Pro Kabaddi League: ஜெய்ப்பூர், புனே அணிகள் பிளே ஆஃபிற்கு தகுதி.! தெலுங்கு டைட்டன்ஸை ஊதித்தள்ளிய தமிழ் தலைவாஸ்
சுருக்கம்
புரோ கபடி லீக்கில் ஜெய்ப்பூர் பிங்க் பாந்தர்ஸ் மற்றும் புனேரி பல்தான் அணிகள் பிளே ஆஃபிற்கு முன்னேறின. இன்றைய போட்டியில் தெலுங்கு டைட்டன்ஸை 52-24 என்ற கணக்கில் வீழ்த்தி தமிழ் தலைவாஸ் அபார வெற்றி பெற்றது.
புரோ கபடி லீக் தொடரின் 9வது சீசன் விறுவிறுப்பாக நடந்துவருகிறது. ஹைதராபாத்தில் தமிழ் தலைவாஸ் - தெலுங்கு டைட்டன்ஸ் அணிகளுக்கு இடையேயான போட்டியில் அபாரமாக விளையாடிய தமிழ் தலைவாஸ் அணி தொடக்கம் முதலே ஆதிக்கம் செலுத்தி ஆடியது.
தெலுங்கு டைட்டன்ஸ் அணி தமிழ் தலைவாஸுக்கு எதிராக புள்ளிகளை பெற ரொம்ப கஷ்டப்பட்டது. முழுக்க முழுக்க தெலுங்கு டைட்டன்ஸ் அணி மீது ஆதிக்கம் செலுத்தி ஆடிய தமிழ் தலைவாஸ் அணி 52-24 என்ற கணக்கில் அபார வெற்றி பெற்றது. இந்த போட்டியில் வெற்றி பெற்றாலும் புள்ளி பட்டியலில் தொடர்ந்து 5ம் இடத்தில் உள்ளது.
Pro Kabaddi League: யு மும்பா அணியை வீழ்த்தி யு.பி யோதாஸ் 3ம் இடத்திற்கு முன்னேற்றம்
புனேரி பல்தான் - டபாங் டெல்லி இடையேயான போட்டி மிகவும் பரபரப்பாக இருந்தது. இரு அணிகளும் சிறப்பாக ஆடி புள்ளிகளை குவித்தன. கடைசியில் இந்த போட்டியில் புனேரி பல்தான் 47-44 என்ற கணக்கில் டபாங் டெல்லியை வீழ்த்தி வெற்றி பெற்றது.
சிஎஸ்கே அணியின் அடுத்த கேப்டனாக யாரை நியமிக்கலாம்..? மைக் ஹசி கருத்து
புள்ளி பட்டியலில் முதலிடத்தில் நீடிக்கும் ஜெய்ப்பூர் பிங்க் பாந்தர்ஸ் மற்றும் புனேரி பல்தான் ஆகிய 2 அணிகளும் பிளே ஆஃபிற்கு முன்னேறின. யு.பி யோதாஸ் மற்றும் பெங்களூரு புல்ஸ் ஆகிய 2 அணிகளும் 3 மற்றும் 4ம் இடங்களில் உள்ளன. தமிழ் தலைவாஸ் அணி 5ம் இடத்தில் தொடர்ந்து நீடிக்கிறது.
கிரிக்கெட் மற்றும் விளையாட்டு உலகின் (Sports News in Tamil) நிமிட நிமிட தமிழ் செய்தி அப்டேட்களுக்காக ஏஷ்யாநெட் தமிழ்-ஐ பின்பற்றுங்கள். IPL லைவ் உட்பட டீம் இந்தியாவின் பிரேக்கிங் நியூஸ் (Cricket News in Tamil), சிறப்பு ரிப்போர்ட்கள் மற்றும் நேரலைகளுடன் முழுமையான தகவல்கள் உங்களுக்கு ஒரே கிளிக்கில் கிடைக்கும். ஏஷ்யாநெட் தமிழ் அதிகாரப்பூர்வ ஆப்பைப் டவுன்லோடு செய்து அனைத்து அப்டேட்களையும் பெறுங்கள்.