வரலாறு முக்கியம் அமைச்சரே?! முதல்வர் விஜய் பேச்சால் கலகலப்பான சட்டப்பேரவை

சபாநாயகரை அமர வைக்கும் மரபு: முதல்வர் விஜய் பகிர்ந்த வரலாறு தமிழ்நாடு சட்டப்பேரவையின் 2026-ஆம் ஆண்டு கூட்டத்தொடரில் உரையாற்றிய முதல்வர் விஜய், சபாநாயகர் தேர்வு செய்யப்பட்டவுடன் அவரை முதல்வர் மற்றும் எதிர்க்கட்சித் தலைவர் இருவரும் கையைப் பிடித்து அழைத்துச் சென்று இருக்கையில் அமர வைக்கும் பண்பட்ட நடைமுறை குறித்துப் பேசினார். இந்த மரபு பிரிட்டிஷ் நாடாளுமன்ற ஜனநாயகத்திலிருந்து உருவானது என்று குறிப்பிட்ட அவர், அதன் பின்னணியில் உள்ள ஒரு சுவாரஸ்யமான மற்றும் சவாலான வரலாற்றைப் பகிர்ந்துகொண்டார். தொடக்கக் காலத்தில், சபாநாயகர் என்பவர் மக்கள் பிரதிநிதிகளின் கருத்துக்களை மன்னரிடம் கொண்டு செல்லும் ஒரு கருவியாகச் செயல்பட்டார். ஒருவேளை சபையின் முடிவுகள் மன்னருக்குப் பிடிக்கவில்லை என்றால், அந்தத் தகவலைக் கொண்டு செல்லும் சபாநாயகரின் தலை உருளக்கூடும் (மரண தண்டனை) என்ற அச்சம் அன்று நிலவியது. இதனால், உயிருக்கு ஆபத்தான அந்தப் பதவிக்கு வரப் பலரும் தயங்கினர். எனவே, தேர்ந்தெடுக்கப்படுபவர் பயத்தில் பின்வாங்கிவிடக் கூடாது என்பதற்காக, அவரை வலுக்கட்டாயமாக இழுத்துச் சென்று இருக்கையில் அமர வைக்கும் வழக்கம் உருவானது. காலப்போக்கில் அந்த அச்சம் மறைந்து, அது ஒரு கௌரவமான சடங்காகவும், ஜனநாயகத்தின் மாண்பைப் போற்றும் ஒரு மரபாகவும் மாறியுள்ளது என்பதை முதல்வர் விஜய் தனது உரையில் சுட்டிக்காட்டினார்.