ஒன்பிளஸ் 15 5ஜி புதிய ஸ்னாப்டிராகன் 8 எலைட் 2 பிராசஸருடன் வரும் முதல் ஸ்மார்ட்போன் என எதிர்பார்க்கப்படுகிறது. இதன் முக்கிய அம்சங்கள் மற்றும் விவரங்களை அறிந்துகொள்ளுங்கள்.
புதிய ஸ்மார்ட்போன் வாங்க திட்டமிட்டிருந்தால், ஒன்பிளஸ் 15 மாடலுக்காக காத்திருப்பது நல்ல முடிவாக இருக்கும். இந்த புதிய தலைமுறை ஃபிளாக்ஷிப் ஸ்மார்ட்போன் விரைவில் வெளியாக உள்ளது. சீன கலாசாரத்தில் "4" எண் துரதிர்ஷ்டவசமானது என்பதால், ஒன்பிளஸ் நிறுவனம் நேரடியாக ஒன்பிளஸ் 14 மாடலைத் தவிர்த்து, ஒன்பிளஸ் 15 மாடலை வெளியிட உள்ளதாக தகவல்கள் வெளியாகியுள்ளன.
செயல்திறனில் மிகப்பெரிய அப்டேட்
ஒன்பிளஸ் 15 ஸ்மார்ட்போன், Geekbench பட்டியலில் இடம்பெற்றுள்ளது. இதன் மூலம் அதன் பிராசஸர், ரேம் மற்றும் மென்பொருள் குறித்த முக்கிய அம்சங்கள் தெரியவந்துள்ளது. இந்த ஸ்மார்ட்போன், புதிய ஸ்னாப்டிராகன் 8 எலைட் 2 பிராசஸருடன் வரும் முதல் போனாக இருக்கும் என எதிர்பார்க்கப்படுகிறது. இந்த பிராசஸர் அக்டோபர் மாதத்தில் அதிகாரப்பூர்வமாக அறிமுகப்படுத்தப்படலாம்.
Related Articles
சிறப்பு அம்சங்கள்
இந்த புதிய பிராசஸரில் இரண்டு பிரைம் கோர்கள் 4.61GHz வரையிலும், ஆறு செகண்டரி கோர்கள் 3.63GHz வரையிலும் இயங்கும் வகையில் வடிவமைக்கப்பட்டுள்ளது. ஒன்பிளஸ் 15 மாடல், 16GB RAM மற்றும் ஆண்ட்ராய்டு 16-ஐ அடிப்படையாகக் கொண்ட OxygenOS 16 உடன் வெளிவரும் என எதிர்பார்க்கப்படுகிறது. இது செயல்திறன் மற்றும் மென்பொருள் அனுபவத்தில் ஒரு பெரிய மேம்படுத்தலாக இருக்கும்.
புதிய வடிவமைப்பும், வெளியீடும்
இந்த புதிய ஸ்மார்ட்போன், முற்றிலும் புதிய கேமரா அமைப்புடன் மறுவடிவமைப்பு செய்யப்படலாம் என தகவல்கள் கூறுகின்றன. இது ஒன்பிளஸின் வழக்கமான வட்ட வடிவ கேமரா அமைப்பிலிருந்து மாறுபட்டு, சதுர வடிவ கேமரா மாட்யூல் உடன் வர வாய்ப்புள்ளது. OnePlus 15 முதலில் சீனாவில் அக்டோபர் மாதத்தில் அறிமுகப்படுத்தப்படும் என எதிர்பார்க்கப்படுகிறது, அதைத் தொடர்ந்து ஜனவரி 2026-இல் உலகளவில், குறிப்பாக இந்தியாவில் வெளியிடப்படும்.
