தளபதி 68 படத்தில் விஜய் உடன் இணைந்து நடிக்கும் தோனி? அண்ணனா? வில்லனா?

விஜய் நடிப்பில் உருவாக இருக்கும் தளபதி 68 படத்தில் எம்.எஸ்.தோனி நடிக்க இருப்பதாக தகவல் வெளியாகி வருகிறது.

இந்திய கிரிக்கெட் அணியை வழி நடத்தி வந்த தோனி ஓய்வு பெற்று இன்றுடன் 3 ஆண்டுகள் நிறைவடைந்துள்ளது. கபில் தேவிற்குப் பிறகு இந்திய அணிக்கு டி20 உலகக் கோப்பை 2007, ஐசிசி ஆண்கள் கிரிக்கெட் உலகக் கோப்பை 2011, ஆசிய கோப்பை 2016 மற்றும் சாம்பியன்ஸ் டிராபியை பெற்றுக் கொடுத்தவர் எம்.எஸ்.தோனி.

கிரிக்கெட் தவிர்த்து ஏராளமான நிறுவனங்களில் முதலீடு செய்துள்ளார். விளம்பரம், பிராண்ட் அம்பாஸிடர், விவசாயம், விளையாட்டு உபகரணங்கள் ஆகியவற்றின் மூலமாக ஆண்டிற்கு ரூ.1040 கோடி வரையில் வருமானம் ஈட்டி வருகிறார். சமீபத்தில் தோனி எண்டர்டைன்மெண்ட் என்ற தயாரிப்பு நிறுவனத்தின் மூலமாக சாக்‌ஷி தோனி எல்ஜிஎம் என்ற படத்தை தயாரித்திருந்தார். இந்தப் படத்திற்கு தோனி இணை தயாரிப்பாளராக இருந்தார். இந்தப் படத்தில் நதியா, ஹரிஷ் கல்யாண், இவானா, யோகி பாபு ஆகியோரது நடித்திருந்தனர். இந்தப் படம் திரைக்கு வந்த ரசிகர்களிடையே நல்ல வரவேற்பு பெற்றது.

இந்த நிலையில், தயாரிப்பாளராக தோனி அவதாரம் எடுத்ததைத் தொடர்ந்து, தற்போது சினிமாவிலும் நடிகராக கால் பதிக்க உள்ளார். ஏற்கனவே தோனியின் வாழ்க்கை வரலாற்று படம் வெளியாகியிருந்தது. இதையடுத்து தற்போது அவரும் சினிமாவில் அறிமுகமாக இருப்பதாக கூறப்படுகிறது. இது குறித்து சாக்‌ஷி தோனி கூட கூறியிருந்தார்.

தோனி நிறைய விளம்பரங்களில் நடித்திருக்கிறார். ஆகையால், அவருக்கு கேமரா ஒன்றும் புதிதாக இருக்காது. நல்ல கதையும், அவருக்கான கதாபாத்திரமும் சரியானதாக அமைந்தால் தோனி நடிப்பார். விரைவில் அதற்கான நேரம் வரும் என்று கூறியிருந்தார். இந்த நிலையில், லியோ படத்தைத் தொடர்ந்து விஜய் நடிப்பில் உருவாக இருக்கும் தளபதி 68 படத்தில் தோனி நடிக்க இருப்பதாக தகவல் வெளியாகி வருகிறது.

இந்தப் படத்தை வெங்கட் பிரபு இயக்க உள்ளார். ஏஜிஎஸ் நிறுவனத்தின் மூலமாக கல்பாத்தி எஸ் அகோரம் இந்தப் படத்தை தயாரிக்கிறார். யுவன் சங்கர் ராஜா இந்தப் படத்திற்கு இசையமைக்கிறார். வரும் 2024 ஆம் ஆண்டு இந்தப் படம் திரைக்கு வரும் என்று ஏற்கனவே கூறப்பட்டது. இந்தப் படத்தில் தான் விஜய் உடன் இணைந்து தோனி நடிக்க இருப்பதாக கூறப்படுகிறது.

அது அண்ணன் கதாபாத்திரமா, வில்லன் கதாபாத்திரமா என்பது குறித்து எந்த தகவலும் வெளியாகவில்லை. முன்னதாக கிரிக்கெட் பிரபலங்களான ஹர்பஜன் சிங், இர்பான் பதான், ஸ்ரீ சாந்த் ஆகியோர் பலரும் சினிமாவில் நடித்துள்ளனர். இதற்கு முன்னதாக தோனி மற்றும் விஜய் இருவரும் ஒருவருக்கொருவர் சந்தித்து பேசியிருக்கின்றனர் என்பது குறிப்பிடத்தக்கது.