலையப்போகும் 3 ராசிகள்.! இந்த ராசிகளுக்கு சோதனை காலம் ஆரம்பம்.!
visphotak yog unlucky zodiac signs: பிப்ரவரி மாதத்தில் செவ்வாய் பகவான் ராகுவுடன் இணைந்து விஷபோதக யோகத்தை உருவாக்குகிறார். இதன் காரணமாக சில ராசிக்காரர்கள் வாழ்க்கையில் கஷ்டத்தை அனுபவிக்க உள்ளனர். அது குறித்து இந்த பதிவில் பார்க்கலாம்.
விஷபோதக யோகம் 2026
நவகிரகங்களின் தளபதியான செவ்வாய் பகவான் தன்னம்பிக்கை, வீரம், ஆற்றல் ஆகியவற்றின் காரகராக விளங்குகிறார். இவர் 45 நாட்களுக்கு ஒரு முறை தனது ராசியை மாற்றுகிறார். பிப்ரவரி 23, 2026 காலை 11:57 மணிக்கு கும்ப ராசியில் நுழையும் செவ்வாய் பகவான், ஏப்ரல் 2, 2026 வரை அந்த ராசியிலேயே பயணிப்பார்.
ஏற்கனவே கும்ப ராசியில் பாவ கிரகமான ராகு பகவான் வசிக்கிறார். செவ்வாய்-ராகு இணைவால் விஷபோதக யோகம் உருவாகிறது. இந்த யோகம் சில ராசிக்காரர்களுக்கு வாழ்க்கையில் கஷ்டத்தை அளிக்கக்கூடும் என கணிக்கப்பட்டுள்ளது. அந்த ராசிகள் குறித்து இந்த பதிவில் பார்க்கலாம்.
மேஷம்
மேஷ ராசியில் பிறந்தவர்களுக்கு விஷபோதக யோகம் வாழ்க்கையில் சில பிரச்சனைகளை உருவாக்கக்கூடும். 11 ஆம் வீடான லாப ஸ்தானத்தில் செவ்வாய் மற்றும் ராகுவின் சேர்க்கை நிலை இருக்கிறது. இதன் காரணமாக உங்கள் ஆசைகள் நிறைவேறாமல் போகலாம். சிறிய வேலைகளுக்கு கூட அதிக முயற்சி தேவைப்படக்கூடும். பணியிடத்தில் சில பிரச்சனைகளை சந்திக்க நேரிடலாம். இதனால் மன அழுத்தம் உருவாகும். மேஷ ராசிக்கு ஏழரை சனியும் நடைபெறுவதால் ஆரோக்கியம் மோசமாக பாதிக்கப்படலாம். இந்த காலகட்டத்தில் உங்கள் தந்தையின் உடல்நலத்தில் மிக கவனத்துடன் இருக்க வேண்டும்.
தனுசு
தனுசு ராசிக்கு மூன்றாம் வீட்டில் செவ்வாய் மற்றும் ராகுவின் சேர்க்கை நடைபெற இருக்கிறது. மேலும் தனுசு ராசிக்கு அர்த்தாஷ்டம சனி நடைபெற்று வருகிறது. இதன் காரணமாக தனுசு ராசிக்காரர்களின் ஆரோக்கியத்தில் எதிர்மறையான தாக்கம் ஏற்படலாம். பிப்ரவரி தொடங்கி ஏப்ரல் வரை ஆரோக்கியத்தில் கூடுதல் கவனத்துடன் இருக்க வேண்டும். மன அழுத்தம், உடல் நலனில் மந்த நிலை மற்றும் தேவையற்ற குழப்பங்கள் ஏற்படலாம். தொழில்களில் நஷ்டம், முதலீடுகளில் நிதி இழப்புகள் போன்றவற்றை சந்திக்க நேரிடலாம். இந்த காலகட்டத்தில் குடும்ப விஷயங்களை பொறுமையாக கையாள்வது அவசியம். பேச்சில் நிதானம் தேவை.
மகரம்
மகர ராசியின் இரண்டாம் வீட்டில் விஷபோதக யோகம் உருவாகிறது. இது தன ஸ்தானம் என்பதால் இந்த ராசியில் பிறந்தவர்கள் நிதி இழப்புகளை சந்திக்க நேரிடும். முதலீடுகளை செய்வதற்கு முன்னர் கவனமாக இருக்க வேண்டும். உடல்நலன் குறித்த கவலைகளும் ஏற்படலாம். மருத்துவச் செலவுகள் அதிகரிக்கலாம். உடன் பிறந்தவர்களின் உடல்நிலையில் பின்னடைவுகள் ஏற்படலாம். தேவையற்ற பண விரயம், குடும்பத்தில் வாக்குவாதங்கள், கண் தொடர்பான உபாதைகள் ஏற்படும். ஆன்லைன் பண பரிவர்த்தனைகளில் எச்சரிக்கையாக இருக்க வேண்டும். வாகனங்களை இயக்கும்பொழுது நிதானம் அவசியம்.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
