மதுரை சூடான பருத்திப்பால்...இப்படி ஒரு சுவையான, ஆரோக்கிய பானத்தை நீங்க பார்த்திருக்கவே மாட்டீங்க

மதுரையில் ஃபேமசாக இருக்கும் பல உணவுகள் ஒன்று பருத்திப்பால். இப்படி ஒரு உணவை தமிழ்நாட்டின் வேறு எந்த ஊருக்கு போனாலும் பார்க்க முடியாது. மதுரையின் பாரம்பரிய உணவுகளில் ஒன்றாகவும், கிராமப்புற மக்களின் ஆரோக்கிய உணவாகவும் இருக்கும் சூப்பரான உணவு இது.

மதுரையில் உள்ள தெருவோர கடைகள் முதல் பெரிய ஓட்டல்கள் வரை பல இடங்களில் விற்கப்படும் ஒரு உணவு பருத்திப்பால். தெருவோர உணவுகளில் தமிழ்நாட்டின் மற்ற பகுதிகளை விட அசாதாரணமான சில தனித்துவமான உணவுகள் உள்ளன. அத்தகைய ஒரு உணவு தான் மதுரையில் கிடைக்கும். பருத்தி பால். பொதுவாக விருந்தினர்களுக்கு வரவேற்பு பானமாக வழங்கப்படும் சத்தான பானமாகும். பருத்தி விதைகளில் இருந்து தயாரிக்கப்படும் பருத்தி பால், ஆக்ஸிஜனேற்ற பண்புகளை உள்ளடக்கிய பல ஆரோக்கிய நன்மைகளை தருகிறது. இது செரிமானம் மற்றும் இரத்த ஓட்டத்தை மேம்படுத்துவதாக நம்பப்படுகிறது. நோய் எதிர்ப்பு சக்தியை அதிகரித்து, உடலுக்கு உடனடி ஆற்றல் தரும் உணவாகவும் இது பார்க்கப்படுகிறது. 

தேவையான பொருட்கள் :

பருத்தி விதைகள் (பருத்தி) - 2 கப் 
 பச்சை அரிசி - 1 கப்
வெல்லம்  - 1 கப்
உலர் இஞ்சி தூள் (சுக்கு) - 1 டீஸ்பூன்
ஏலக்காய் தூள் - ஒரு டீஸ்பூன்
கெட்டியான தேங்காய் பால் அல்லது தேங்காய் துருவல் - 1 கப்

தயாரிப்பு முறை :

- பருத்தி விதைகள் மற்றும் அரிசியை நன்கு கழுவி, இரவே தனித்தனியாக தண்ணீரில் ஊற வைக்கவும். 

-  காலையில் தண்ணீரை வடிகட்டி, இரண்டு பொருட்களையும் மென்மையான பேஸ்டாக அரைக்கவும்.

- இரண்டையும் தனித்தனியாக அரைத்து, பருத்தி விதை கலவையில் இருக்கும் பாலை வடிகட்டி எடுத்துக் கொண்டு, அரிசி அரைத்து வைத்ததை தனியாக சேர்த்தும் இதை செய்யலாம்.

- இந்த அரைத்த விழுதில் இருந்து பாலை வடிகட்டவும். வடிகட்டிய பாலை ஒரு பாத்திரத்தில் 8 முதல் 10 நிமிடங்கள் குறைந்த தீயில் கொதிக்க வைக்கவும். கெட்டியாகும் வரை கிளறிக் கொண்டே இருக்கவும்.

- வெல்லம், ஏலக்காய் மற்றும் உலர்ந்த இஞ்சி தூள் சேர்த்து நன்கு கலக்கவும்.

- இறுதியாக தேங்காய் பால் அல்லது துருவலை கலவையுடன் கலந்து, தீயை அணைக்கவும். சூடாக பரிமாறவும்.

மழை மற்றும் குளிர்காலங்களில் ஏற்படும் சளி, தொண்டை கரகரப்பு போன்றவற்றிற்கு இது நல்ல மருந்தாகும். சுக்கு, ஏலக்காய் சேர்த்திருப்பதால் இது எளிதில் ஜீரணம் ஆகி விடும். குழந்தைகள் முதல் பெரியவர்கள் வரை யார் வேண்டுமானாலும் இதை சாப்பிடலாம். பருத்தி விதைகளில் நார் சத்து, புரத சத்து அதிகம் உள்ளதால் ஜீரண திறனை அதிகரித்து, குடல் ஆரோக்கியத்தை பாதுகாக்கிறது. காலை மற்றும் மாலை நேரங்களில் காபி, டீ.,க்கு பதிலாக மதுரையின் கிராமப்புற மக்கள் எடுத்துக் கொள்ளும் சூப்பரான பானம் இது. டீ, காபியை தவிர்க்க நினைப்பவர்கள் இதை டிரை பண்ணலாம். வயிற்றுக்கு நிறைவான உணவாகவும் இருக்கும்.