Astrology: குரு அஸ்தமனம்.. ஜூலை 14 முதல் ஆகஸ்ட் 12 வரை எதிர்பாராத அதிர்ஷ்டத்தை பெறப்போகும் 3 ராசிகள்.. எச்சரிக்கைகள்!

Jupiter: ஜோதிட சாஸ்திரத்தின்படி, குரு பகவான் ஜூலை 14 முதல் ஆகஸ்ட் 12 வரை அஸ்தமன நிலையில் இருப்பார். இந்த 30 நாள் குரு அஸ்தமன காலத்தில் இந்த 3 ராசிக்காரர்களுக்கு எதிர்பாராத அதிர்ஷ்டமும், செல்வ வளமும் பெருகும்.

Image Credit : Asianet News

குரு அஸ்தமனம்

ஜோதிட சாஸ்திரத்தில் நவகிரகங்களின் 'ராஜ குரு' என்றும், செல்வம், அதிர்ஷ்டம், அறிவு, மற்றும் உத்தியோகத்தின் காரகராகவும் குரு பகவான் விளங்குகிறார். குரு பகவான் 12 மாதங்களுக்கு ஒருமுறை ஒரு ராசியில் இருந்து மற்றொரு ராசிக்கு பெயர்ச்சி அடைகிறார். தற்போது ஒரு முக்கிய வானியல் நிகழ்வாக குரு அஸ்தமன நிலையை அடைந்துள்ளார். கடந்த ஜூலை 14 அன்று கடக ராசியில் அஸ்தமனமான குரு பகவான், வரவிருக்கும் ஆகஸ்ட் 12-ஆம் தேதி வரை இதே நிலையிலேயே நீடிப்பார். இந்த 30 நாட்களும் குரு பகவானின் அஸ்தமன நிலையால், சில ராசிகளுக்கு எதிர்பாராத அதிர்ஷ்டமும், செல்வ வளமும் பெருகப் போகிறது. அந்த அதிர்ஷ்டசாலி ராசிகள் யார் யார் என்பதை பார்ப்போம்.

Image Credit : Asianet News

மேஷ ராசி

மேஷ ராசிக்காரர்களுக்கு இந்த குரு அஸ்தமனக் காலம் மிகவும் சாதகமான மற்றும் சுப பலன்களை அள்ளித் தரக்கூடியதாக அமையப்போகிறது. கல்வியில் சில நேரங்களில் கவனச்சிதறல் ஏற்படலாம். ஆன்மீகப் பெரியோர்களின் அறிவுரைகள் உங்களுக்கு நல்வழி காட்டும். நீங்கள் நீண்ட நாட்களாக நினைத்த காரியங்கள் அனைத்தும் தடங்கு தடையின்றி நிறைவேறும். உடன்பிறந்தவர்களின் முழு ஆதரவு உங்களுக்கு கிடைக்கும். உத்தியோகம் மற்றும் தொழிலில் நீங்கள் எதிர்பார்த்த பெரிய முன்னேற்றமும், இலாபமும் வந்து சேரும். மாணவர்களுக்குக் கல்வியில் நல்ல வளர்ச்சி உண்டாவதுடன், சிலரது வெளிநாடு செல்லும் கனவும் நனவாகும். வீண் விவாதங்களை தவிர்ப்பது ரொம்ப நல்லது.

Image Credit : Asianet News

கடக ராசி

குரு பகவான் உங்கள் ராசியிலேயே அஸ்தமித்திருந்தாலும், உங்களுக்கு பல நன்மைகளையும் அதிர்ஷ்ட வாய்ப்புகளையும் வாரி வழங்கப் போகிறார். எதிலும் புத்துணர்ச்சியுடனும் சுறுசுறுப்புடனும் செயல்படுவீர்கள். வியாபாரத்தில் புதிய முதலீடுகளைக் கவனமாகக் கையாளவும். பணியிடத்தில் உயர் அதிகாரிகளின் பாராட்டும், நற்பெயரும் தேடி வரும். சுபகாரியப் பேச்சுகள் நல்லபடியாக கைகூடும். வெளியூர் அல்லது வெளிநாட்டிலிருந்து நல்ல செய்திகள் வந்து சேரும். பணத் தட்டுப்பாடு நீங்கும். எதிர்பாராத பயணங்களால் அலைச்சலும், பணியில் லேசான சோர்வும் ஏற்படலாம்.

Image Credit : Asianet News

தனுசு ராசி

உங்கள் ராசி நாதனான குரு பகவானின் அஸ்தமன நிலை, தனுசு ராசியினருக்குப் பல சாதகமான திருப்பங்களை ஏற்படுத்தப் போகிறது. நீண்ட நாட்களாக இருந்து வந்த குடும்ப மற்றும் தொழில் ரீதியான சிறுசிறு பிரச்சனைகள் முடிவுக்கு வரும். தந்தை வழி உறவினர்கள் மூலம் நல்ல ஒத்துழைப்பும், ஆதாயமும் கிடைக்கும். குடும்பத்தில் உங்கள் பொறுப்புகள் கூடினாலும், அதற்கேற்றவாறு உங்களுக்குத் தன்னம்பிக்கையும் அதிகரிக்கும். வியாபாரத்தில் நல்ல லாபம் கிடைக்கும். ஆரோக்கியம் தொடர்பான விஷயங்களில் சிறிய மருத்துவச் செலவுகள் (விரயம்) ஏற்படலாம். பணியிடத்தில் சக ஊழியர்களுடன் தேவையற்ற வாக்குவாதங்களைத் தவிர்த்து, அனுசரித்துச் செல்வது நல்லது. கடன் கொடுப்பது, வாங்குவது போன்றவற்றில் எச்சரிக்கை தேவை.