- Home
- Astrology
- Ketu Peyarchi 2026: பாதையை மாற்றும் கேது.! 5 ராசிகளுக்கு அரசு வேலை கிடைக்கும்.! பொன், பொருள், நகை சேரும்.!
Ketu Peyarchi 2026: பாதையை மாற்றும் கேது.! 5 ராசிகளுக்கு அரசு வேலை கிடைக்கும்.! பொன், பொருள், நகை சேரும்.!
Ketu Peyarchi 2026 Palangal: 2026 ஆம் ஆண்டு ஜனவரி மாதம் கேது பெயர்ச்சி நடைபெற இருக்கிறது. இந்த பெயர்ச்சி சில ராசிகளுக்கு உறவுகளில் முன்னேற்றத்தையும், திடீர் பண வரவையும் அளிக்கவுள்ளது. கேது பெயர்ச்சியால் அதிர்ஷ்டம் பெறும் ராசிகள் குறித்து பார்க்கலாம்.
கேது பெயர்ச்சி 2026
ஜோதிடத்தில் கேது பகவான் நிழல் கிரகமாக அறியப்படுகிறார். அவர் லட்சியம், விடாமுயற்சி, புதுமை, மாயை, ஆசை, ஆன்மிகம், துறவு, முக்தி, திடீர் நிகழ்வுகள் மற்றும் கர்ம பலன்களின் காரணியாக கருதப்படுகிறார். கேது பகவான் ஒருவரின் பொருள் இன்பங்களை விலக்கி, ஆன்மீகப் பாதைக்கு அழைத்துச் செல்கிறார். அதனால்தான் ஜோதிடத்தில் கேது பெயர்ச்சியானது மிகவும் முக்கியத்துவம் வாய்ந்ததாக கருதப்படுகிறது. பஞ்சாங்கத்தின்படி கேதுவின் முதல் பெயர்ச்சி ஜனவரி 25 அன்று நடைபெற உள்ளது.
ஜனவரி 25, 2026 கேது பகவான் பூர நட்சத்திரத்தின் இரண்டாம் பாதத்தில் இருந்து முதல் பாதத்திற்கு பெயர்ச்சியாகிறார். பூர நட்சத்திரமானது செல்வம் மற்றும் ஆடம்பரத்தின் காரகராக விளங்கும் சுக்கிர பகவானால் ஆளப்படும் நட்சத்திரமாகும். எனவே கேதுவின் இந்த பெயர்ச்சியானது சில ராசிக்காரர்களுக்கு பொற்காலத்தை வழங்கவுள்ளது. கேதுவின் பூர நட்சத்திரப் பெயர்ச்சியால் நிதி ஆதாயத்தையும், முன்னேற்றத்தையும் அனுபவிக்க உள்ள ஐந்து ராசிகள் குறித்து இந்த பதிவில் பார்க்கலாம்.
ரிஷபம்
ரிஷப ராசிக்காரர்களுக்கு கேது பெயர்ச்சி நிதி ரீதியான முன்னேற்றத்தை வழங்கும். புதிய வருமானத்திற்கான ஆதாரங்கள் திடீரென்று தோன்றும். குடும்ப சொத்துக்கள் அல்லது பரம்பரை சொத்துக்கள் மூலம் பயனடைவீர்கள். அதிர்ஷ்டம் உங்களுக்கு சாதகமாக இருக்கும். நீங்கள் மேற்கொள்ளும் ஆபத்தான விஷயங்கள் கூட வெற்றியைத் தரும். நிலுவையில் இருந்த பணிகள் முடிவடையும். தன்னம்பிக்கை அதிகரிக்கும். வாழ்க்கையில் ஸ்திரத்தன்மை ஏற்படும். குடும்பச் சூழல் இனிமையாகவும் மகிழ்ச்சியாகவும் மாறும்.
சிம்மம்
கேதுவின் நட்சத்திரப் பெயர்ச்சியானது சிம்ம ராசிக்காரர்களுக்கு அதிர்ஷ்டத்தின் கதவுகளைத் திறக்கும். திடீர் பண ஆதாயங்கள் சாத்தியமாகும். தேங்கி நின்ற பணம் திரும்பக் கிடைக்கக்கூடும். முதலீடுகள் அல்லது புதிய முயற்சிகள் மூலம் லாபம் கிடைக்க வாய்ப்புள்ளது. சமூகத்தில் உங்களின் நற்பெயர் அதிகரிக்கும். புகழ் மற்றும் மரியாதை உயரும். பணியிடத்தில் தனித்துவமான அடையாளத்தை நிலை நாட்டுவீர்கள். செலவுகள் குறையும். நிதி நிலைமை மேம்படும். செல்வாக்கு மிக்கவர்களுடனான தொடர்புகள் அதிகரிக்கும். அரசு அதிகாரிகள் அல்லது உயர் அதிகாரிகளின் ஆதரவு கிடைக்கும்.
விருச்சிகம்
விருச்சிக ராசிக்காரர்களுக்கு கேதுவின் சஞ்சாரம் சுப பலன்களைத் தரும். நிதி விஷயங்களில் எதிர்பாராத வெற்றிகள் கிடைக்கும். வேலை மற்றும் வணிகத்தில் திடீர் முன்னேற்றம் காணப்படும். மரியாதை மற்றும் கௌரவம் அதிகரிக்கும். பழைய கடன்களை அடைத்து நிம்மதி பெறுவீர்கள். ஆன்மீகத்தில் நாட்டம் அதிகரிக்கும். பொன், பொருள், வசதிகள் கூடும். புதிய பொறுப்புகள் கிடைக்கலாம். நீண்டகாலம் நன்மை தரும் விஷயங்கள் கைக்கு வந்து சேரும். வெளிநாடு அல்லது தொலைதூரங்களுக்கு பயணம் செய்யும் வாய்ப்புகளும், அதன் மூலம் நிதி ஆதாயங்களும் ஏற்படும்.
தனுசு
தனுசு ராசிக்காரர்களுக்கு கேதுவின் நட்சத்திரப் பெயர்ச்சி பொருளாதார ரீதியான நன்மைகளைத் தரும். உங்கள் வங்கி இருப்பில் முன்னேற்றம் காணப்படும். வியாபாரத்தில் புதிய கூட்டாளிகள் கிடைப்பார்கள். இதன் காரணமாக லாபம் உயரும். தங்கம், வெள்ளி, பொன், பொருள், நிலம், மனை, அசையா சொத்துக்களில் முதலீடு செய்வீர்கள். புதிய வாகனம் அல்லது வீடு வாங்கும் யோகமும் கைகூடும். வீட்டில் சுப நிகழ்ச்சிகள் நடக்கும். இதுவரை உங்களை வாட்டி வதைத்து வந்த பிரச்சனைகள் சரியாகி மன அழுத்தம் குறையும். வாழ்க்கையில் புதிய உற்சாகம் பிறக்கும்.
கும்பம்
கும்ப ராசிக்காரர்களுக்கு கேதுவின் நட்சத்திரப் பெயர்ச்சி கலவையான பலன்களைக் கொடுக்கும். பண விஷயத்தில் பல நன்மைகள் நடக்கும். பணப்புழக்கம் அதிகரிக்கும். நீங்கள் எடுக்கும் காரியங்களில் வெற்றி கிடைக்கும். புதிய திட்டங்களை தொடங்குவதற்கு ஏற்ற சூழல்கள் உருவாகும். பங்குச் சந்தைகள் அல்லது பிற முதலீடுகளில் முதலீடு செய்திருப்பவர்கள் எதிர்பாராத லாபங்களைக் காணலாம். வீட்டில் பொன், பொருள், நகை, ஆபரணம் சேரும். வாழ்க்கைத் துணையின் ஆதரவு கிடைக்கும். வாழ்க்கைத் துணை மூலம் நிதி நிலைமை மேம்படும்.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
