ரயில்வே உலகிலேயே மிகப்பெரிய ரயில் போக்குவரத்து வைத்துள்ள நாடுகளில் இந்தியா முக்கிய பங்கு வகித்து வருகிறது. ரயில்வே துறையில் 
கிட்டத்தட்ட 1 லட்சத்திற்கும் அதிகமான ஊழியர்கள் பணியாற்றி வருகின்றனர். ஒவ்வொரு வருடமும் பல கோடிப்பேர் ரயிலில் பயணிக்கும் காரணத்தால் இந்திய பட்ஜெட் அறிக்கையில் ரயில்வே துறைக்கென தனிப் பட்ஜெட் அறிக்கை அறிவிக்கப்பட்டது.

சுமார் 92 வருடம் இது நடைமுறையில் இருந்த நிலையில் 2017-18-ம் நிதியாண்டு பட்ஜெட்டின் போது ரயில்வே பட்ஜெட் அறிக்கையைப் பொதுப் பட்ஜெட் அறிக்கையுடன் இணைக்கப்பட்டது. இன்று முதல் இந்திய ரயில்வே துறைக்கு அளிக்கப்படும் முக்கியத்துவம் குறைந்துள்ளதாகச் சாமானிய மக்கள் மத்தியில் கருத்து நிலவி வருகிறது. இந்நிலையில், 2020 - 21-ம் நிதியாண்டுக்கான மத்திய பட்ஜெட்டை நிதியமைச்சர் நிர்மலா சீதாராமன் நாடாளுமன்றத்தில் இன்று தாக்கல் செய்து வாசித்து வருகிறார். 

ரயில்வே துறை தொடர்பான அறிவிப்புகள்;-

* 27 ஆயிரம் கிலோ மீட்டர் தூரத்திலான ரயில் பாதைனள் மின்மயமாக்கப்படும். 

* சுற்றுலா தலங்களை இணைக்கும் தேஜஸ் ரயில்கள் இயக்கப்படும். 

* ரயில்வேக்கு சொந்தமான காலி இடங்களில் சூரிய ஒளி தகடுகள் அமைக்கப்படும். 

* போக்குவரத்து உட்கட்டமைப்புக்கான மத்திய பட்ஜெட்டில் ரூ.1.70 லட்சம் கோடி நிதி ஒதுக்கீடு செய்யப்பட்டுள்ளது.

* நாடு முழுவதும் 2024-க்குள் 100 புதிய விமான நிலையங்கள் அமைக்கப்படும். 

* பெங்களூருவில் ரூ.18,600 கொடி செலவில் புறநகர் ரயில் சேவை அமைக்கப்படும். 

* தனியார் – அரசு பங்களிப்புடன் 150 புதிய ரயில்களை இயக்க முடிவு 

*  ஜல் ஜீவன் திட்டத்துக்கு ரூ.11,500 கோடி ஒதுக்கீடு செய்யப்படும். 

*  2,000 கி.மீ. தொலைவுக்கு நெடுஞ்சாலைகள் அமைக்கப்படும்.

* போக்குவரத்து கட்டமைப்புகளுக்கு ரூ. 1.7 லட்சம் கோடி ஒதுக்கீடு செய்யப்பட்டுள்ளது.

* தேசிய சரக்கு போக்குவரத்து கொள்கை விரைவில் வெளியிடப்படும்.

*  எரிசக்தி மற்றும் புதுப்பிக்கத்தக்க எரிசக்திக்கு ரூ. 22,000 கோடி ஒதுக்கீடு

* நாடு முழுவதும் ஒரு லட்சம் கிராமங்கள் பாரத் நெட் திட்டம் மூலம் இணைக்கப்படும். 

* பாரத் நெட் திட்டத்தை செயல்படுத்த ரூ.6,000 கோடி நிதி ஒதுக்கீடு செய்யப்பட்டுள்ளது. 

* 4 ரயில்நிலையங்கள் அரசு – தனியார் பங்களிப்புடன் மறு மேம்பாடு செய்யப்படும்.

* நாடு முழுவதும் சரக்கு போக்குவரத்தை மேம்படுத்த 9,000 கி.மீ.க்கு பொருளாதார பாதை அமைக்கப்படும்.