- Home
- Astrology
- Grahana Yoga : கேது-சந்திரனின் ரிவர்ஸ் ஆட்டத்தால் உருவாகும் கிரகண யோகம்... 5 ராசிகளுக்கு பெரும் தலைவலி காத்திருக்கு...!
Grahana Yoga : கேது-சந்திரனின் ரிவர்ஸ் ஆட்டத்தால் உருவாகும் கிரகண யோகம்... 5 ராசிகளுக்கு பெரும் தலைவலி காத்திருக்கு...!
Ketu Moon Conjunction : கேது மற்றும் சந்திரன் இணைவதால், ஆகஸ்ட் 12 அன்று சிம்ம ராசியில் கிரகண யோகம் உருவாகும். இந்த யோகம் சில ராசிகளுக்கு மிகவும் அசுபமான பலன்களைத் தரும்.
Ketu Moon Conjunction
வேத ஜோதிடத்தில் மனதை ஆளும் கிரகமாக சந்திரன் கருதப்படுகிறார். மிகக் குறுகிய காலத்தில் ஒரு ராசியிலிருந்து மற்றொரு ராசிக்கு நகரும் கிரகமும் சந்திரன்தான். இதன் காரணமாக, பிற கிரகங்களுடன் இணையும் ஒவ்வொரு முறையும் பல்வேறு சுப மற்றும் அசுப யோகங்கள் உருவாகின்றன. அவற்றின் தாக்கம் 12 ராசிக்காரர்களின் வாழ்க்கையிலும் வெவ்வேறு விதமாக வெளிப்படும்.
இந்த நிலையில், ஆகஸ்ட் 12-ஆம் தேதி காலை 6 மணியளவில் சந்திரன் சிம்ம ராசிக்குள் நுழைகிறார். ஏற்கனவே அதே ராசியில் கேது சஞ்சரித்து வருவதால், இந்த இரு கிரகங்களின் இணைவால் கிரகண யோகம் உருவாகிறது. ஜோதிடத்தில் இந்த யோகம் சவால்களை ஏற்படுத்தக்கூடிய அமைப்பாகக் கருதப்படுகிறது. இதன் தாக்கம் ஆகஸ்ட் 14 வரை நீடிக்கும் என்று கூறப்படுகிறது. இந்த காலகட்டத்தில் சில ராசிக்காரர்கள் குறிப்பாக பணம், உடல்நலம், குடும்ப உறவுகள் மற்றும் தொழில் தொடர்பான விஷயங்களில் கூடுதல் எச்சரிக்கையுடன் செயல்படுவது நல்லது.
மீனம்
மீன ராசிக்காரர்களுக்கு குடும்பத்தில் சிறிய கருத்து வேறுபாடுகள் உருவாகும் வாய்ப்பு உள்ளது. கணவன்-மனைவி இடையே தேவையற்ற வாக்குவாதங்கள் ஏற்படக்கூடும். கூட்டுத் தொழிலில் இருப்பவர்கள் புதிய முடிவுகளை தற்காலிகமாக ஒத்திவைப்பது நல்லது. மன அழுத்தம் மற்றும் உடல் சோர்வு அதிகரிக்கக்கூடும். தேவையற்ற செலவுகளை குறைத்து, நிதி நிர்வாகத்தில் கவனமாக இருப்பது அவசியம்.
மகரம்
மகர ராசிக்காரர்களுக்கு இந்த காலம் பொறுமையை சோதிக்கும் நேரமாக இருக்கலாம். எதிர்பார்த்த முயற்சிகள் தாமதமாக பலன் தரலாம். நெருக்கமானவர்களிடமிருந்து ஏமாற்றம் ஏற்படும் வாய்ப்பும் இருப்பதால், தனிப்பட்ட விஷயங்களை அனைவரிடமும் பகிர்வதை தவிர்க்க வேண்டும். புதிய வேலை தேடுபவர்கள் அதிக முயற்சி எடுத்தால் மட்டுமே நல்ல பலன் கிடைக்கும். முதலீடு மற்றும் பண பரிவர்த்தனைகளில் அவசர முடிவுகளை எடுக்காமல் இருப்பது நல்லது.
விருச்சிகம்
விருச்சிக ராசிக்காரர்களுக்கு இந்த யோகம் சற்று சவாலான சூழலை உருவாக்கலாம். போட்டியாளர்கள் அல்லது எதிர்ப்பாளர்களால் மன அழுத்தம் அதிகரிக்கக்கூடும். சட்டம் தொடர்பான விவகாரங்களில் கவனமாக இருக்க வேண்டும். பணத்தை கடனாக வழங்குவது அல்லது பெரிய முதலீடுகளை மேற்கொள்வது இந்த காலத்தில் தவிர்க்கப்படுவது நல்லது. உடல்நலத்திலும் கூடுதல் அக்கறை செலுத்த வேண்டும். குடும்பத்தில் சிறிய பிரச்சினைகள் ஏற்பட்டாலும் பொறுமையாக அணுகுவது நல்ல பலனைத் தரும்.
கன்னி
கன்னி ராசிக்காரர்களுக்கு நிதி விஷயங்களில் கூடுதல் கவனம் தேவைப்படும். முதலீடு, கடன் அல்லது பெரிய செலவுகள் தொடர்பாக யோசித்து முடிவு எடுக்க வேண்டும். முக்கிய பணிகளில் எதிர்பாராத தாமதங்கள் ஏற்படலாம். குடும்ப உறுப்பினர்களின் உடல்நலத்திலும் அக்கறை செலுத்த வேண்டிய சூழல் உருவாகலாம். தேவையற்ற பயணங்கள் மற்றும் செலவுகளை குறைத்தால் மன அமைதியைப் பேண முடியும்.
சிம்மம்
சிம்ம ராசியிலேயே இந்த இணைவு நடைபெறுவதால், இந்த ராசிக்காரர்கள் கூடுதல் எச்சரிக்கையுடன் இருப்பது நல்லது. தன்னம்பிக்கை அதிகரித்தாலும், அவசரமாக எடுக்கும் முடிவுகள் சிக்கல்களை உருவாக்கக்கூடும். வாகனம் ஓட்டும்போது பாதுகாப்பு விதிகளை கண்டிப்பாக பின்பற்ற வேண்டும். பேச்சில் நிதானம் கடைப்பிடிக்காவிட்டால் உறவுகளில் விரிசல் ஏற்பட வாய்ப்புள்ளது. புதிய முதலீடுகளை சில நாட்கள் ஒத்திவைத்து, சேமிப்பில் கவனம் செலுத்துவது நல்லது.
