- Home
- Astrology
- Astrology: உங்க ராசிக்கு எந்த டாட்டூ டிசைன் லக்கி தெரியுமா? இதோ 12 ராசிகளுக்கான லிஸ்ட்!
Astrology: உங்க ராசிக்கு எந்த டாட்டூ டிசைன் லக்கி தெரியுமா? இதோ 12 ராசிகளுக்கான லிஸ்ட்!
Zodiac Tattoo Ideas: ராசிக்கு எந்த மாதிரியான டாட்டூ போடலாம். உண்மையிலேயே அதிர்ஷ்டத்தை தருமா? வாழ்க்கையில இருக்கின்ற பிரச்சனைகள் குறையுமா? எந்த ராசிக்காரங்களுக்கு எந்த மாதிரி டாட்டூ போடலாம்? இதனால் என்ன நன்மைகள் கிடைக்கும்?
12 ராசிகளுக்கான டாட்டூ
இன்றைய தலைமுறையினரிடம் டாட்டூ குத்திக் கொள்ளும் ஆர்வம் ஆண்கள் முதல் பெண்கள் என அனைவரின் மத்தியில் எழுந்துள்ளது. டாட்டூ என்பது வெறும் ஸ்டைல் மட்டுமல்ல, அது ஒருவருடைய ஆளுமையின் வெளிப்பாடு. ஜோதிட சாஸ்திரத்தின்படி, நாம் உடலில் குத்திக் கொள்ளும் சின்னங்கள் நம் எண்ண அலைகளில் தாக்கத்தை ஏற்படுத்தும். அந்த வகையில் 12 ராசிகளுக்கும் எந்த டாட்டூ டிசைன்கள் அதிர்ஷ்டமானவை என்பதை பார்க்கலாம்.
மேஷம்
நெருப்பு தத்துவத்தைக் கொண்ட மேஷ ராசியின் அதிபதி செவ்வாய் பகவான். செம்மறி ஆடு, நெருப்பு ஜூவாலை, வாள், அம்பு அல்லது போர்வீரன் போன்ற கம்பீரமான டிசைன்கள் இவர்களின் தைரியத்தை பிரதிபலிக்கும். ஆகையால் இது மாதிரியான டாட்டூக்களை போட்டுக்கொள்ளலாம்.
ரிஷபம்
ரிஷபத்தின் அதிபதி ஆடம்பர நாயகன் சுக்கிரன். காளை, ரோஜா, தாமரை மலர்கள் மற்றும் காடு, மலை போன்ற இயற்கை சார்ந்த அழகிய டிசைன்கள் இவர்களுக்கு பொருத்தமாக இருக்கும்.
மிதுனம்
மிதுனத்தின் அதிபதி புதன் பகவான். இரட்டையர்கள், வண்ணத்துப் பூச்சி, பறவைகளின் இறகுகள் மற்றும் புதன் கிரகம் சார்ந்த சின்னங்கள் இவர்களின் புத்தி கூர்மையைக் காட்டும். ஆகையால் இவற்றை டாட்டூக்களைப் போட்டுக்கொள்ளலாம்.
கடகம்
கடகத்தின் அதிபதி மனோகாரகன் சந்திரன். சந்திரன், நண்டு, கடல் அலைகள் மற்றும் குடும்ப பாசத்தை வெளிப்படுத்தும் குறியீடுகள் இவர்களுக்கு மன அமைதியைத் தரும். ஆகையால் இவற்றை டாட்டூக்களாகப் போட்டுக்கொள்ளலாம்.
சிம்மம்
சிம்மத்தின் அதிபதி கிரகங்களின் அரசனான சூரியன். காட்டின் ராஜா சிங்கம், பிரகாசிக்கும் சூரியன், கிரீடம் மற்றும் ராஜ வம்சத்து சின்னங்கள் ஆகியவை பிரபலமான டாட்டூக்கள்.
கன்னி
கன்னியின் அதிபதி புதன் பகவான். இவர்களுக்கு நேர்த்தியான டிசைன்கள் பிடிக்கும். மென்மையான பூக்கள், இலைகள், பெண் தெய்வ வடிவங்கள் மற்றும் எளிய வடிவியல் டிசைன்கள் இவர்களுக்குப் பொருத்தமானவை.
துலாம்
துலாத்தின் அதிபதி சுக்கிரன் ஆவார். இவர்கள் எப்போதும் சமநிலையை விரும்புபவர்கள். தராசு, நீதி மற்றும் சமநிலையை உணர்த்தும் கலைநயமிக்க டாட்டூக்கள் இவர்களுக்கு அதிர்ஷ்டம் தரும்.
விருச்சிகம்
விருச்சிகத்தின் அதிபதி செவ்வாய் பகவான். தேள், சாம்பலில் இருந்து உயிர்த்தெழும் ஃபீனிக்ஸ் பறவை, பாம்பு மற்றும் ரகசிய குறியீடுகள் இவர்களின் ஆளுமைக்குச் செட் ஆகும். இவைகளை டாட்டூக்களாக போட்டுகொள்ளலாம்.
தனுசு
நெருப்பு ராசியான தனுசின் அதிபதி தேவகுரு வியாழன். இவர்களுக்குப் பயணம் செய்வது மிகவும் பிடிக்கும். வில்-அம்பு, குதிரை மற்றும் உலக வரைபடம் போன்ற பயணம் சார்ந்த டாட்டூக்கள் நல்ல பலன்களைத் தரும்.
மகரம்
நில ராசியான மகரத்தின் அதிபதி கர்மகாரகன் சனி பகவான். இவர்கள் கடின உழைப்பாளிகள். உயர்ந்த மலைகள், கடல் ஆடு மற்றும் வெற்றியைக் குறிக்கும் சின்னங்கள் இவர்களின் லட்சியத்தை எட்ட உதவும்.
கும்பம்
காற்று ராசியான கும்பத்தின் அதிபதி சனி பகவான். இவர்கள் தனித்துவமான சிந்தனை உடையவர்கள். நீரோடை, விண்மீன்கள், பிரபஞ்சக் கோள்கள் மற்றும் விசித்திரமான ஜியோமெட்ரிக் டிசைன்கள் இவர்களுக்கு பெஸ்ட் சாய்ஸ்.
மீனம்
மீனத்தின் அதிபதி குரு பகவான். இவர்கள் ஆன்மீக நாட்டம் கொண்டவர்கள். இரண்டு மீன்கள் இணைந்து இருப்பது போன்ற டிசைன், அலைகடல், தாமரை மற்றும் ஓம், சிலுவை போன்ற ஆன்மீகச் சின்னங்கள் இவர்களுக்குப் பேரதிர்ஷ்டத்தை அள்ளிக்கொடுக்கும்.
