டிவிஎஸ் மோட்டார் நிறுவனம் தனது புதிய அட்வென்சர் மோட்டார்சைக்கிளான அப்பாச்சி ஆர்டிஎக்ஸ் 300-ஐ அசத்தலான விலையில் அறிமுகப்படுத்தியுள்ளது. இதன் விலை, அம்சங்களை பார்க்கலாம்.
2025 அக்டோபரில் டிவிஎஸ் மோட்டார் நிறுவனம் தனது புதிய அட்வென்சர் மோட்டார்சைக்கிளான அப்பாச்சி ஆர்டிஎக்ஸ் 300-ஐ இந்திய சந்தையில் அறிமுகப்படுத்தியது. ரூ.1.99 லட்சம் என்ற ஆரம்ப எக்ஸ்-ஷோரூம் விலையில் வெளியான இந்த பைக், நவம்பர் இறுதியில் நாடு முழுவதும் டெலிவரிக்கு வந்தது. என்ட்ரி-லெவல் அட்வென்சர் டூரிங் பிரிவில் ரயில்-ரெய்டு தொழில்நுட்பத்தை கொண்டு வந்துள்ளதால், இந்த மாடல் ரசிகர்களிடையே அதிக கவனம் செலுத்தப்பட்டுள்ளது.
நீண்ட தூர பயணங்களுக்கும், பல்வேறு சாலைவகைகளிலும் சவாரி செய்ய விரும்பும் ரைடர்களை மனதில் வைத்து இந்த பைக் உள்ளது. நேராக அமரும் வகையிலான ரைடிங் பொசிஷன், உயரமான கிரவுண்ட் கிளியரன்ஸ் மற்றும் அட்ஜஸ்டபிள் சஸ்பென்ஷன் ஆகியவை பயண சோர்வை குறைக்க உதவுகின்றன. இதனால், அட்வென்சர் பைக்கிங் உலகில் முதல் முறையாக நுழைய நினைப்பவர்களுக்கு இது ஒரு சரியான தேர்வாக பார்க்கப்படுகிறது.
அப்பாச்சி ஆர்டிஎக்ஸ் 300-ல் பல ரைடு மோடுகள், ஸ்விட்சபிள் ஈபிஎஸ், ஸ்மார்ட் கனெக்டிவிட்டி போன்ற அம்சங்கள் வழங்கப்படுகின்றன. பொதுவாக உயர்ந்த விலையில் அட்வென்சர் பைக்குகளில் மட்டுமே காணப்படும் இந்த அம்சங்கள், இந்த விலையில் கிடைப்பது பயனர்களை ஆச்சரியப்படுத்தியுள்ளது. இதன் காரணமாகவே, பைக்கிற்கு அதிகமான முன்பதிவுகள் கிடைத்துள்ளன.
Related Articles
அதிக தேவையின் காரணமாக, இந்த பைக்கிற்கு காத்திருப்பு காலமும் உள்ளது. நாடு சராசரியாக 30 முதல் 40 நாட்கள் வரை காத்திருக்க வேண்டிய நிலை உள்ளது. மும்பையில் 30–40 நாட்கள், சென்னையில் அதிகபட்சமாக 45–55 நாட்கள், பெங்களூருவில் 15–30 நாட்கள் காத்திருப்பு காலம் காணப்படுகிறது. கொல்கத்தாவில் மட்டும் இரண்டு முதல் ஐந்து நாட்களிலேயே டெலிவரி கிடைக்கிறது.
வாங்குவதற்கு முன் சில விஷயங்களை கவனத்தில் கொள்வது அவசியம். காத்திருப்பு காலம் டீலர், நிறம் மற்றும் வேரியண்டைப் பொறுத்து மாறலாம். பண்டிகை காலங்களில் முன்பதிவுகள் அதிகரிக்கும் போது டெலிவரி தாமதமாகலாம். எனவே, முன்பதிவு செய்வதற்கு முன் உங்கள் அருகிலுள்ள டிவிஎஸ் டீலர்ஷிப்பில் சரியான தகவலை உறுதி செய்து கொள்வது நல்லது.
