பிறந்த ஆண்டை வைத்தே உங்கள் குணங்களை சொல்லலாம்.. சீன ஜோதிடம் பற்றி தெரியுமா?

இந்திய ஜோதிடத்தை போலவே சீன ஜோதிடமும் பல்லாயிரம் ஆண்டுகளுக்கு முன்பே பின்பற்றப்படும் நடைமுறையாகும். சீன ஜோதிடம், மேற்கத்திய ஜோதிடத்தைப் போலல்லாமல், எதிர்காலத்தை தீர்மானிக்க அல்லது பிரபஞ்சத்துடன் பேசுகையில் மனிதர்களின் தற்போதைய ஆன்மீக, உணர்ச்சி மற்றும் உடல் இருப்பை டிகோட் செய்ய பல கூறுகளுடன் சிக்கலானது. சீன பஞ்சாங்கம் பாரம்பரியமாக விவசாயிகளால் விதைகளை நடுவதற்கு பொருத்தமான நாட்களைக் காண அல்லது தேதியின்படி ஒரு முக்கியமான பணியைத் திட்டமிட வழிகாட்டியாகப் பயன்படுத்தப்படுகிறது. 

சீன ராசி விலங்குகள் என்றால் என்ன?

நீங்கள் பிறந்த ஆண்டைப் பொறுத்து சீன ராசியில் 12 விலங்குகள் உள்ளன.  சீன ராசியின் பன்னிரண்டு விலங்குகள் எலி, எருது, புலி, முயல், டிராகன், பாம்பு, குதிரை, செம்மறி ஆடு, குரங்கு, சேவல், நாய் மற்றும் பன்றி. அவை ஒவ்வொன்றும் குறிப்பிட்ட குணாதிசயங்களைக் கொண்டுள்ளன.

ஒவ்வொரு சீன விலங்கு அடையாளத்தின் பண்புகள்

எலி - பிறந்த ஆண்டுகள்: 1936, 1948, 1960, 1972, 1984, 1996, 2008, 2020. இந்த ஆண்டுகளில் பிறந்தவர்கள் எலி ராசியை சேர்ந்தவர்கள்

குணாதிசயங்கள்: குடும்பம் சார்ந்த, சிக்கனமான மற்றும் விரைவான புத்திசாலியாக இருப்பார்கள். எலி நல்ல நகைச்சுவை உணர்வைக் கொண்டிருப்பதாகவும், நம்பிக்கையுடன் இருப்பதாகவும் அறியப்படுகிறது. இந்த ராசிக்காரர்கள் இருந்தால் அவர்களை சுற்றி இருப்பவர்கள் மகிழ்ச்சியாக இருப்பார்கள். எந்த சூழ்நிலையிலும் புத்திசாலித்தனமாக செயல்படுவார்கள்.

எருது -பிறந்த ஆண்டுகள்: 1973, 1985, 1997, 2009, 2021 இந்த ஆண்டுகளில் பிறந்தவர்கள் எருது ராசியை சேர்ந்தவர்கள்

குணாதிசயங்கள்: உறுதியான, இடைவிடாத மற்றும் கடின உழைப்பாளியாக எருது கருதப்படுகிறது. எருது ராசிக்காரர்கள், எப்போதும் விசுவாசமாகவும் நம்பிக்கையுடனும் இருப்பார்கள். இந்த குணங்கள் காரணமாக இவர்களை அனைவரும் பயன்படுத்திக் கொள்வார்கள் சில சமயங்களில் அவர்கள் ஓரங்கட்டப்பட்டதாக உணரலாம், ஆனால் அவர்கள் எப்போதும் தொடர்ந்து சென்று இறுதியில் வெகுமதியைப் பெறுகிறார்கள்.

புலி - பிறந்த ஆண்டுகள்: 1974, 1986, 1998, 2010, 2022

குணாதிசயங்கள்: ஆர்வமுள்ள மற்றும் அதிக ஆற்றல் கொண்டவர்கள் புலி ராசிக்காரர்கள் இருப்பார்கள். ஆபத்தை எடுக்க விரும்பும் கம்பீரமான ஆளுமை ஒரு பெரிய ஈகோவை பிரதிபலிக்கிறது. தவறு செய்ய பயப்படுவதில்லை, புலி புதிய விஷயங்களை முயற்சிப்பதில் இருந்து வெட்கப்படுவதில்லை.

முயல்- பிறந்த ஆண்டுகள்: 1963, 1975, 1987, 1999, 2011, 2023 இந்த ஆண்டுகளில் பிறந்தவர்கள் முயல் ராசியை சேர்ந்தவர்கள்

குணாதிசயங்கள்: முயல் ராசிக்காரர்கள் எந்த மோதலையும் வெறுக்கிறது மற்றும் இயற்கையோடு மிகவும் இணக்கமானது. எனவே இந்த ராசிக்காரர்கள் சமூகத்தோடு ஒன்றி வாழ் வேண்டும் என்று விரும்புவார்கள். இவர்கள் பிரச்சனைகளை கையாள்வதில் திறமைசாலிகள்.

டிராகன் - பிறந்த ஆண்டுகள்: 1940, 1952, 1964, 1976, 1988, 2000, 2012, 2024 இந்த ஆண்டுகளில் பிறந்தவர்கள் டிராகன் ராசியை சேர்ந்தவர்கள்

சிறப்பியல்புகள்: சீனர்கள் டிராகன்களை சிறந்த தலைவர்களாக கருதுகின்றனர்.  டிராகன் ராசிக்காரர்கள் கற்பனை திறன் கொண்டவர்கள். இவர்கள் வியத்தகு அளவில் நாடக தன்மையுடன் நடந்துகொள்வார்கள். 

பாம்பு : பிறந்த ஆண்டுகள்: 1917, 1929, 1941, 1953, 1965, 1977, 1989, 2001, 2013, 2025

குணாதிசயங்கள்: பாம்பு ராசிக்காரர்கள் மர்மமானவர்களாகவும், ரகசியமானவர்களாகவும் இருப்பார்கள், . மிகவும் உள்ளுணர்வு கொண்ட இவர்கள் இரக்கமுள்ளவர்களாக கருதப்படுகின்றனர்.

குதிரை - பிறந்த ஆண்டுகள்: 1966, 1978, 1990, 2002, 2014, 2026

குணாதிசயங்கள்: கவலையற்றவர்களாக இருக்கும் குதிரை ராசிக்கார்கள், நேர்மறை சிந்தனையும், சுதந்திர உணர்வும் கொண்டவர்கள். மிகவும் திறமையானவர்களாவும், உற்சாகமானவர்களாக இருப்பர்.

ஆடுகள் - பிறந்த ஆண்டுகள்: 1967, 1979, 1991, 2003, 2015, 2027

குணாதிசயங்கள்: செம்மறி ஆடு ராசிக்கார்கள், மென்மையான குணம் கொண்டவர்கள், இவர்களுக்கு கனிவான இதயம் இருப்பதாக அறியப்படுகிறது. படைப்பாற்றல் மிக்கவர்களாகவும் அன்பானவர்களாகவும் கருதப்படுகின்றனர்.

குரங்கு - பிறந்த ஆண்டுகள்: 1968, 1980, 1992, 2004, 2016, 2028

குணாதிசயங்கள்:  இவர்கள் சிக்கலைத் தீர்ப்பதில் மிகவும் சிறந்தவர்களாக இருப்பார்கள். புதிய மற்றும் உற்சாகமான ஒரு வாய்ப்பைத் தேடும் போக்கைக் கொண்டுள்ளனர், எனவே சில நேரங்களில் தங்கள் நண்பர்களிடம் இருந்து விலகிச் செல்கிறார்கள்.

சேவல் பிறந்த ஆண்டுகள்: 1969, 1981, 1993, 2005, 2017, 2029

குணாதிசயங்கள்: சேவல் ராசிக்காரர்கள் நேர்மைக்கும் கடமைக்கும் கட்டுப்பட்டவர்கள். இவர்கள் சுதந்திரமாக இருக்க வேண்டும் என்று நினைப்பார்கள். நம்பகமானவர்களாகவும் கருதப்படுகின்றனர். 

நாய் பிறந்த ஆண்டுகள்: 1968, 1980, 1992, 2004, 2016, 2030

குணாதிசயங்கள்: உண்மையுள்ளவர்களாக இருப்பார்கள். நாய் ஆண்டுகளில் பிறந்தவர்கள் கடமைகளை மதிக்க விரும்புகிறார்கள். அவர்கள் மிகவும் விவரம் சார்ந்தவர்கள், தன்னலமற்றவர்கள் மற்றும் மற்றவர்களுக்கு உதவி செய்ய விரும்புவார்கள்

பன்றி - பிறந்த ஆண்டுகள்: 1971, 1983, 1995, 2007, 2019, 2031 

சிறப்பியல்புகள்:  பன்றி ராசிக்காரர்கள்அன்பானவர்கள் பொதுவாக மோதலில் ஈடுபடாதவர்கள், தாங்கள் சொல்வது சரி என்று உறுதியாக நம்பினால் சண்டையில் இருந்து பின்வாங்க மாட்டார்கள்.

 

இந்த ராசிக்காரர்கள் தான் உறவில் அதிகம் ஆதிக்கம் செலுத்துவார்களாம்..