டாடா ஆராய்ச்சி நிறுவனத்தில் டெக்னிக்கல் அசிஸ்டென்ட், லைப்ரரி டிரெயினி மற்றும் கிளர்க் டிரெயினி வேலைவாய்ப்பு. ஆகஸ்ட் 31, 2025-க்குள் ஆன்லைனில் விண்ணப்பிக்கவும்.
டாடா இன்ஸ்டிடியூட் ஆஃப் ஃபண்டமெண்டல் ரிசர்ச் (TIFR), Center for Applicable Mathematics என்ற ஆராய்ச்சி நிறுவனத்தில் காலியாக உள்ள பணியிடங்களை நிரப்ப அறிவிப்பு வெளியிடப்பட்டுள்ளது. மத்திய அரசின் இந்த வேலைவாய்ப்பிற்கான கல்வித் தகுதி, சம்பளம், காலியிடங்கள் மற்றும் விண்ணப்பிக்கும் முறை பற்றிய முழு விவரங்களையும் இங்கு காணலாம். இந்த வேலைக்கான பணியிடம் பெங்களூருவில் அமைந்துள்ளது.
பணியிட விவரங்கள் மற்றும் சம்பளம்
இந்த அறிவிப்பின்படி, மொத்தம் 3 பணியிடங்கள் காலியாக உள்ளன. அதில், டெக்னிக்கல் அசிஸ்டென்ட் பி (Technical Assistant B) பதவிக்கு ஒரு காலியிடமும், லைப்ரரி டிரெயினி (Library Trainee) பதவிக்கு ஒரு காலியிடமும், கிளர்க் டிரெயினி (Clerk Trainee) பதவிக்கு ஒரு காலியிடமும் உள்ளன. டெக்னிக்கல் அசிஸ்டென்ட் பி பதவிக்கு மாதம் ரூ. 63,900/- சம்பளமும், லைப்ரரி டிரெயினி மற்றும் கிளர்க் டிரெயினி பதவிகளுக்கு மாதம் ரூ. 22,000/- சம்பளமும் வழங்கப்படும்.
Related Articles
கல்வித் தகுதி மற்றும் வயது வரம்பு
டெக்னிக்கல் அசிஸ்டென்ட் பி பதவிக்கு சிவில் இன்ஜினியரிங்கில் டிப்ளமோ பட்டம் பெற்றிருக்க வேண்டும். லைப்ரரி டிரெயினி மற்றும் கிளர்க் டிரெயினி பதவிகளுக்கு ஏதேனும் ஒரு துறையில் பட்டம் பெற்றிருக்க வேண்டும். இவர்களுக்கு கணினியில் அடிப்படை அறிவு இருப்பதும் அவசியம். இந்த வேலைகளுக்கு விண்ணப்பிக்க 18 வயது பூர்த்தி அடைந்தவராகவும், 28 வயதுக்கு மேற்படாதவராகவும் இருக்க வேண்டும். விண்ணப்ப கட்டணம் ஏதும் இல்லை.
தேர்வு மற்றும் விண்ணப்பிக்கும் முறை
விண்ணப்பதாரர்கள் எழுத்துத் தேர்வு மற்றும் திறன் தேர்வு (Trade Test / Skill Test) மூலம் தேர்ந்தெடுக்கப்படுவார்கள். ஆர்வமுள்ள மற்றும் தகுதியான விண்ணப்பதாரர்கள், ஆகஸ்ட் 31, 2025 தேதிக்குள் நிறுவனத்தின் அதிகாரப்பூர்வ இணையதளம் மூலம் ஆன்லைனில் விண்ணப்பிக்க வேண்டும். விண்ணப்பிக்கும் முன் அதிகாரப்பூர்வ அறிவிப்பில் உள்ள அனைத்து தகுதிகளையும் சரிபார்த்துக்கொள்ளவும்.