Weekly Rasi Palan: இந்த வாரம் லக்கி பாஸ்கராக மாறப்போகும் மிதுன ராசி.! நகை, பணம், சொத்துக்கள் சேரும்.!

This Week Rasi Palan Mithunam: ஜனவரி 18 முதல் ஜனவரி 25 ஆம் தேதி வரையிலான காலக்கட்டம் மிதுன ராசிக்காரர்களுக்கு எப்படி இருக்கப்போகிறது என்பது பற்றி இந்த பதிவில் விரிவாகப் பார்க்கலாம். 

Image Credit : Asianet News

கிரக நிலைகள்:

மிதுன ராசி நேயர்களே, இந்த வாரம் ராசிநாதன் புதன் பகவான் அஷ்டம ஸ்தானத்தில் சஞ்சரித்து தன ஸ்தானத்தை பார்க்கிறார். எனவே பேச்சாற்றல் மற்றும் புத்தி கூர்மையால் பலர் சிக்கல்களைத் தீர்ப்பீர்கள். அஷ்டம ஸ்தானத்தில் சஞ்சரிக்கும் பிற கிரகங்களின் நிலை காரணமாக தேவையற்ற அலைச்சல்கள் மற்றும் மன குழப்பங்கள் ஏற்பட வாய்ப்புள்ளது.

பொதுவான பலன்கள்:

மிதுன ராசிக்கு இந்த வாரம் கலவையான பலன்கள் கிடைக்கும் வாரமாக இருக்கும். பணம் சம்பாதிப்பதிலும், வருமானத்தை பெருக்குவதிலும், குடும்பத் தேவைகளை பூர்த்தி செய்வதிலும் அதிக கவனம் செலுத்துவீர்கள். வீடு வாங்குவது, வாகனங்களை மாற்றுவது, சொத்துக்கள் மற்றும் திருமணம் தொடர்பான விஷயங்களில் நல்ல செய்திகள் தேடி வரும். புதிய உத்தியோகத்திற்கான வழிகள் திறக்கும்.

நிதி நிலைமை:

இந்த வாரம் திடீர் அதிர்ஷ்டம், பணவரவு கிடைப்பதற்கான வாய்ப்புகள் அதிகம் உண்டு. எதிர்பாராத பண வரவு காரணமாக கையிருப்பு மற்றும் வங்கி இருப்பு அதிகரிக்கும். வாரத்தின் இறுதியில் எதிர்பாராத மருத்துவச் செலவுகள் அல்லது வாகன பராமரிப்பு செலவுகள் ஏற்படலாம்.

வேலை மற்றும் தொழில்:

வேலையில் இருப்பவர்களுக்கு இந்த வாரம் உயர் அதிகாரிகளின் ஆதரவு கிடைக்கும். கூலித் தொழிலாளிகளுக்கு ஒப்பந்த அடிப்படையிலான வேலைகள் கிடைக்கலாம். பணியிடத்தில் சில எதிர்ப்புகள் மற்றும் போட்டிகளை சந்திக்க நேர்ந்தாலும் இறுதியில் வெற்றி கிடைக்கும். தொழிலில் இருப்பவர்களுக்கு புதிய வாடிக்கையாளர்களின் அதிகரிப்பால் லாபம் பெருகும்.

குடும்ப உறவுகள்:

குடும்பத்தில் சுப நிகழ்ச்சிகள் குறித்த பேச்சு வார்த்தைகள் நடைபெறும். கணவன் மனைவிக்கு இடையே அன்னோன்யம் அதிகரிக்கும். குழந்தைகளின் ஆரோக்கியத்தில் இருந்து வந்த சிக்கல்கள் நீங்கும். குழந்தைகளின் உடல்நலன் மேம்படும். உறவினர்களிடம் இருந்த பிணக்குகள் தீர்க்கப்படும்.

ஆரோக்கியம் மற்றும் கல்வி:

ஆரோக்கியத்தைப் பொறுத்தவரை இந்த வாரம் கண் தொடர்பான பிரச்சனைகள் ஏற்படலாம். சரியான நேரத்திற்கு உணவு உட்கொள்வது ஜீரண மண்டலம் தொடர்பான சிக்கல்களை தவிர்க்க உதவும். முதியவர்களுக்கு கால் வலி அல்லது மூட்டு வலி தொடர்பான தொந்தரவுகள் வந்து நீங்கும்.

மாணவர்களுக்கு இந்த வாரம் கல்வியில் ஆர்வம் அதிகரிக்கும். குறிப்பாக கணிதம் மற்றும் அறிவியல் தொடர்பான துறையில் இருப்பவர்களுக்கு சாதகமான வாரமாகும். ஞாபக மறதி ஏற்படாமல் இருப்பதற்கு அதிகாலையில் எழுந்து படிப்பது சிறந்தது.

சந்திராஷ்டம நாட்கள்:

18-01-2026 மாலை 4:41 மணி முதல் 21-01-2026 அன்று நள்ளிரவு வரை சந்திராஷ்டமம் இருப்பதால் இந்த நேரத்தில் புதிய முயற்சிகளை தவிர்க்கவும். குடும்ப விவகாரங்களில் மூன்றாம் நபர்கள் தலையிடுவதை புறக்கணிக்கவும்.

பரிகாரங்கள்:

மகாவிஷ்ணு கோயிலுக்குச் சென்று துளசி மாலை சாற்றி வழிபடுவது நல்லது. வீட்டில் பெருமாளுக்கு அவல் பாயாசம் படைத்து வழிபடலாம். தினமும் காலையில் ‘ஓம் நமோ நாராயணாய’ மந்திரத்தை 108 முறை உச்சரிப்பது நன்மைகளைத் தரும். இயலாதவர்கள், ஏழை, எளியவர்களுக்கு அன்னதானம் வழங்குவது பலன்களைக் கூட்டும்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)