☰
சர்க்கரைவள்ளிக் கிழங்கு உடலுக்கு ஆரோக்கியம் தரக் கூடியதாகும். இதை வழக்கமாக செய்வது போல் வேக வைத்தும், பொரியல் செய்தும் சாப்பிடுவதற்கு பதிலாக ஸ்டப்பிங் போல் தயாரித்து, பரோட்டாவாக செய்து சாப்பிடுவதால் வித்தியாசமான சுவையில் அனைவருக்கும் விருப்பமானதாக இருக்கும்.
தென்னிந்திய மற்றும் வடஇந்திய சமையலில் பரோட்டா ஒரு முக்கியமான இடத்தை பிடித்துள்ளது. கோதுமை மாவில் எண்ணெய் சேர்த்து செய்யப்பட்ட பரோட்டா பலவகையான புரோட்டீன் மற்றும் கார்போஹைட்ரேட்டுகளை உடலுக்கு அளிக்கிறது. இந்த பாரம்பரிய உணவை இன்னும் ஆரோக்கியமானதாக மாற்ற சர்க்கரைவள்ளிக் கிழங்கில் பரோட்டா செய்து சுவைக்கலாம். இது ஒரு நிறைவான, ஆரோக்கியமான உணவாக இருக்கும்.
சர்க்கரைவள்ளிக் கிழங்கு பரோட்டா சிறப்புகள் :
- ஊட்டச்சத்து நிறைந்தது. அதிகளவு ஃபைபர், பீட்டா-கரோட்டீன், மற்றும் வைட்டமின் ஏ கொண்டது.
- இயற்கையான இனிமை மற்றும் மென்மையான தானிய அமைப்பு பரோட்டாவை சிறப்பாக்கும்.
- சர்க்கரை மற்றும் காரசாரத்திற்கான சரியான சமநிலை. சர்க்கரைவள்ளி கிழங்கு பரோட்டா தக்காளி சட்னியுடன் சேர்த்தால் உங்களின் காலை உணவு சூப்பராக இருக்கும்.
தேவையான பொருட்கள் :
கோதுமை மாவு – 2 கப்
உப்பு – 1/2 டீஸ்பூன்
எண்ணெய் – 1 டீஸ்பூன்
தண்ணீர் – தேவையான அளவு
பிரியாணிக்கு டஃப் கொடுக்கும் ஹைதராபாத் பகாரா ரைஸ்
மசாலா தயாரிக்க :
சர்க்கரைவள்ளிக் கிழங்கு - 2 (நன்றாக வேகவைத்து, மசித்தது)
மிளகாய்த் தூள் – 1/2 டீஸ்பூன்
சீரக தூள் – 1/2 டீஸ்பூன்
மஞ்சள்தூள் – ஒரு சிட்டிகை
இஞ்சி-பூண்டு பேஸ்ட் – 1/2 டீஸ்பூன்
கொத்தமல்லி – சிறிதளவு (நறுக்கியது)
உப்பு – தேவையான அளவு
எலுமிச்சை சாறு – 1/2 டீஸ்பூன்
செய்முறை :
- ஒரு பாத்திரத்தில் கோதுமை மாவு, உப்பு, மற்றும் எண்ணெய் சேர்த்து கலக்கவும்.
- சிறிது சிறிதாக தண்ணீர் சேர்த்து, மென்மையாக பிசையவும்.
- மாவை ஒரு ஈரமான துணியால் மூடி 30 நிமிடங்கள் ஊற விடவும்.
- சர்க்கரைவள்ளிக் கிழங்கு பூரணம் தயாரிப்பதற்கு வேகவைத்த சர்க்கரைவள்ளிக் கிழங்கை ஒரு பாத்திரத்தில் நன்றாக மசிக்கவும். அதில் மிளகாய்த் தூள், சீரக தூள், மஞ்சள்தூள், இஞ்சி-பூண்டு பேஸ்ட், உப்பு, மற்றும் கொத்தமல்லி சேர்க்கவும்.
- இறுதியாக எலுமிச்சை சாறு சேர்த்து நன்கு கலக்கவும். இதை சிறிய உருண்டைகளாக உருட்டி வைத்து கொள்ளவும்.
- பிசைந்த மாவை சிறிய உருண்டைகளாக பிரித்து கொள்ளவும். ஒவ்வொன்றையும் சற்று கனமாக தேய்த்து, நடுவில் ஒரு உருளைக்கிழங்கு பூரண உருண்டையை வைக்கவும்.
- பூரணத்தை மேலிருந்து மூடி, மீண்டும் மெல்லிதாக பரோட்டா அளவிற்கு தேய்த்துக் கொள்ளவும்.
- தோசைக் கல்லை சூடாக்கி, பரோட்டாவை இருபுறமும் எண்ணெய் தடவி பொன்னிறமாக வேகவிக்கவும்.
சிறுநீரக கற்களை உடனே கரைக்கும் சுவையான வாழைத்தண்டு சட்னி
பரிமாறும் முறைகள் :
- தக்காளி சட்னி அல்லது புதினா சட்னியுடன் பரிமாறலாம்.
- தயிர் மற்றும் ஊறுகாயுடன் சூடாக பரிமாறினால் இன்னும் சிறப்பாக இருக்கும்.
- சிறிய குழந்தைகளுக்கு தேன் அல்லது வெல்ல சீனி சேர்த்து கொடுத்தால் ஆரோக்கியமான காலை உணவாகும்.
- நோயெதிர்ப்பு சக்தியை உயர்த்தும். இதில் உள்ள வைட்டமின்கள் உடலுக்கு நன்மை தரும்.
- காலை உணவிற்கு சரியான தேர்வு . நீண்ட நேரம் பசிக்காமல் இருப்பதற்கு உதவும்.
சேனலை கிளிக் செய்து பின்தொடரவும்