பாங்க் ஆப் மகாராஷ்டிரா வங்கியில் 500 ஜெனரலிஸ்ட் ஆபிசர் (ஸ்கேல் II) காலியிடங்கள் அறிவிப்பு. ₹93,960 வரை சம்பளம். ஆகஸ்ட் 30, 2025க்குள் ஆன்லைனில் விண்ணப்பிக்கவும்.
அரசு வேலை தேடுபவர்களுக்கு ஒரு நல்ல செய்தி! பாங்க் ஆப் மகாராஷ்டிரா வங்கி, நாடு முழுவதும் 500 ஜெனரலிஸ்ட் ஆபிசர் (Generalist Officer) பணியிடங்களை நிரப்ப அறிவிப்பு வெளியிட்டுள்ளது. மாதம் ₹64,820 வரை சம்பளத்துடன், இந்த வாய்ப்பை மிஸ் பண்ணாதீங்க!
பாங்க் ஆப் மகாராஷ்டிரா வங்கி, காலியாக உள்ள ஜெனரலிஸ்ட் ஆபிசர் (Scale II) பணியிடங்களை நிரப்ப தகுதியான நபர்களிடமிருந்து விண்ணப்பங்களை வரவேற்கிறது. இந்த மத்திய அரசு வேலைக்கு விண்ணப்பிக்க ஆகஸ்ட் 30, 2025 கடைசி நாள்.
பணியிட விவரங்கள்: காலியிடங்கள் மற்றும் சம்பளம்
Related Articles
அதிக எண்ணிக்கையிலான காலியிடங்கள், அசத்தலான சம்பளம்!
பாங்க் ஆப் மகாராஷ்டிரா வங்கி மொத்தம் 500 ஜெனரலிஸ்ட் ஆபிசர் (Scale II) காலியிடங்களை அறிவித்துள்ளது. இந்த பதவிக்கு தேர்வு செய்யப்படும் நபர்களுக்கு மாதம் ₹64,820 முதல் ₹93,960 வரை சம்பளம் வழங்கப்படும்.
கல்வி தகுதி மற்றும் வயது வரம்பு
நீங்கள் தகுதியுடையவரா?
• கல்வி தகுதி: அரசால் அங்கீகரிக்கப்பட்ட பல்கலைக்கழகம்/நிறுவனத்தில் ஏதேனும் ஒரு பிரிவில் குறைந்தபட்சம் 60% மதிப்பெண்களுடன் இளங்கலைப் பட்டம் / ஒருங்கிணைந்த இரட்டைப் பட்டம் பெற்றிருக்க வேண்டும் (SC/ST/OBC/PwBD பிரிவினருக்கு 55% மதிப்பெண்கள்). அல்லது பட்டயக் கணக்காளராக (Chartered Accountant) இருக்க வேண்டும்.
• வயது வரம்பு: 22 வயது பூர்த்தி அடைந்தவராகவும் 35 வயதுக்கு மேற்படாதவராகவும் இருத்தல் வேண்டும்.
வயது தளர்வு:
• SC/ST பிரிவினருக்கு 5 ஆண்டுகள்
• OBC பிரிவினருக்கு 3 ஆண்டுகள்
• PwBD (Gen/EWS) பிரிவினருக்கு 10 ஆண்டுகள்
• PwBD (SC/ST) பிரிவினருக்கு 15 ஆண்டுகள்
• PwBD (OBC) பிரிவினருக்கு 13 ஆண்டுகள்
விண்ணப்ப கட்டணம்
பிரிவுகளின் அடிப்படையில் கட்டண விவரங்கள்!
• SC/ST/Ex-servicemen/PwD பிரிவினருக்கு: ₹118/-
• மற்ற பிரிவினருக்கு: ₹1180/-
தேர்வு செய்யும் முறை மற்றும் முக்கிய தேதிகள்
ஆன்லைன் தேர்வு மற்றும் நேர்காணல்!
இந்த பணியிடங்களுக்கு விண்ணப்பிப்பவர்கள் ஆன்லைன் தேர்வு (Online Exam) மற்றும் நேர்காணல் (Interview) மூலம் தேர்வு செய்யப்படுவார்கள்.
• விண்ணப்பிக்க ஆரம்ப தேதி: ஆகஸ்ட் 13, 2025
• விண்ணப்பிக்க கடைசி தேதி: ஆகஸ்ட் 30, 2025
விண்ணப்பிக்கும் முறை
இணையதளம் மூலம் எளிதாக விண்ணப்பிக்கலாம்!
தகுதியும் விருப்பமும் உள்ளவர்கள் பாங்க் ஆப் மகாராஷ்டிரா வங்கியின் அதிகாரப்பூர்வ இணையதளமான https://bankofmaharashtra.in/ மூலம் ஆன்லைனில் விண்ணப்பிக்கலாம். விண்ணப்பிப்பதற்கு முன், அதிகாரப்பூர்வ அறிவிப்பில் குறிப்பிடப்பட்டுள்ள அனைத்து தகுதிகளும் உங்களிடம் உள்ளனவா என்பதை உறுதிப்படுத்திக் கொள்ளுமாறு அறிவுறுத்தப்படுகிறது. இந்த வாய்ப்பை நழுவ விடாமல் உடனே விண்ணப்பித்து பயன்பெறுங்கள்!
