சென்னை நங்கநல்லூரில் உள்ள அருள்மிகு ஆதிவ்யாதிஹர பக்த அஞ்சநேயர் கோவிலில், தமிழ்நாடு இந்து சமய அறநிலையத் துறையின் கீழ் தட்டச்சர், பிளம்பர், அலுவலக உதவியாளர், மற்றும் மின்சாரப் பணியாளர் போன்ற நிரந்தரப் பணியிடங்களுக்கு ஆட்கள் தேர்வு செய்யப்பட உள்ளனர்.
பக்த அஞ்சநேயர் கோவில் வேலைவாய்ப்பு
தமிழ்நாடு இந்து சமய அறநிலையத் துறையின் கீழ் செயல்படும் அருள்மிகு ஆதிவ்யாதிஹர பக்த அஞ்சநேயர் கோவில், நங்கநல்லூர், சென்னையில் பணியாற்ற நிரந்தர பணியிடங்களுக்கு வேலைவாய்ப்பு அறிவிப்பை வெளியிட்டுள்ளது. இந்த வேலைவாய்ப்பு அறிவிப்பு 2026 ஆம் ஆண்டிற்கானதாகும். தகுதியான மற்றும் ஆர்வமுள்ள விண்ணப்பதாரர்கள் ஆஃப்லைன் முறையில் விண்ணப்பிக்கலாம்.
இந்த அறிவிப்பின் படி, தட்டச்சர், பிளம்பர், அலுவலக உதவியாளர், மின்சாரப் பணியாளர் ஆகிய பணிகளுக்கு தலா ஒரு பணியிடம் வீதம் நிரப்பப்பட உள்ளது. தேர்வு செய்யப்படுபவர்கள் சென்னை – நங்கநல்லூர் பகுதியில் பணியமர்த்தப்படுவார்கள். விண்ணப்பம் கோவிலுக்கு சென்று சேர வேண்டிய கடைசி தேதி 20.01.2026 மாலை 05.45 மணி ஆகும்.
கல்வித் தகுதி விவரங்கள்
Related Articles
தட்டச்சர் (Typist) பணிக்கு விண்ணப்பிக்க 10-ம் வகுப்பு தேர்ச்சி பெற்றிருக்க வேண்டும். அரசு தொழில்நுட்ப தேர்வில் தட்டச்சு தேர்ச்சி (தமிழ் மற்றும் ஆங்கிலம் – உயர்நிலை/குறைந்த நிலை) பெற்றிருக்க வேண்டும். கணினி தானியங்கி சான்றிதழ் (Computer Automation) இருந்தால் அவசியம்.
பிளம்பர் பணிக்கு அரசு அல்லது அரசு அங்கீகரிக்கப்பட்ட நிறுவனத்திலிருந்து ITI (Plumbing) சான்றிதழ் பெற்றிருக்க வேண்டும்.
அலுவலக உதவியாளர் (Office Assistant) பணிக்கு 8-ம் வகுப்பு தேர்ச்சி பெற்றிருப்பது போதுமானது.
மின்சாரப் பணியாளர் (Electrician) பணிக்கு ITI (Electrical) சான்றிதழ் மற்றும் மின்சார உரிமம் வழங்கும் வாரியத்தால் வழங்கப்பட்ட ‘B’ லைசன்ஸ் அவசியம்.
வயது வரம்பு
01.07.2025 தேதியின்படி, அனைத்து பணிகளுக்கும் 18 முதல் 45 வயது வரை உள்ளவர்கள் விண்ணப்பிக்கலாம். அரசு விதிகளின்படி வயது தளர்வு பொருந்தும்.
சம்பள விவரம்
தட்டச்சர் பணிக்கு Level-15 (ரூ.15,300 – 48,700) வரை சம்பளம் வழங்கப்படும். பிளம்பர், அலுவலக உதவியாளர் மற்றும் மின்சாரப் பணியாளர் பணிகளுக்கு Level-13 (ரூ.12,600 – 39,900) வரை சம்பள நிர்ணயம் செய்யப்பட்டுள்ளது.
தேர்வு முறை
விண்ணப்பங்கள் முதலில் குறுக்கப்பட்ட பட்டியல் (Short Listing) மூலம் தேர்வு செய்யப்படும். அதன் பின்னர் நேர்முகத் தேர்வு (Interview) நடத்தப்பட்டு தகுதியானவர்கள் பணிக்கு தேர்ந்தெடுக்கப்படுவர்.
விண்ணப்பிக்கும் முறை
விண்ணப்பப் படிவத்தை www.tnhrce.gov.in என்ற இணையதளத்திலிருந்து பதிவிறக்கம் செய்து கொள்ளலாம். பூர்த்தி செய்யப்பட்ட விண்ணப்பத்தை தேவையான சான்றிதழ் நகல்களுடன் கீழ்கண்ட முகவரிக்கு அனுப்ப வேண்டும்:
நிர்வாக அதிகாரி, அருள்மிகு ஆதிவ்யாதிஹர பக்த அஞ்சநேயர் கோவில், நங்கநல்லூர், சென்னை – 600061.
இணைக்க வேண்டிய ஆவணங்கள்
கல்வித் தகுதி சான்றிதழ்கள், சமூகச் சான்றிதழ், குடும்ப அட்டை, ஆதார் அட்டை, வேலைவாய்ப்பு அலுவலக பதிவு அட்டை, முன்னுரிமைச் சான்றிதழ் (இருந்தால்) ஆகியவற்றின் நகல்கள் இணைக்க வேண்டும். மேலும், ரூ.25 அஞ்சல் முத்திரையுடன் தங்களின் முகவரியுடன் கூடிய Self-Addressed Envelope இணைக்கப்பட வேண்டும்.விண்ணப்பதாரர்கள் தங்களின் மொபைல் எண் மற்றும் மின்னஞ்சல் முகவரியை தேர்வு முடிவுகள் வெளியாகும் வரை செயல்பாட்டில் வைத்திருக்க வேண்டும்.
