அனைத்து சனிக்கிழமைகளையும் அதிகாரப்பூர்வ விடுமுறையாக அறிவிக்கக் கோரி அதற்கான முன்மொழிவை வங்கிகள் சங்கம் மத்திய அரசிடம் சமர்ப்பித்துள்ளது.
நாட்டில் உள்ள பொதுத்துறை மற்றும் தனியார் வங்கிகளுக்கு ஒவ்வொரு மாதத்திலும் 2வது மற்றும் 4வது சனிக்கிழமையில் விடுமுறை அளிக்கப்படுகிறது. இந்த நிலையில் அனைத்து சனிக்கிழமைகளிலும் விடுமுறை வேண்டும் என்ற கோரிக்கையை வங்கி ஊழியர்கள் முன்வைத்து வருகின்றனர். அந்த வகையில் தனியார் மற்றும் பொதுத்துறை வங்கிகள் வாரத்தில் 5 நாட்கள் வேலை என்ற கோரிக்கையை வலியுறுத்தி உள்ளன.
அனைத்து சனிக்கிழமைகளையும் அதிகாரப்பூர்வ விடுமுறையாக அறிவிக்கக் கோரி அதற்கான முன்மொழிவை வங்கிகள் சங்கம் மத்திய அரசிடம் சமர்ப்பித்துள்ளது. மத்திய நிதி அமைச்சகம் நாடாளுமன்றத்தில் இந்த தகவலை உறுதி செய்துள்ளது. இந்திய வங்கிகள் சங்கம் (ஐபிஏ) ஐந்து நாள் வேலை வாரத்தை அமல்படுத்துவது குறித்த கேள்விகளுக்கு பதிலளித்த நிதித்துறை இணை அமைச்சர் பகவத் கரட், இந்திய வங்கிகள் சங்கம் உண்மையில் இதற்கான முன்மொழிவை சமர்ப்பித்துள்ளது என்று கூறினார்.
ஏசியாநெட்தமிழ்செய்திகளைஉடனுக்குஉடன் Whatsapp Channel-லில்பெறுவதற்குகீழேகொடுக்கப்பட்டுஇருக்கும்லிங்குடன்இணைந்துஇருக்கவும்.
Click this link:https://whatsapp.com/channel/0029Va9TFCWB4hdYZOoYCK2D
எவ்வாறாயினும், நிதியமைச்சகத்தின் பதிலில் முன்மொழிவு ஏற்றுக்கொள்ளப்பட்டதா அல்லது எதிர்காலத்தில் அது பரிசீலிக்கப்படுமா என்பது குறிப்பிடப்படவில்லை. ஒருவேளை வங்கிகள் சங்கத்தின் கோரிக்கைக்கு மத்திய அரசு ஒப்புதல் வழங்கும் பட்சத்தில், வேலை நாட்களில் வேலை நேரம் நீட்டிக்கப்படகூடும் என்று தகவல்கள் தெரிவிக்கின்றன.
வாரத்தின் 5 நாள் வேலை திட்டம் அமலுக்கு வந்தால் வங்கித் துறையின் செயல்பாட்டு நிலப்பரப்பை மறுவடிவமைக்க நேரிடும்., இது ஊழியர்கள் மற்றும் வாடிக்கையாளர்கள் இருவருக்கும் தாக்கங்களை ஏற்படுத்தும் என்று கூறப்படுகிறது.
2015 ஆம் ஆண்டு முதல் இந்தியாவில் உள்ள பல்வேறு வங்கிகள் ஒவ்வொரு மாதமும் இரண்டாவது மற்றும் கடைசி நான்காவது சனிக்கிழமைகளில் பொது விடுமுறையைக் கடைப்பிடித்து வருகின்றன. இந்த சூழலில் பொதுத்துறை வங்கிகள் 5 நாள் வேலை வாரத்திற்கான கோரிக்கையை தொடர்ந்து வலியுறுத்தி வருகின்றன.
இவ்வளவு பணத்துக்கு மேல் வீட்டில் வைத்திருக்க கூடாது.. மீறினால் அபராதம்.. எவ்வளவு தெரியுமா?
குறிப்பிடத்தக்க வகையில், இந்திய வங்கிகள் சங்கம் இந்தியாவில் உள்ள பல்வேறு வங்கிகளை பிரதிநிதித்துவப்படுத்துகிறது, இதில் பொது மற்றும் தனியார் வங்கிகள், இந்தியாவில் உள்ள வெளிநாட்டு வங்கிகள், கூட்டுறவு வங்கிகள், பிராந்திய கிராமப்புற வங்கிகள் மற்றும் அனைத்து இந்திய நிதி நிறுவனங்களும் அடங்கும். நாடு முழுவதும் வங்கித் துறையில் 1.5 மில்லியனுக்கும் அதிகமான நபர்கள் பணியாற்றுகின்றனர் என்பது குறிப்பிடத்தக்கது.
