காரசாரமான டேஸ்டி புதினா சட்னிக்கு இந்த டிப்ஸ் டிரை பண்ணுங்க

Published : May 10, 2025, 06:57 PM ISTUpdated : May 10, 2025, 07:01 PM IST
காரசாரமான டேஸ்டி புதினா சட்னிக்கு இந்த டிப்ஸ் டிரை பண்ணுங்க

சுருக்கம்

காரசாரமான புதினா கார சட்னியை வீட்டில் செய்வதற்கு மிக எளிமையான டிப்ஸ் பின்பற்றினாலே போதும். புதினா சட்னி அரைக்கும் போது 2 ரகசிய பொருட்களை மட்டும் சேர்த்துடுங்க. பிறகு உங்கள் சட்னிக்கு அனைவருக்கும் நாக்கை சப்புக் கொட்டி சாப்பிடுவார்கள். இந்த சட்னி அரைத்தால் சட்டென காலியாகி விடும்.

புதினா சட்னி, இட்லி, தோசை, வடை போன்ற சிற்றுண்டிகளுடனும், சாதம் மற்றும் பிற முக்கிய உணவு வகைகளுடனும் பரிமாற இது மிகவும் சுவையாக இருக்கும். புதினாவில் உள்ள மருத்துவ குணங்கள் செரிமானத்திற்கு உதவுவதுடன், உடலுக்கு குளிர்ச்சியையும் தருகிறது.

புதினா சட்னி செய்ய தேவையான பொருட்கள்:

ஒரு கட்டு புதினா இலைகள்

1/2 கப் கொத்தமல்லி இலைகள்

2-3 பச்சை மிளகாய்

1 சிறிய துண்டு இஞ்சி

2-3 பல் பூண்டு

1/2 தேக்கரண்டி சீரகம்

1 சிறிய நெல்லிக்காய் அளவு புளி 

தாளிப்பதற்கு:

1-2 தேக்கரண்டி நல்லெண்ணெய்

1/2 தேக்கரண்டி கடுகு 

1/4 தேக்கரண்டி உளுத்தம்பருப்பு 

1 காய்ந்த மிளகாய் 

 தேவையான அளவு கறிவேப்பிலை 

புதினா சட்னி செய்முறை:

புதினா மற்றும் கொத்தமல்லி இலைகளை நன்றாக கழுவி சுத்தம் செய்து கொள்ளவும். பச்சை மிளகாய், இஞ்சி, பூண்டு ஆகியவற்றை பொடியாக நறுக்கிக் கொள்ளவும். ஒரு கடாயில் சிறிது எண்ணெய் ஊற்றி சூடாக்கவும். அதில் உளுத்தம்பருப்பு, காய்ந்த மிளகாய், நறுக்கிய பச்சை மிளகாய் மற்றும் இஞ்சி அதனுடன்  சுத்தம் செய்த புதினா மற்றும் கொத்தமல்லி இலைகள் ஆகியவற்றை சேர்த்து நன்கு வதக்கவும். வதக்கிய கலவையுடன், புளி மற்றும் தேவையான அளவு உப்பு சேர்த்து மிக்ஸி ஜாரில் சிறிதளவு தண்ணீர் விட்டு நன்றாக விழுதாக அரைத்துக் கொள்ளவும்.  பின்னர் கடாயில் சிறிது நல்லெண்ணெய்  ஊற்றி கடுகு, உளுத்தம்பருப்பு மற்றும் கறிவேப்பிலை தாளித்து சட்னியில் சேர்க்கவும்.

சீரகம் மற்றும் பூண்டின் கூடுதல் நன்மைகள்:

புதினா சட்னி அரைக்கும்போது சீரகம் மற்றும் பூண்டு சேர்ப்பது அதன் சுவையை அதிகரிப்பது மட்டுமல்லாமல், சில ஆரோக்கிய நன்மைகளையும் வழங்குகிறது.

சீரகம் செரிமானத்திற்கு மிகவும் நல்லது. இது வாயு மற்றும் வயிற்று உப்புசத்தை குறைக்க உதவுகிறது. மேலும், இது ஒரு நல்ல ஆன்டி-ஆக்ஸிடன்ட் ஆகவும் செயல்படுகிறது.

பூண்டு ஒரு சிறந்த நோய் எதிர்ப்பு சக்தியை அதிகரிக்கும் உணவு. இதில் ஆன்டி-பாக்டீரியல் மற்றும் ஆன்டி-வைரல் பண்புகள் உள்ளன. மேலும், இது இரத்த அழுத்தத்தை கட்டுப்படுத்தவும் உதவுகிறது.

எனவே, அடுத்த முறை புதினா சட்னி செய்யும்போது, இந்த இரண்டு பொருட்களையும் சேர்த்துப் பாருங்கள். சுவையும் ஆரோக்கியமும் ஒருங்கே கிடைக்கும்.

PREV
Read more Articles on
click me!

Recommended Stories

viral pink dosa: புரதம் நிறைந்த பிங்க் தோசை... பிள்ளைங்க இன்னும் 2 கேட்டு வாங்கி சாப்பிடுவாங்க!
Madurai famous food: கறி தோசை, பன் பரோட்டா, ஜிகர்தண்டா... மதுரையின் உணவுகளைத் தேடி வந்த சுற்றுலாப் பயணி!