மகளிர் டி20 உலக கோப்பை: நீயா நானா போட்டியில் டாப் 2 அணிகளான இந்தியா - இங்கிலாந்து பலப்பரீட்சை! டாஸ் ரிப்போர்ட்
சுருக்கம்
மகளிர் டி20 உலக கோப்பை தொடரில் இங்கிலாந்துக்கு எதிரான போட்டியில் டாஸ் வென்ற இந்திய அணி ஃபீல்டிங்கை தேர்வு செய்தது.
மகளிர் டி20 உலக கோப்பை தொடர் விறுவிறுப்பாக நடந்துவருகிறது. ஆஸ்திரேலியா, இலங்கை, நியூசிலாந்து, தென்னாப்பிரிக்கா, வங்கதேசம் ஆகிய 5 அணிகளும் க்ரூப் ஏ-வில் உள்ளன. க்ரூப் ஏ-வில் ஆஸ்திரேலியா மற்றும் இலங்கை அணிகள் புள்ளி பட்டியலில் முதலிரண்டு இடங்களில் உள்ளன.
இந்தியா, பாகிஸ்தான், இங்கிலாந்து, வெஸ்ட் இண்டீஸ், அயர்லாந்து ஆகிய 5 அணிகளும் க்ரூப் பி-யில் உள்ளன. க்ரூப் பி-யில் ஆடிய 2 போட்டிகளிலும் வெற்றி பெற்ற இங்கிலாந்து மற்றும் இந்தியா அணிகள் புள்ளி பட்டியலில் முதலிரண்டு இடங்களில் உள்ளன.
ஆடிய 2 போட்டிகளிலும் வெற்றி பெற்ற இந்தியா - இங்கிலாந்து அணிகள் இருவரில் யார் பெரியவர் என்பதை தீர்மானிக்கும் நீயா நானா போட்டியில் இன்று மோதுகின்றன. இங்கிலாந்துக்கு எதிரான இந்த போட்டியில் டாஸ் வென்ற இந்திய மகளிர் அணி ஃபீல்டிங்கை தேர்வு செய்துள்ளது.
இந்திய மகளிர் அணி:
ஷஃபாலி வெர்மா, ஸ்மிரிதி மந்தனா, ஜெமிமா ரோட்ரிக்ஸ், ஹர்மன்ப்ரீத் கௌர் (கேப்டன்), ரிச்சா கோஷ் (விக்கெட் கீப்பர்), ஷிகா பாண்டே, தீப்தி ஷர்மா, பூஜா வஸ்ட்ராகர், ராதா யாதவ், ராஜேஷ்வரி கெய்க்வாட், ரேணுகா சிங்.
இங்கிலாந்து மகளிர் அணி:
சோஃபியா டன்க்லி, டேனியல் வியாட், அலைஸ் கேப்ஸி, நாட் ஸ்கைவர் பிரண்ட், ஹீதர் நைட் (கேப்டன்), எமி ஜோன்ஸ் (விக்கெட் கீப்பர்), கேத்ரின் பிரண்ட், சோஃபி எக்லெஸ்டோன், சார்லோட் டீன், சாரா க்ளென், லாரன் பெல்.