ஜிஎஸ்டி (சரக்கு மற்றும் சேவை வரி) தொடர்பான சேவைகள் தடைபட்டுள்ளன. கடந்த 24 மணி நேரமாக ஜிஎஸ்டி போர்டல் செயல்படவில்லை.
GST Portal Down : மத்திய அரசின் ஜிஎஸ்டி (சரக்கு மற்றும் சேவை வரி) போர்டலில் சிக்கல் ஏற்பட்டுள்ளது. இதனால் கடந்த 24 மணி நேரமாக இந்த போர்டல் செயல்படவில்லை. மாதாந்திர, காலாண்டு வருமானத்தை தாக்கல் செய்வதற்கான கடைசி நாள் நாளை (ஜனவரி 11)... இந்நிலையில் போர்டல் செயலிழந்ததால் வணிகர்கள் கவலை அடைந்துள்ளனர். விரைவில் சிக்கலை சரிசெய்து போர்டலை செயல்பாட்டுக்கு கொண்டு வர வேண்டும் என்று அரசை வலியுறுத்துகின்றனர்.
ஜிஎஸ்டி போர்டல் தொழில்நுட்ப சிக்கல்கள் காரணமாக வருமானம் சமர்ப்பிப்பதற்கான காலக்கெடுவை நீட்டிக்க வேண்டும் என்று வணிகர்கள் கோருகின்றனர். ஜனவரி 11 கடைசி நாளாக இல்லாமல், அடுத்த திங்கட்கிழமை அதாவது ஜனவரி 13 வரை அவகாசம் அளிக்க வேண்டும் என்று கோருகின்றனர். ஜிஎஸ்டி போர்டல் சிக்கல் குறித்து தொழில்நுட்பக் குழுவினர் பதிலளித்துள்ளனர்.
பராமரிப்பு பணிகள் காரணமாக ஜிஎஸ்டி போர்டல் சேவைகள் தற்போது கிடைக்கவில்லை என்று உறுதிப்படுத்தியுள்ளனர். நண்பகலுக்குள் போர்டல் செயல்பாட்டுக்கு வரும் என்று தெரிவித்துள்ளனர். சிக்கலைப் புரிந்துகொண்டு பொறுமையுடன் ஒத்துழைப்பு அளித்ததற்கு நன்றி என்று ஜிஎஸ்டி டெக் என்ற எக்ஸ் குழுவின் மூலம் அறிக்கை வெளியிட்டுள்ளனர்.
யுபிஐ, கேஸ் முதல் பிஎஃப் வரை; ஜனவரி முதல் புதிய மாற்றங்கள் - முழு விபரம்
