☰
சிக்கன் உணவுகளில் மிக பிரபலமானது சிக்கன் 65 தான். குழந்தைகளுக்கு மிகவும் விருப்பமான உணவாக உள்ளது. இதை சைட் டிஷ்ஷாக மட்டுமல்ல பலர் ஸ்நாக்சாகவும் சாப்பிடுவது உண்டு. ஆனால் இதை சரியான முறையில், சரியான பக்குவதில் செய்தால் மட்டுமே மீண்டும் மீண்டும் சாப்பிட தூண்டும் சுவை கொண்டதாக இருக்கும்.
சிக்கன் 65 என்பது தென்னிந்தியாவின் புகழ்பெற்ற ஸ்பைசி மற்றும் கிரிஸ்பி சிக்கன் ஸ்நாக் ஆகும். இது உணவகங்களில் மிகவும் பிரபலமாக இருந்தாலும், வீட்டிலேயே சுவையான சிக்கன் 65 செய்யலாம். இது பொதுவாக ஸ்டார்டர் அல்லது சிற்றுண்டியாக பரிமாறப்படும். வீடுகளில் அனைவரும் விரும்பும் சரியான சுவை கிடைப்பதில்லை என்பதால் பலரும் ஹோட்டல் சிக்கன் 65 தான் விரும்புவார்கள். ஆனால் சிக்கனமாக, ஆரோக்கியமாக வீட்டிலேயே சிக்கன் 65 செய்து அசத்தலாம்.
தேவையான பொருட்கள்:
கோழி இறைச்சி - 500 கிராம் (சிறிய துண்டுகளாக வெட்டியது)
மிளகாய்த்தூள் - 2 டீஸ்பூன்
மஞ்சள்தூள் - 1/2 டீஸ்பூன்
கரம் மசாலா - 1 டீஸ்பூன்
சீரகத்தூள் - 1/2 டீஸ்பூன்
மைதா - 2 டேபிள்ஸ்பூன்
கார்ன் ஃப்ளோர் - 2 டேபிள்ஸ்பூன்
பச்சை மிளகாய் பேஸ்ட் - 1 டீஸ்பூன்
இஞ்சி-பூண்டு பேஸ்ட் - 1 டேபிள்ஸ்பூன்
கறிவேப்பிலை - 1 கைப்பிடி
தயிர் - 2 டேபிள்ஸ்பூன்
உப்பு - தேவையான அளவு
எண்ணெய் - தேவையான அளவு (பொரிக்க)
எலுமிச்சைச் சாறு - 1 டீஸ்பூன்
முட்டை - 1 (விருப்பமானது)
மிளகு தூள் - 1/2 டீஸ்பூன் (சிறிது அதிக காரத்தன்மைக்காக)
தயாரிக்கும் முறை:
- சுத்தமான கோழி துண்டுகளை ஒரு பெரிய பாத்திரத்தில் எடுத்து அதில் மிளகாய்த் தூள், மஞ்சள் தூள், கரம் மசாலா, சீரகத் தூள், பச்சை மிளகாய் பேஸ்ட், இஞ்சி-பூண்டு பேஸ்ட், தயிர், உப்பு, எலுமிச்சைச் சாறு சேர்க்கவும்.
- அதோடு மைதா, கார்ன் ஃப்ளோர் சேர்த்து நன்றாக கலக்கவும்.
- இறுதியாக, முட்டை சேர்த்து அனைத்து பக்கமும் சேருமாறு பிசைந்து, குறைந்தது 1 மணி நேரம் ஊற வைக்கவும்.
- சிறந்த கிரிஸ்பியான சிக்கன் 65 செய்வதற்கு, 2 மணி நேரம் ஊற வைக்கலாம்.
- ஒரு கடாயில் எண்ணெயை நன்றாக காய வைத்து, ஊற வைத்த சிக்கன் துண்டுகளை பொரிக்கவும்.
- பொன்னிறமாக மாறி கிரிஸ்பியாக வந்தவுடன், மிதமான தீயில் மேலும் 2-3 நிமிடம் பொரிக்கவும்.
- இறுதியாக, கருவேப்பிலையை எண்ணெயில் பொரித்து சிக்கன் 65 மீது சேர்க்கவும்.
- அதிக கிரிஸ்பியாக இருக்க தேவையென்றால், பொரித்த சிக்கனை மீண்டும் ஒரு முறை எண்ணெயில் டிப் செய்து கொடுக்கலாம்.
பரிமாறும் முறை :
- சூடாக மொறு மொறு சிக்கன் 65-ஐ, வெங்காய, எலுமிச்சை துண்டுகளுடன் பரிமாறலாம்.
- மயோனெய்ஸ், புதினா சட்னி அல்லது சாஸ் சேர்த்து பரிமாறலாம்.
- சிறப்பாக இன்னும் காரத்தன்மை வேண்டுமெனில், மேலே சிறிது மிளகு தூள் தூவலாம்.
மேலும் படிக்க:பீட்ரூட் ஜூஸ் நல்லது தான்...ஆனா இவங்க குடிச்சா ஆபத்து ஆகிடும்
அதிக சுவைக்கான குறிப்புகள்:
- மேலும் காரத்தன்மை தேவையென்றால், பச்சை மிளகாய் பேஸ்ட் அதிகமாக சேர்க்கலாம்.
- மைதா மற்றும் கார்ன் ஃப்ளோர் சேர்ப்பது சிக்கனின் மேல் தோல் மொறுமொறுப்பாக இருக்க உதவும்.
- சிக்கன் 65-ஐ, தொட்டு உண்டு உணவாகவும், பிரியாணி மற்றும் புலாவுடன் பரிமாறவும் முடியும்.
-சிறிது மென்மையாக இருக்க வேண்டுமென்றால், தயிரின் அளவைக் கூட்டலாம்.
- சிக்கன் 65 இல் சைவ விருப்பம் இருப்பவர்கள் பன்னீர் அல்லது காலிஃபிளவர் பயன்படுத்தலாம்.
சுவையான மற்றும் கிரிஸ்பியான சிக்கன் 65 வீட்டிலேயே தயாரித்து உறவினர்கள், நண்பர்களுடன் மகிழ்ந்து சுவைக்கலாம்! இது கடைகளில் கிடைப்பதை விட, வீட்டில் செய்யும்போது ஆரோக்கியமானதும், சுவையாகவும் இருக்கும்!
சேனலை கிளிக் செய்து பின்தொடரவும்