கேட் 2026 தேர்வில் 3 முக்கிய மாற்றங்கள்: விண்ணப்பக் கட்டணம் உயர்வு, தேதிகள் மாற்றம். பிப் 7, 8, 14, 15, 2026 அன்று தேர்வு. மார்ச் 19 அன்று முடிவுகள்.
கேட் (GATE) என்பது Graduate Aptitude Test in Engineering என்பதன் சுருக்கமாகும். இந்தத் தேர்வு, பொறியியல், அறிவியல் மற்றும் பிற பட்டப் படிப்புகளில் உள்ள மாணவர்களின் பொதுவான புரிதலையும், திறமையையும் சோதிப்பதற்காக வடிவமைக்கப்பட்டது. இந்திய அறிவியல் நிறுவனம் (IISc) மற்றும் ஏழு இந்திய தொழில்நுட்ப நிறுவனங்கள் (IITs) இணைந்து இந்தத் தேர்வை நடத்துகின்றன. IITs, IISc, மற்றும் NITs போன்ற இந்தியாவின் சிறந்த கல்வி நிறுவனங்களில் M.Tech, M.E, மற்றும் M.S போன்ற முதுகலைப் படிப்புகளில் சேர்வதற்கு கேட் மதிப்பெண் மிகவும் அவசியமானது.
கேட் மதிப்பெண்ணின் பயன்கள்
பொதுத்துறை நிறுவனங்களான BHEL, ONGC, NTPC போன்ற பலவும் கேட் மதிப்பெண்ணை அடிப்படையாகக் கொண்டு பொறியாளர்களைத் தேர்ந்தெடுக்கின்றன. மத்திய அரசின் ஆராய்ச்சி அமைப்புகளில் (CSIR) உள்ள உதவித்தொகைகள் மற்றும் ஆராய்ச்சி திட்டங்களுக்கும் கேட் மதிப்பெண் பயன்படுத்தப்படுகிறது. பொறியியல், தொழில்நுட்பம், அறிவியல், கலை அல்லது வணிகப் படிப்புகளில் பட்டம் பெற்றவர்கள் அல்லது இறுதியாண்டு படித்துக்கொண்டிருக்கும் மாணவர்கள் இந்தத் தேர்வை எழுத தகுதியுடையவர்கள்.
Related Articles
கேட் 2026 தேர்வில் கொண்டு வரப்பட்டுள்ள 3 முக்கிய மாற்றங்கள்
அடுத்த ஆண்டு நடைபெறவுள்ள GATE 2026 தேர்வில் 3 முக்கிய மாற்றங்கள் கொண்டுவரப்பட்டுள்ளன. அவை பின்வருமாறு:
1. விண்ணப்பக் கட்டணம் உயர்வு: இந்த ஆண்டு கேட் தேர்வுக்கான விண்ணப்பக் கட்டணம் உயர்த்தப்பட்டுள்ளது. சரியான கட்டண விவரங்களை அதிகாரப்பூர்வ அறிவிப்பில் சரிபார்த்துக் கொள்ளவும்.
2. விண்ணப்பத் தேதி மாற்றம்: முன்னதாக ஆகஸ்ட் 25 ஆம் தேதி முதல் விண்ணப்பிக்கலாம் என அறிவிக்கப்பட்டிருந்த நிலையில், தற்போது தேதி ஆகஸ்ட் 28 க்கு மாற்றப்பட்டுள்ளது. செப்டம்பர் 28 ஆம் தேதி விண்ணப்பிக்க கடைசி நாளாகும். தாமதக் கட்டணங்களுடன் அக்டோபர் 9 வரை விண்ணப்பிக்கலாம்.
3. தேர்வு மற்றும் முடிவுத் தேதிகள்: கேட் 2026 தேர்வு அடுத்த ஆண்டு பிப்ரவரி மாதம் 7, 8, 14 மற்றும் 15 ஆகிய தேதிகளில் நடைபெறும். தேர்வு முடிவுகள் 2026 மார்ச் 19 ஆம் தேதி வெளியிடப்படும்.