premature aging பெண்களே உஷார்...இளமையிலேயே வயதான தோற்றம் ஏற்பட இது தான் காரணம்

இளமையான தோற்றத்தை தான் அனைவரும் விரும்புவோம். ஆனால் அப்படி இளமையாக இருப்பது நம்முடைய கைகளில் தான் இருக்கிறது என்பது பலருக்கும் தெரிவது கிடையாது. குறிப்பாக பெண்கள் செய்யும் பல தவறுகளால் தான் அவர்களுக்கு இளமையிலேயே வயதான தோற்றம் வந்து விடுகிறது. 

ஆண்களை விட பெண்கள் தான் பெரும்பாலும் தங்களை இளமையுடன் காட்டிக் கொள்ள வேண்டும் என நினைப்பார்கள். ஆனால் பெண்களின்  சில தவறான பழக்கங்கள் அவர்களை 20 வயதிலேயே 40 வயது போல் காட்டும் தோற்றத்தை (premature aging)ஏற்படுத்தி விடுகிறது.. இதற்கு பல காரணங்கள் சொல்லப்படுகிறது. என்னென்ன பழக்கங்களை தவிர்த்தால் அல்லது மாற்றிக் கொண்டால் எப்போதும் இளமையான தோற்றத்துடன் ஸ்வீட் 20 ஆக வலம் வரலாம் என தெரிந்து கொள்ளலாம். மனநிலையையும், அழகையும் பாதிக்கும் எந்தெந்த விஷயங்களை தவிர்க்க வேண்டும் என தெரிந்து கொள்ளலாம். 

இளமையிலேயே முதுமை தோற்றம் தரும் பழக்கங்கள் :

1. தூக்கக் குறைவு :

தினமும் 6 மணி நேரத்திற்கும் குறைவாக தூங்குபவர்கள், முகத்தில் கருப்பு வளையங்கள்(black circles), சோர்வான தோல் மற்றும் பளபளப்பை இழக்க ஆரம்பிக்கிறார்கள். தூக்கம் சரியாக வரவில்லை என்றால், சருமம் புதுப்பிக்க முடியாது. இது முதிர்வு அறிகுறிகளை வேகமாக கொண்டு வருகிறது.

2. சரியான பாதுகாப்பு இல்லாமல் வெளியே செல்வது

எதையும் பயன்படுத்தாமல் நேரடியாக வெயிலில் செல்வது, தோலை விரைவாக சுருங்கச் செய்கிறது. இதனால் முகத்தில் மருக்கள், சுருக்கங்கள் மற்றும் வறட்சியான தோல் தோன்றுகிறது. குறைந்தபட்சம் SPF 30 கொண்ட சன்ஸ்கிரீன் பயன்படுத்துவது அவசியம்.

மேலும் படிக்க: ஆபீசில் அனைவருக்கும் உங்களை பிடிக்க வேண்டுமா? இதோ சில ட்ரெண்டிங் டிப்ஸ்

3. சரியான நீர் அருந்தாதது

தோல் உட்பட உடலின் அனைத்து உறுப்புகளுக்கும் நீர்ச்சத்து தேவைப்படுகின்றன. நீர் குறைவாக அருந்தும் பெண்களுக்கு, தோல் உலர்ச்சி, தளர்ச்சி, மற்றும் வயதானது போன்ற தோற்றம் ஏற்பட்டு விடுகிறது.

4. அதிகமான மேக்கப்

அதிகம் மேக்கப் (make up) செய்வது தோலை கடினமாக செய்யும். ஆனால் அதை முழுவதும் தவிர்ப்பதும் சருமத்தை பாதுகாக்காது. சிலர் தங்கள் தோலை பராமரிக்காமல் விட்டுவிடுகிறார்கள். மிதமான, தோலுக்கு ஏற்ற வகையில் சுத்திகரிக்கவும், ஈரப்பசை வைத்திருக்கவும் முக்கியம்.

5. மன அழுத்தம் மற்றும் கவலை

மன அழுத்தம் (stress)என்பது உடல் முழுக்க, குறிப்பாக தோல் பாதிப்பை ஏற்படுத்தும். அதிகமான ஹார்மோன் மாற்றங்கள் (hormonal changes) தோலை கெடுக்கக்கூடும். இது முதிர்வை விரைவுபடுத்தும்.

6. சரியான உணவு பழக்கம் இல்லாமை

அளவுக்கு மீறிய சர்க்கரை, பாஸ்ட்புட், குறைந்த நார்ச்சத்து கொண்ட உணவுகள் இவை அனைத்தும் விரைவாக இளமை தோற்றத்தை தந்து விடும் . தோல் இளமையாக இருக்க, வைட்டமின் சி, ஈ, மற்றும் ஹெல்தி கொழுப்புகள் தேவை.

மேலும் படிக்க: பெண்கள் மெஹந்தியை விரும்பி வைத்துக் கொள்வதற்கு இது தான் காரணமா?

7. புகைபிடித்தல் மற்றும் மது பழக்கம்

இந்த இரண்டு பழக்கங்களும் தோலை சுருக்கம் அடையச் செய்யும். ரத்த ஓட்டத்தை பாதித்து, நரம்புகளுக்கு சீரான வேலை செய்ய முடியாது. முடிவில் தோல் உயிரற்றதாகவும், சுருக்கம் அடைந்ததாகவும் மாறும்.

முதிர்வைத் தவிர்க்க முடியாது. ஆனால் அதை தாமதப்படுத்துவது நம் கையில் தான். ஒவ்வொரு நாளும் சற்று நேரம் எடுத்துக்கொண்டு, தூக்கம், உணவு, வெயில்பாதுகாப்பு, மனநிலை—இவையனைத்தையும் கவனித்தால், வயதைவிட இளமையாகத் தோன்ற முடியும்.