- Home
- Astrology
- Astrology: சனி பகவானை சந்திக்கும் புதன்.! உருவாகும் சக்தி வாய்ந்த யோகம்.! 3 ராசிகள் காட்டில் பண மழை தான்.!
Astrology: சனி பகவானை சந்திக்கும் புதன்.! உருவாகும் சக்தி வாய்ந்த யோகம்.! 3 ராசிகள் காட்டில் பண மழை தான்.!
ஜோதிட சாஸ்திரங்களின்படி செப்டம்பர் 17 ஆம் தேதி அன்று சனி மற்றும் புதன் பகவான் ஒருவருக்கொருவர் 180 டிகிரியில் சந்திக்கின்றனர். இதன் காரணமாக பிரதியுதி யோகம் உருவாகிறது. பிரதியுதி யோகத்தால் மூன்று ராசிகள் நல்ல பலன்களைப் பெற உள்ளனர்.
பிரதியுதி யோகம்
ஜோதிட சாஸ்திரங்களின்படி கிரகங்கள் குறிப்பிட்ட இடைவெளியில் தங்கள் நிலைகளை மாற்றுகின்றன. அப்போது பிற கிரகங்களுடன் இணைந்து சுப மற்றும் அசுப பலன்களை உருவாக்குகின்றன. நீதிமானாக விளங்கும் சனிபகவான் ஒரு ராசியில் சுமார் இரண்டரை ஆண்டுகள் தங்குவார். தற்போது சனி பகவான் மீன ராசியில் வக்ர நிலையில் அமர்ந்துள்ளார். அவர் ஜூன் 2027 வரை மீன ராசியில் இருப்பார். இதுபோன்ற சூழலில் சனிபகவான் ஏதாவது ஒரு கிரகத்துடன் இணைவது அல்லது நேருக்கு நேர் சந்திப்பதை வழக்கமாகக் கொண்டுள்ளார். அந்த வகையில் புதன் பகவானை 180 டிகிரியில் சந்தித்து பிரதியுதி யோகத்தை உருவாக்க உள்ளார்.
செப்டம்பர் 17 ஆம் தேதி இரவு 11:15 மணிக்கு சனியும், புதனும் ஒருவருக்கு ஒருவர் 180 டிகிரியில் இருப்பார்கள். இதன் காரணமாக பிரதியுதி யோகம் உருவாகிறது. இந்த நேரத்தில் சனி மீன ராசியில் வக்கிர நிலையிலும், புதன் அதன் சொந்த ராசியான கன்னி ராசியிலும் இருப்பார்கள்.
மேஷ ராசி:
மேஷ ராசிக்காரர்களுக்கு சனி-புதன் உருவாக்கும் பிரதியுதி யோகம் மிகவும் நன்மை பயக்கும். மேஷ ராசிக்காரர்கள் வாழ்நாளில் இதுவரை சந்தித்து வந்த பிரச்சனைகள் குறையும். எதிர்மறை விளைவுகள் குறைந்து, நேர்மறை ஆற்றல் அதிகரிக்கும். குடும்பத்துடன் நல்ல நேரத்தை செலவிடுவீர்கள். தேவையற்ற செலவுகளில் இருந்து விடுபடுவீர்கள். பணத்தை சேமிக்கும் காலம் நெருங்கியுள்ளது. எதிர்காலத்திற்கான தேவைகளை திட்டமிட்டு, அதற்காக பணம் சேர்க்க துவங்குவீர்கள். கல்வித்துறையில் மாணவர்களுக்கு நன்மைகள் கிடைக்கும். வாழ்க்கையில் மகிழ்ச்சி அதிகரிக்கும். வெளிநாடு தொடர்பான விஷயங்களில் வெற்றி பெறலாம். வெளிநாட்டில் வேலை செய்ய நினைப்பவர்களின் கனவு நிறைவேறும்.
மீன ராசி:
மீன ராசிக்காரர்களுக்கு பிரதியுதி யோகம் மிகவும் நன்மைகளை தரவுள்ளது. புதன் சனி சேர்க்கை இந்த ராசிக்காரர்களுக்கு பல வழிகளில் நன்மைகளைத் தரும். இந்த ராசிக்காரர்களின் லக்ன வீட்டில் சனிபகவான் அமர்ந்துள்ளார். இதன் காரணமாக பல துறைகளில் மீனராசிக்காரர்கள் வெற்றியைப் பெறுவீர்கள். நீண்ட காலமாக நிலவி வந்த பிரச்சனைகள் தீர்வுக்கு வரும். குடும்பத்தில் நிலவி வந்த சண்டைகள் சரியாகும். கணவன் மனைவிக்கு இருந்த கருத்து வேறுபாடுகள் நீங்கி, உறவு அதிகரிக்கும். ஆரோக்கியமாகவும், உற்சாகமாகவும் உணர்வீர்கள். உடல் ரீதியாகவும், மனரீதியாகவும் பலன்களைப் பெறுவீர்கள். இருப்பினும் அவசரமாக எந்த வேலையையும் செய்யக்கூடாது. நிதானமாகவும், பொறுமையாகவும் செய்ய வேண்டியது அவசியம்.
மகர ராசி:
மகர ராசிக்காரர்களுக்கு சனி-புதன் உருவாக்கும் பிரதியுதி யோகம் பல வழிகளில் நன்மை பயக்கும். நீண்ட காலமாக சிக்கி இருந்த பணம் கைக்கு வந்து சேரலாம். மகிழ்ச்சி தலை தூக்கும். குடும்பத்துடன் நல்ல நேரத்தை செலவிடுவீர்கள். பூர்வீக சொத்துக்களில் இருந்து பணம் வரலாம் அல்லது சிக்கலில் இருந்த பூர்வீக சொத்துக்கள் கைக்கு வந்து சேரலாம். தொழில்துறையில் நிறைய நன்மைகளைப் பெறலாம். புதிய வேலைவாய்ப்புக்கான வாய்ப்புகள் உண்டு. நீண்ட காலமாக நிலுவையில் இருந்த வணிக ஒப்பந்தங்கள் அல்லது தொழில் விரிவாக்கம் நல்லபடியாக முடியும். இதன் காரணமாக உங்களுக்கு இரட்டிப்பு லாபம் வந்து சேரலாம்.