- Home
- Astrology
- Mesham and Rishabam Job Opportunities : மேஷம் மற்றும் ரிஷப ராசிக்காரர்களுக்கு எந்த வேலை ஒத்து வரும்?
Mesham and Rishabam Job Opportunities : மேஷம் மற்றும் ரிஷப ராசிக்காரர்களுக்கு எந்த வேலை ஒத்து வரும்?
Mesham and Rishabam Job Opportunities : மேஷம் மற்றும் ரிஷப ராசிகளுக்கு ஏற்ற தொழில்கள் மற்றும் தவிர்க்க வேண்டியவை குறித்து காண்போம். அதேநேரம், ஜாதக அமைப்புகளைத் தாண்டி, தனிப்பட்ட முயற்சி மற்றும் உழைப்பே வெற்றிக்கு முக்கியம் என்பதையும் நினைவில் கொள்க.
என்ன தொழில் செய்யலாம்?
மனித வாழ்க்கையின் மிக முக்கியமான திருப்புமுனைகளில் ஒன்று தொழில் அல்லது வேலைவாய்ப்புத் தேர்வு. ஒருவர் படிக்கும் படிப்பும், அவர் பார்க்கும் வேலையும் பல நேரங்களில் ஒத்துப் போவதில்லை. தற்போதைய போட்டி நிறைந்த உலகில் என்ன வேலைக்குச் செல்வது, எந்தத் தொழிலைத் தொடங்குவது என்ற குழப்பம் பலருக்கும் நீடித்து வருகிறது. இந்நிலையில், ஒருவருடைய ஜாதகத்தைக் கொண்டு அவர் செய்ய வேண்டிய தொழில் மற்றும் தவிர்க்க வேண்டிய துறைகளைக் கண்டறிய முடியுமா என்பது குறித்து பார்ப்போம்.
தொழிலைத் தீர்மானிக்கும் 'பத்து'
ஜோதிட சாஸ்திரத்தின்படி, ஒருவரின் தொழில் மற்றும் ஜீவன அமைப்பைக் குறிப்பது ஜாதகத்தின் 10-ஆம் இடமாகும் (தொழில் ஸ்தானம்). கிரகங்களின் வலிமையை ஆராய்வதுடன், சர்வாஷ்டக வர்க்க முறையில் 10-ஆம் இடம் பெறும் புள்ளிகள் (பரல்கள்) ஒருவரின் தொழில் நிலையைத் துல்லியமாகத் தீர்மானிக்கின்றன.
• 30 அல்லது அதற்கு மேற்பட்ட பரல்கள்: 10-ஆம் இடத்தில் 30-க்கும் அதிகமான புள்ளிகள் இருந்தால், அவர் படித்த படிப்பிற்கேற்ற தகுதியான வேலை அமையும். ஒருவேளை வேலையை மாற்றினாலும் அடுத்த வேலை உடனே கிடைக்கும்.
• 35-க்கு மேல் பரல்கள்: இந்த அமைப்பு உள்ளவர்கள் பெரும்பாலும் மற்றவர்களிடம் அடிமைத் தொழில் செய்யாமல், சுயதொழில் அல்லது தனியாக வியாபாரம் செய்து வெற்றியடையும் யோகம் கொண்டவர்கள்.
• 25-க்கும் குறைவான பரல்கள்: புள்ளிகள் குறைவாக இருக்கும் பட்சத்தில், படித்த படிப்பிற்குத் தகுந்த வேலை கிடைப்பதில் தாமதம் ஏற்படலாம் அல்லது அவர்கள் இறுதிவரை பிறரின் கீழ் பணிபுரியும் சூழல் உருவாகலாம்.
மேஷ ராசி (Aries): சவால்களை வெல்லும் தலைவர்கள்
இயல்பாகவே துடிப்பும், லட்சியமும், புத்திசாலித்தனமும் கொண்ட மேஷ ராசிக்காரர்கள் அதிக மன அழுத்தமுள்ள சூழலிலும் துணிச்சலாக முடிவெடுக்கும் ஆற்றல் கொண்டவர்கள். மந்தமான அல்லது ஒரே இடத்தில் அமர்ந்து செய்யும் பணிகள் இவர்களுக்குப் செட் ஆகாது.
• ஏற்ற தொழில்கள்: தொழில்முனைவோர் (Entrepreneur), பங்குச்சந்தை, மார்க்கெட்டிங் மேலாளர், ஊடகம் மற்றும் விளம்பரத் துறை, ராணுவம்/காவல்துறை, தீயணைப்பு மற்றும் பேரிடர் மேலாண்மை, அரசியல், விளையாட்டுத் துறை.
• தவிர்க்க வேண்டியவை: அலுவலகத்தின் பின்வரிசைப் பணிகள் (Back-office operations) மற்றும் சவால்கள் இல்லாத ஒரே மாதிரியான வேலைகள்.
ரிஷப ராசி (Taurus): திட்டமிட்டுச் செயல்படும் நிபுணர்கள்
நிலையான தன்மையையும், வேலைப் பாதுகாப்பையும் விரும்பும் ரிஷப ராசிக்காரர்கள் மிகவும் நம்பகமானவர்கள். பண நிர்வாகத்தில் (Money Management) மிகச் சிறந்த விளங்கும் இவர்களுக்குப் பொறுப்பான பதவிகள் தேடி வரும். அதிவேகமாக மாறும் ஸ்டார்ட்-அப் கலாச்சாரத்திற்கு இவர்கள் தங்களை மாற்றிக்கொள்ள வேண்டும்.
• ஏற்ற தொழில்கள்: வங்கித்துறை, கணக்கியல் (Accounting), அறிவியல் ஆராய்ச்சி, கல்வித்துறை, மருத்துவம் மற்றும் செவிலியர் பணி, பொறியியல், கட்டடக் கலை (Architecture), ரியல் எஸ்டேட், கலை மற்றும் இசைத்துறை, இயற்கை நிழற்படம் (Photography).
• தவிர்க்க வேண்டியவை: நிலையற்ற, மிகத் தீவிரமான அவசர சூழல் கொண்ட புத்தொழில் நிறுவனங்கள் (Startups) மற்றும் சிறு வணிகங்களின் தொடக்கக் கட்டப் பணிகள்.
ஜோதிடம் ஒரு எச்சரிக்கையே; இறுதி முடிவு அல்ல!
"ஜோதிடம் என்பது ஒரு மனிதனுக்கு வழிகாட்டும் எச்சரிக்கை விளக்கே தவிர, அதுவே இறுதி முடிவு அல்ல" என்று ஜோதிடர்கள் குறிப்பிடுகின்றனர். ஜாதகத்தில் கிரக அமைப்புகள் சாதகமாக இருந்தாலும் இல்லாவிட்டாலும், ஒருவரின் தனிப்பட்ட முயற்சியும், உழைப்பும், இறை வழிபாடும் மட்டுமே முழுமையான வெற்றியைத் தரும். முறையான தொழில் வழிகாட்டுதலுக்குத் தசாம்சம் போன்ற வர்க்க சக்கரங்களையும் ஒப்பிட்டுப் பார்ப்பது அவசியமாகும்.
