உணவுத்துறை, தொழில்நுட்ப வளர்ச்சிகளால் பெரும் மாற்றங்களை சந்தித்து வருகிறது. தொழில்நுட்பம், உணவு பொறியியல் போன்ற படிப்புகள் மூலம் மாணவர்கள் இத்துறையில் நுழைந்து, ஆய்வாளர், தரக்கட்டுப்பாட்டு அதிகாரி போன்ற பணிகளில் பிரகாசமான எதிர்காலத்தை அமைக்கலாம்.
உலகையே ஆட்டிப்படைக்கும் உணவுத்துறை – இங்கே அள்ளிக்கிடக்கும் வேலை வாய்ப்புகள்!
“உணவு” என்பது வாழ்வின் அடிப்படை. அதனால், உணவு தொடர்பான ஆராய்ச்சிகளும், தொழில்துறைகளும் எப்போதும் விரிவடைந்துகொண்டே இருக்கின்றன. காலத்துக்கு ஏற்ற தொழில்நுட்ப முன்னேற்றங்கள், தகவல் தொழில்நுட்ப வளர்ச்சி, உற்பத்தி மற்றும் பதப்படுத்துதல் முறைகளில் பெரும் மாற்றங்களை உருவாக்கியுள்ளன. உணவை பாதுகாப்பாகவும், சத்தான வகையிலும் மக்களிடம் கொண்டு சேர்ப்பது இன்று ஒரு பெரிய துறை. இதற்காக இந்தியாவில் பல்வேறு படிப்புகள், பயிற்சிகள் மற்றும் வேலை வாய்ப்புகள் உருவாகி வருகின்றன.
உணவுத்துறையில் எந்த படிப்புகள்?
மாணவர்களுக்கு உணவு தொழில்நுட்பம், உணவு சத்துணவியல், உணவு பொறியியல், பால்வள தொழில்நுட்பம், உணவு செயலாக்கம், Food Biotechnology போன்ற பல பிரிவுகளில் B.Sc, B.Tech, M.Sc, M.Tech, Ph.D போன்ற பட்டப்படிப்புகள் உள்ளன. குறிப்பாக, பழங்கள், காய்கறிகள், பால், இறைச்சி, தானியங்கள், பேக்கரி போன்ற துறைகளில் மதிப்புக்கூட்டல் தொழில்நுட்பங்கள் இன்று வேகமாக வளர்ந்து வருகின்றன.
Related Articles
யார் சேரலாம்?
பத்தொன்பதாம் வகுப்பில் Physics, Chemistry, Maths அல்லது Biology படித்திருந்தால், மற்றும் குறைந்தபட்ச மதிப்பெண் பெற்றிருந்தால் இந்த படிப்புகளில் சேரலாம். திறன், ஆர்வம், நடைமுறை அறிவு இருந்தால் இந்த துறையில் முன்னேற வாய்ப்புகள் அதிகம்.
எங்கு படிக்கலாம்?
இந்தியாவின் முன்னணி பல்கலைக்கழகங்கள், உணவு ஆராய்ச்சி நிறுவனங்கள் மற்றும் பொறியியல் கல்லூரிகளில் Admission நடைபெறுகிறது. அவற்றில் சில:
- National Institute of Food Technology (NIFTEM)
- Central Food Technological Research Institute (CFTRI)
- Tamil Nadu Agricultural University (TNAU)
- Amity Food Technology Institute
- College of Food & Dairy Technology (TANUVAS)
வேலை வாய்ப்புகள் எப்படி?
உணவு சார்ந்த படிப்புகளை முடித்த மாணவர்களுக்கு வேலை வாய்ப்புகள் மிக அதிகம். பெரும்பாலான நிறுவனங்களில்:
- Production Manager
- Food Analyst
- Quality Control Officer
- Design Engineer
- R&D Expert
- Export Inspection Officer
- Food Safety Officer
என்பவற்றில் பணியாற்றலாம். மேலும், பன்னாட்டு நிறுவனங்கள், பால் கூட்டுறவுகள், உணவு ஆய்வகங்கள், ஏற்றுமதி நிறுவனங்களில் வேலை வாய்ப்புகள் தொடர்ந்து அதிகரித்து வருகிறது.
உணவுத்துறை என்பது சாதாரண தொழிலல்ல. நாள்தோறும் வளர்ந்து கொண்டிருக்கும் ஆயிரக்கணக்கான வேலை வாய்ப்புகள், புதிய ஆராய்ச்சிகள், நிலையான எதிர்காலம் என மாணவர்களுக்கு Safe Career Option ஆக மாறியுள்ளது. இந்த துறையைப் பற்றி அறிந்து, சரியான படிப்பை தேர்வு செய்து பயணத்தைத் தொடங்குங்கள்.எதிர்காலம் நிச்சயம் பிரகாசமாக இருக்கும்!
