மதுரை தமுக்கம் மைதானத்தில் புத்தகத் திருவிழா: அமைச்சர் சி.டி.ஆர். நிர்மல் குமார் தொடங்கி வைத்தார்!

மதுரை தமுக்கம் மைதானத்தில் தமிழக அரசு சார்பில் ஏற்பாடு செய்யப்பட்டுள்ள பிரம்மாண்டப் புத்தகத் திருவிழாவைத் தமிழக அமைச்சர் சி.டி.ஆர். நிர்மல் குமார் இன்று (நவம்பர் 13) தொடங்கி வைத்தார். பின்னர் புத்தக அரங்குகளைப் பார்வையிட்ட அவர், செய்தியாளர்களைச் சந்தித்துப் பேசினார். அப்போது, கடந்த ஆட்சியில் 'அகல் விளக்கு' போன்ற இல்லாத பதிப்பகங்களின் பெயரிலும், செயற்கை நுண்ணறிவு (AI) மூலமும் சுமார் 77,000 போலிப் புத்தகங்களை உருவாக்கிப் பெரிய அளவில் ஊழல் நடைபெற்றுள்ளதாகவும், நூலகங்களில் அகராதிகள் மற்றும் தொலைபேசி எண் புத்தகங்களை நகலெடுத்து அடுக்கி வைத்துள்ளதாகவும் அவர் குற்றம் சாட்டினார். மேலும், மேகதாது அணை விவகாரத்தில் வனத்துறை மற்றும் சுற்றுச்சூழல் அனுமதிகள் இல்லாததால் கர்நாடக அரசால் ஒரு செங்கல் கூட வைக்க முடியாது என்றும், தமிழக முதல்வர் விஜய் இதற்கு ஒருபோதும் அனுமதிக்க மாட்டார் என்றும் அவர் திட்டவட்டமாகத் தெரிவித்தார். தொடர்ந்து பேசிய அமைச்சர், கள்ளக்குறிச்சி பெண் ஆட்சியர் விவகாரத்தில் உரிய அனுமதியின்றி அவரது புகைப்படத்தைப் பயன்படுத்தி சமூக வலைதள வதந்திகளைப் பரப்ப வேண்டாம் என ஊடகங்களைக் கேட்டுக்கொண்டதுடன், இவை அனைத்தும் திமுக அரசின் ஊழல்களை மறைக்க நடத்தப்படும் திசைதிருப்பும் நாடகங்கள் என விமர்சித்தார்.