This Week Rasi Palan: விருச்சிக ராசி நேயர்களே, இந்த வாரம் நீங்கள் எடுக்கும் அனைத்து முயற்சிகளும் வெற்றி பெறும்!

This Week Rasi Palan: நவம்பர் 03 முதல் நவம்பர் 09 ஆம் தேதி வரையிலான காலக்கட்டம் விருச்சிக ராசிக்காரர்களுக்கு எப்படி இருக்கப்போகிறது என்பது குறித்த வார ராசிப்பலன்கள் பற்றி இந்த பதிவில் விரிவாகப் பார்க்கலாம்.

Image Credit : Asianet News

வார ராசிப்பலன்கள் - விருச்சிகம்

விருச்சிக ராசி நேயர்களே, இந்த வாரம் உங்கள் மனதில் உற்சாகம் அதிகரிக்கும். தன்னம்பிக்கையுடன் செயல்பட்டு நிலுவையில் இருந்த பணிகளை வெற்றிகரமாக முடிப்பீர்கள். அதிர்ஷ்டம் உங்கள் பக்கம் இருக்கும். நீங்கள் எடுக்கும் முயற்சிகள் அனைத்தும் வெற்றி பெறும். முக்கிய முடிவுகளை எடுப்பதற்கு அல்லது புதிய முயற்சிகளை தொடங்குவதற்கு இந்த வாரம் சிறப்பானது. நெருங்கிய உறவினர்கள் மற்றும் அன்புக்குரியவர்களுடன் மகிழ்ச்சியான நேரத்தை செலவிட வாய்ப்புகள் கிடைக்கும்.

நிதி நிலைமை:

நிதி ரீதியாக பல நல்ல வாய்ப்புகள் கைகூடும். எதிர்பாராத வழிகளில் அல்லது நிலுவையில் இருந்த பணம் கைக்கு வந்து சேரும். முதலீடுகள் மூலம் ஆதாயம் காண வாய்ப்பு உள்ளது. உங்கள் குடும்பத்தினரின் எதிர்காலத்திற்காக தங்கம் போன்ற நல்ல திட்டங்களில் முதலீடு செய்வீர்கள். பழைய கடன்களை அடைக்க இந்த நேரத்தை பயன்படுத்திக் கொள்வது நல்லது. வார இறுதியில் திடீர் செலவுகள் அதிகரிக்க வாய்ப்பு இருப்பதால், கடன் வாங்குவதை தவிர்க்க வேண்டும்.

கல்வி & ஆரோக்கியம்:

இந்த வாரம் மாணவர்களுக்கு மிகவும் சாதகமாக இருக்கும். கல்வி சார்ந்த முயற்சிகளில் ஈடுபட சிறந்த காலமாக இருக்கும். போட்டித் தேர்வுகள் அல்லது நேர்காணலில் பங்கேற்பவர்களுக்கு வெற்றி வாய்ப்பு பிரகாசமாக உள்ளது.

இந்த வாரம் உடல் ஆரோக்கியம் சீராகவும் வலுவாகவும் இருக்கும். உற்சாகம் காரணமாக அதிக வேலையை எடுத்துக்கொண்டு உடல் சோர்வடையாமல் பார்த்துக் கொள்ள வேண்டியது அவசியம். தலைவலி, சோர்வு பிரச்சனைகள் ஏற்பட்டு மறையும். சிறுநீரகம் சம்பந்தமான விஷயங்களில் கூடுதல் கவனத்துடன் இருக்க வேண்டும்.

தொழில் மற்றும் வியாபாரம்:

உத்தியோகத்தில் இருப்பவர்களுக்கு தன்னம்பிக்கை உச்சத்தில் இருக்கும். உங்கள் செயல்கள் மூலம் புதிய அங்கீகாரத்தைப் பெறுவீர்கள். தொழில் முனைவோர்களுக்கு புதிய முயற்சிகளை தொடங்குவது அல்லது முக்கிய முடிவுகளை எடுப்பதற்கு உகந்த காலமாகும். கூட்டு முயற்சிகள் அல்லது தொழில் கூட்டாண்மை அமைப்பதற்கு சாதகமான நேரம். வார இறுதியில் சோர்வு அல்லது கவனச் சிதறல் ஏற்படும் என்பதால் அவசரமான, அபாயகரமான நடவடிக்கைகளை தவிர்க்கவும்.

குடும்ப உறவுகள்:

குடும்ப வாழ்க்கை இந்த வாரம் இணக்கமாக இருக்கும். துணையிடமிருந்து ஆதரவு கிடைக்கும். வார இறுதியில் சிறு சிறு கருத்து வேறுபாடுகள் வரக்கூடும். எனவே நிதானம் காப்பது, வார்த்தைகளை கவனமாக பயன்படுத்துவது நல்லது. மன்னிக்கும் மனப்பான்மையுடன் இருக்க வேண்டும். காதல் உறவுகளுக்கு இந்த வாரம் இனிமையாக இருக்கும். ஏற்கனவே உள்ள பிணைப்பு ஆழமடையும். புதிய உறவுகள் மலரவும், திருமணம் முன்மொழிவுகள் செய்யவும் நல்ல நேரம் ஆகும்.

பரிகாரம்:

இந்த வாரம் ஏற்படும் தடைகளில் இருந்து தப்பிக்க ஸ்ரீ விஷ்ணு நாராயணரை வணங்குவது நல்லது. விஷ்ணு ஆலயங்களுக்கு சென்று துளசியும் கல்கண்டும் படைத்து அதை கோவிலுக்கு வரும் பக்தர்களுக்கு பிரசாதமாக வழங்குங்கள். ஏழை எளியவர்களுக்கு அன்னதானம், வஸ்திரதானம் செய்வது கூடுதல் நன்மைகளை அளிக்கும்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)