ஒரு மாதம் உருளைக்கிழங்கு சாப்பிடாம இருந்தால் ஆரோக்கியம் எப்படி இருக்கும் தெரியுமா?
By Kalai Selvi | First Published Sep 23, 2023, 3:29 PM ISTஉருளைக்கிழங்கு நம் நாட்டின் சமையலறையில் ஒரு முக்கிய இடத்தைப் பிடித்துள்ளது. இதை உட்கொள்வதை நிறுத்தினால் என்ன நடக்கும் தெரியுமா?
நாம் மார்கெட் போகும்போது என்ன காய்கறிகள் வாங்குவோமோ இல்லையோ ஆனால் உருளைக்கிழங்கு வாங்க ஒரு நாள் கூட தவறியதில்லை. ஏனெனில் இதை அனைவரும் விரும்பி சாப்பிடுவது உண்டு. அந்த அளவிற்கு இது மற்ற காய்கறிகளை விட முக்கிய பங்கு வகிக்கிறது. உருளைக்கிழங்கு சாம்பார், பக்கோடா, பஜ்ஜி, சிப்ஸ் என உருளைக்கிழங்கில் வெரைட்டியான உணவுகளை தயார் செய்யலாம். தெரு ஓரம் பானிபூரி முதல் பாஸ்ட் புட் பர்கர் வரை இந்த உருளைக்கிழங்கு இல்லாமல் செய்ய முடியாது.
பலர் தினமும் உருளைக்கிழங்கு வழக்கமாகக் கொண்டுள்ளனர். அவர்களது உணவில் உருளைக்கிழங்கு இல்லாத நாளே இல்லை. நம் வாழ்வில் பிரதானமாக இருக்கும் இந்த காய்கறியை நாம் விரும்பினாலும், சிலர் அதிலிருந்து விலகி இருக்கிறார்கள். உருளைக்கிழங்கு சாப்பிட்டால் உடல் நலம் கெட்டுவிடும் என்ற காரணத்தால் சில மாதங்களாக உருளைக்கிழங்கு சாப்பிடுவதில்லை. ஒரு மாதம் இந்த உருளைக்கிழங்கை சாப்பிடாவிட்டால் என்ன ஆகும்? அதற்கான பதில் இங்கே..
Latest Videos
undefined
இதையும் படிங்க: குண்டாகி விடுவோம் என்ற பயத்தில் உருளைக்கிழங்கு சாப்பிடாம இருக்கீங்களா? அப்ப இந்த வழியில் ட்ரை பண்ணுங்க..!!
ஒரு மாதத்திற்கு உருளைக்கிழங்கு சாப்பிடாவிட்டால் இந்த விளைவு உடலில் வரும்:
நீங்கள் ஒரு மாதத்திற்கு உருளைக்கிழங்கு சாப்பிடுவதைக் கைவிட்டால், நேர்மறையான விளைவைக் காண்பீர்கள் என்று நிபுணர்கள் கூறுகிறார்கள்.
உருளைக்கிழங்கில் ஸ்டார்ச் உள்ளது. இது ஆற்றல் ஆதாரமாக கருதப்படுகிறது. உருளைக்கிழங்கில் கலோரிகள் அதிகம். உருளைக்கிழங்கு சாப்பிடுவதால் உடலுக்கு ஆற்றல் கிடைக்கும். நாள் முழுவதும் உற்சாகமாக வேலை செய்யலாம். ஆனால் நீங்கள் உருளைக்கிழங்கை எவ்வாறு உட்கொள்கிறீர்கள் என்பது இங்கே முக்கியமானது.
பெரும்பாலான உருளைக்கிழங்கு உணவுகளில் அதிக அளவு எண்ணெய் பயன்படுத்தப்படுகிறது. உருளைக்கிழங்கை சமைத்தோ அல்லது எண்ணெயில் பொரித்தோ சாப்பிடுவதால் நோய் ஏற்படுகிறது. உங்கள் எடையும் அதிகரிக்கும். உடல் எடையைக் கட்டுப்படுத்த விரும்புபவர்கள் பொரித்த உருளைக்கிழங்கைச் சாப்பிடுவதைத் தவிர்த்து கலோரிகள் குறைவான மற்ற உணவுகளைச் சாப்பிட வேண்டும். இதன் மூலம் உங்கள் எடையைக் கட்டுப்படுத்தலாம்.
ஏற்கனவே குறிப்பிட்டுள்ளபடி, உருளைக்கிழங்கில் ஸ்டார்ச் உள்ளது. இது இரத்த சர்க்கரை அளவை அதிகரிக்க உதவுகிறது. உருளைக்கிழங்கை ஒரு மாதம் தவிர்த்தால் ரத்தத்தில் உள்ள சர்க்கரையின் அளவைக் கட்டுப்படுத்தலாம். குறிப்பாக நீரிழிவு நோயால் பாதிக்கப்பட்டவர்கள் உருளைக்கிழங்கை அரிதாகவே உட்கொள்வது நல்லது. நீங்கள் உங்கள் உணவில் உருளைக்கிழங்கை சேர்க்கவில்லை என்றால், உங்கள் செரிமானத்தையும் மேம்படுத்தலாம். குறைந்த எண்ணெய் மற்றும் மசாலாப் பொருட்களைக் கலந்து வீட்டில் உருளைக்கிழங்கு சாப்பிடுவது அரிது.
இதையும் படிங்க: Sweet potatoes: சர்க்கரை வள்ளி கிழங்கில் ஒளிந்திருக்கும் அற்புத ஊட்டச்சத்துக்கள்...!!
கடைகளில் கிடைக்கும் உருளைக்கிழங்கு பொருட்களை எக்காரணம் கொண்டும் உட்கொள்ள வேண்டாம். உருளைக்கிழங்கு உணவுகளான சிப்ஸ், பிரெஞ்ச் ஃப்ரைஸ் போன்றவை சாப்பிட சுவையாக இருக்கும். குழந்தைகள் முதல் பெரியவர்கள் வரை அனைவரும் விரும்பி சாப்பிடுவார்கள். சந்தையில் கிடைக்கும் சிப்ஸ், பிரஞ்சு பொரியல் போன்ற உணவுகளில் சோடியம் அதிகம் உள்ளது. இதை சாப்பிட்டால் உயர் ரத்த அழுத்தம், இதயநோய் போன்றவை ஏற்படும். எனவே உருளைக்கிழங்கை சாப்பிடுவதற்கு முன், அது உங்கள் உடலில் என்ன விளைவை ஏற்படுத்தும் என்பதை அறிந்து கொள்ளுங்கள்.
சேனலை கிளிக் செய்து பின்தொடரவும்